رواية العار

بارت ١٥

اجوي ناس يسلمون ع امي وأعلى. اختي واخواني واني يعبروني  ولا احد يسلم عليه.
كتلها شيماء شنو اني ماابين لو شنو
كالت يجوز مايعرفونج
انداريت ع امي يمه ليش هيج يعاملوني
مو كتلج الناس تعرف انتي مو بتنه
شنو  تحجين  شنو اتبريتي مني
اي  اكعدي واسكتي لاتخربين العرس علينه وإذا مايعجبج اطلعي من القاعه
طبعا اني كبل طلعت  امشي نزعت الحذاء وامشي وابجي
السيارات ادك هورنات بس اني ماهامني كلشي
فكرت أذب روحي ع اي سياره واخلص من هاي الحياه
امي نكرتني بالحياه. وماهر الي اعشقها كرهني
بعد لمن اعيش ياناس
مشيت مسافه حسيت رجليه تعبت اجرت تكسي
ورحت ع بيت نسيمه
دكيت الباب
هاااا خير ياطير  شذباج عليه
كتله اريد اكعد عندج فدوه
كالت خير شكو شبيج ولج
امي امي ناكره اني بنتها ومن وكف الشغل طلعت غير وجه حتى اخواتي واخواني يعاملوني اني وحده نكره
اي طبعا امج بس تشفط فلوس عبالك بلوعه هذه كله تعبج
يالله  اليوم نامي وباجر انروح انشوف امج
كعدنه وظلت اسولف عليه
ولج لو مطاوعه ماهر ولج يملك مال وحلال ومآخذ بت الوزير. غير يعيشج ملكه
ماريد هيج أريده زواج اريد ارتاح من هاي المذله والقهر
كله إهانات ونظره عاهرات ليش
الله الله هسه الي يسمعج يكول  نشتغل عاملات نظافه ههههه واحنه هز وردح وعربده
خال نسيمه اني بس اركص بس محافظه ع روحي
  نامي نامي اني الحق عليه جاي انصحج
حتى اظمنين مستقبلج
طبعا كلام نسيمه  كله صحيح ومقنع بس اني اريد  حب وزواج حالي حال الكل
صبح الصبح اتريكنه  وكالت يالله البسي خلي انروح لامج
هاااااا   امي والله مااعرف شكول
كومي كومي
رحت وياها كأنو بعدهم نايمين
امي حتى ماكلفت روحها وسالت عليه
طلعت اني   نعم.
نعم الله عليج شنو لا صباح الخير لاسلام لا كلام خير
هو الي يشوف هاي الشكولات يجي من ورآها خير
الله عيني لعد هذه العز الي انتي بيه منين يمه
صار عشر سنوات البنيه تشتغل لاحمد ولا شكوره
كتله يمه اني شنو سويت هيج تعامليني
كالت انت عاااااار علينه