دخلنا بهاي الغرفه والشيخ قفل الباب
فرشت الاكل ريحته تدخل ع المخ گبل 😋😋😋
نمارق. كالت ولج اتعشي تره الليل طويل ويراد حيّل
كتله استحي كالت بقينه بس احنا وهذه الشيخ مشغول ويه امي
مديت ايدي كمت أكل
كباب ورباطه وببسي اكلت اهواي شبعت
صاح الشيخ ع الولد شالو الاكل
كالوهم حضوري الاركيله بالاستقبال
اني شكد ويه بيت نمارق ماشفت عدهم فرقه مال موسيقى لو موسيقي نصبو اجهزه الموسيقى
وصارت الحفله غنت ام نمارق الي هي نسيمه وصار الردح
اشرت لبتها كامت نمارق تركص
وبشعرها اتفر رجعت عليه جرتني من ايدي كالت يالله خلي نركص مثل لمن نركص بالغرفه
كتله ماااا اني استحي والعالم اتباوع غمضي عيونج ومعليج
ولج اخاف أغمض واوكع لا سويها وانتي مغمضه
كمت بعد مالحت وحجيت صدك غمضت اعيوني ورحت بعالم ثاني ع صوت الموسيقى وردح وهز وشعري طويل وسرح
واشوف هذه الشيخ يشيل افلوس كومه مثل االرز ع كولت المصريين وردح يجي هذه يذب ع راسي ورأس نمارق
ونسيمه اتغني
وكام ويانا يردح ويركص وانوب ركص جوبي اني بعد
راح المستحه من شفت الفلوس. رزم رزم
تستريح نسيمه وتغني وهكذا..... الى مصارت ب4الفجر كالت إلمو الفلوس بس اني ونمارق جمعنها بعلاكه قماش
وحضرنه حجاتنه سلمنه ع الشيخ هذه شال شده مال فلوس وانطاني كال هاي الج اليوم عجبتيني
اني باوعت ع نسيمه يعني أخذهم.
كالت اخذينهن عيني لازم دخلت مزاجك شيخنا
كال اي والله هاي شكرلمه
طبعا حجّي والغاز اني كنت ماافهمها اخذت الشده بسرعه فرحانه اريد احسبها بس هوسه وجاي نطلع
اجت تكسيات اتلاثه............ احنا التلاثه سوه. والبنات وصالح والفرقه بالتكسيات الباقيه رجعنه وعدنه الفلوس
اني شكد تعبانه بس ابد ماحسه بالتعب فرحانه بالفلوس
رحت للبيت ام نمارق ارتاحيت ونمت كعدت بالسبعه ع صوت ام نمارق. يالله صابرين كومي
روحي لاهلج وهاج هاي الفلوس انطيهن لامج من غير الشده
اخذتهن والبست ملابس الي طلعت بيهن من البيت
بعدني مادكيت ام فتحت الباب
حظنتني وبجت كالت هاي يمه شلونج
كتله يمه اني زينه تعالي يمه شوفي الفلوس
ام كالت تعالي بالحمام رحنا وقفلنه الباب وطلعتهن من العلاكه وشافتهن امي اتعجبت وفرحت ظلينه نحسب الرجال. فلوسه الف دينار وأم نمارق انطتني ٥٠٠ اهواي كلش امي اخذتهن وكالت كوالي انت بالمستشفى تشتغلين
اي يمه اعرف بس اني گلبي من الفرح طاير من شفت امي فرحانه رجعت نمت بزويه الغرفه ماحست ال امي كعدتني ع الغده دجاج وتمن واخواني فرحانيين وياكلون
اختي شيماء كالت صابرين الشغل بالمستشفى تعب
اني باوعت على امي وحرت شنو أرد
كتله اي تعب بس اني بعدني جديده
ماخلوني اشتغل كالت وهاي العشر دنانير
أنت تقرأ
رواية العار
General Fiction الضروف تجبر الانسان على مصير اظلم وبشع ومرات نضحي للناس الي نحبهم لكن لناس ماتسوه التضحيه .
