اغتصبني و انا حامل ( روايات ليبية )

حلقة 4🔥

أغتصبني وأنا حامل
الحلقه 4
الكاتبه Melo Hassan

ليلى: خلاص واخيرا كملنا ترا اتصلي بيهم ي امال
انا: تمام هي
ترن ترن
محمد: اهلين بنتي
انا: شنو صار وصلتو
محمد: اطلعي برا احنا وصلنا لشارع متعنا
انا: ههه واخيرا هيا ليلى هما برا

طلعنا واستقبلنهم
محمد: تعالو اهني نبي بوستي
انا: عمي استحشتك الحوش بلاك مش حلو بكل
ليلى: اي والله ي بويا مش حلو بكل
فاديه: جبتلكم معايا هدايا امس يوم كامل واحنا ندورو باش نشريلكم هدايا
انا: ههه حليلي منكم هيا ادخلو ريحوو شويه
حواء: انا تعبانه بنرقد
فاطمه: حتا انا والله رجليا مش شايليني
انا: بهي ادخلو ارقدو مابعدكم مسافه طويله اكيد تعبتو
فاديه: شفتو شن درت في شعري
انا: ههه اي تهبلي والله
محمد: انا زعلان منها منبيش تقص شعرها
فاديه : ههه خاطري فيها القصه من زمان واخر مره ي بابا وعد معاد نقصها
انا: نوعدك ي عمي منقصش شعري
محمد: اي انا عارفك اكتر وحده تسمعي في كلامي ربي يحفضكم ليا

عمي كان حياته كلها بناته بس مدلعنا هلباا واحنا كنا نحترمو فيه ونحبوه ومنبوش نزعلوه من شي

خشو رقدو
انا وليلى في الصاله
انا: اه ي ليلى نفكر في احمد شن بيدير لما بيطلب ايدي مازن
ليلى: اي والله موضوع كبير ونتوقع منه اي شي
انا: انا منبيش ندير عرس كبير نبي ليله وحده بس منبيش اي مشكله يسببها احمد
ليلى: اي لكن بويا مش راح يرضا هوا من زمان يقول عرس بناتي في صاله و7 ليالي وبيعزم الناس كلها
انا: مش عارفه ربي يكون معانا
بنتكا شويه نوضيني ع 5
ليلى: تمام

بعد ساعتين
ليلى: امال هيا نوضي
انا: هيا هيا
نضت دخلت الحمام دوشت
انا: ليلى هيا نحطو الحار في الكوشه يسخن
ليلى: اي تمام

فاطمه: هيا محمد نوض صلي العصر ساعه 6 

فاديه وحواء نزلو
فاديه: شن اديرو شنو هدا الي شارينه
انا: هدا عشانا اليوم انتم برو قعمزو في الصاله
حواء: خلينا نساعدوكم
انا: لا لا هيا اطلعو

وتينا الطاوله وحطينا لعشاء
تلفوني ترن ترن
انا: الو مازن وينك لتوا عطلت
مازن: انا في طريق نبي نقولك البسي وشاح قدام احمد
انا: هدا لاش متصل مازن
مازن: اي والبسي مستور
انا: حاضر

وصل مازن
محمد: اهلين مازن تفضل
سلم ع فاديه وحواء وعمتي فاطمه 

قعمزنا كلنا قعد عمي محمد يحكي ع تونس وفاديه تحكي وتعلق ع حواء وحواء تعلق ع فاديه هكي قريب نص ساعه
محمد: هيا انا جعت وين لعشا
انا: هيا تفضلو ع طاوله
قعمزنا كلنا وبدينا ناكلوو
مازن يشوفلي وبدا يتبرد وبدا يشرلي ع اساي نحكي لعمي توا وانا نضحك
معاد قدرت نتحمل نضت من ع طاوله
محمد: حيرك بنتي شن كليتي انتي
انا: لا ي عمي صحيت والله شبعت
محمد: لا ارجعي كولي
انا: حاضر