اغتصبني و انا حامل ( روايات ليبية )

حلقة 7🔥 ما قبل النهاية 🔥

اغتصبني وانا حامل
الحلقه 7 قبل الأخيره
الكاتبه Melo Hassan

في الصبح في حوش العيله
فاديه: هيا انزلو وتيت لفطور وامي قالت نبيهم كلهم ينزلو
نضت انا واتصلت بي مازن
مازن: هيا روحي ندوش ع سريع ونجي
انا: تمام
دخلت الحمام شطبت وطلعت لدار نوضت ليلى وحواء ونزلنا

طبعا ع طاوله مقعمزين كلنا وكانت بايته معانا عمتي حميده
تمينا فطور
فاطمه : احمد انتا معاد عندك حق تتكلم ع الورثه ومعاد نبيك اضايق خواتك لانه حانتنازلك ع حصتي كلها الا بيت العيله حايقعد بأسمي
فاديه: لاش شنو هوا صغير بيسرقك عيني عينك
احمد: انتي مدخلكش كل حد ياخد حقه
انا: في نهايه فلوس راهو متكونش طماع ساد مادرت فينا
حميده: تبي تغير الموضوع شنو احمد امتا بنفرحو بيك
انا: عمي ليه اسبوعين ميت وانتي تفكري في العرس
حميده: رتاج بنت عمك خلاص هوا هداكه عمرها اتزوجها وديرو ليله وحده
فاطمه: انا قعدا رابط تحشمي اما عرس هدا توا ومشت لدارها
حميده: نا كنت قصدي خلي خويا يرتاح في قبره ويتزوجو بناته وولده
فاديه: اي عندك حق لكن لكلام هدا مش وقته
حواء: الي مايحس مستحيل بنشروله ضمير وقلب
حميده: بديتي تعلي في صوتك عليا
ليلى: رجااااء خلاص احترمي نفسك ساد
حميده: وانتي قبل ماتمشي ولدي خالد متحلميش بيه
ليلى: ههه شن غير رايك توا والله لو هوا راضي بكلامك عادي الف واحد يتمناني وصحيتي

الحق وجعنا كلام عمتي لأنها كانت تحكي باستهزاء ومش حاسه بي الي نحسو بيه من يومها قاسيا
فاديه: امتا بيسافر مازن ي امال
انا: لخميس هدا بيطلع
احمد شافنا وطلع
فاديه: بهي مانا جيبي حوايجك وتعالي يوم لخميس
انا: لا الحق بنقعد في حوشي علشان نهاد بتقعد معايا هيا وولدها
فاديه: براحتك اموله

دخل خالد وحاتم
السلام عليكم
مازن: عليكم السلام وين لتوا
خالد: اهو والله حد النوضه قلنا خلي نمرو ع العيله نشوفوهم
حاتم: اي زي ماقال خالد وانتا امتا السفره ي مازن
مازن: لخميس انشاءالله
خالد: انشاءالله غير مش مطول
مازن: لا اسبوعين بس ومروح
خالد: ع خير انشاءالله

فاديه: وين لبنات خبرهم مجوش معاكم وعمي مهدي وعمتي فوزيه
حاتم: الحق بيجو في الليل
فاديه: اه مرحبتين بيهم

في الليل

العيله كلها ملتمه ويهدرزو

انا وحواء في الكجينه نطيبو في لعشاء
حسيت بدوخه شديت في ثلاجه
حواء: خيرك امال بري ارتاحي توا نكمل
انا: لالا مدورنيش اليوم ماكليت شي هدا لاش
حواء:  احي لو تطلعي حامل
انا : لا مازال منبيش توا بعد السنه انشاءالله
حواء: بهي ههه نديرلك سندوتش
درتلي حواء سندوتش كليته وكملت معاها عادي

تمينا لعشاء وقدمناه
فاديه دارت نسكافيه وحلو

بعدها
مازن: دزلي رساله هيا روحي تعبان بنرقد هيا اروحو
انا: بهي ي روحي هيا
مازن: هيا بسلامتكم توا  باش تتفضلو يوم الاربعاء داير عشاء بسيط قبل مانسافر
العيله: انشاءالله سلمك