اغتصبني و انا حامل ( روايات ليبية )

حلقة 5🔥

أغتصبني وانا حامل
الحلقه 5
الكاتبه Melo Hassan

وصلنا للمحلات
انا: ي مازن وقف ع محل المكياج
فاديه: خودي ماركه كامله
انا: اي تمام
مازن: خودي الي تحبيه انتي متخليش شي في خاطرك
انا: حليلي منه

طبعا انزلنا
قريب 4ساعات واحنا ندورو من محل لي محل كملنا خلاص

مازن: توا نمشو احجزي في الفيلو
انا: تحشمت شويه وجهي احمر
مازن: حليلي من المتحشم انا
انا: ههه مش عارفه امتا بتعقل بس

المهم وهكي خطمنا ع محل الفيلوات

قست الاول بس محبيتاش كان عريان وانا صدري كبير شويه
فاديه: شوفي هدا مستور وحلو
انا: اي تمام قسته كان يهبل عليا
فاديه: محلاك تاخدك العين

انا: خلاص نبي هدا احجزيه ليا
وتاج هدا
فاديه: متبيش باقة ورد
انا: لا مازن بياخدها ليا ع ذوقه فيها ورد طبيعي
فاديه: ي قلبي انتي تمام

طلعنا
في السياره
مازن: شنو حجزتي فيه الفيلو
انا: اي مازن خلاص انهي الموضوع توا
مازن: تمام توا نحكو بعدين ع تلفون ههه
انا: فنصت فيه

وصلنا للحوش
قعدنا انزل في البضاعه ودخلناها لدار
وانزلنا لوطه مع عمي
محمد: شنو بنتي اخديتي الي تبيه
انا: اي عمي وكملنا كل شي مازلي اغراض بسيطه غدوه بنمشي انا ولبنات ناخدهم
محمد: بهي بنتي انا حجزت في صاله يوم الاربعاء والخميس وبندير خيل ومن يوم الاتنين انشاءالله يكونو العاملات اهني وبعتت حتا لجيران كلهم وكلمت عمتك حميده انشالله اليوم توصل
انا: تمام عمي علاش هدا كله تعبت روحك
محمد: قداش عندي بنات انا
فاديه وليلى وحواء وانا : ربي يخليك لينا ويطول في عمرك
محمد: سلمكم بناتي وين مازن خيره ماجاش لتوا نبيه في موضوع
انا: شويه ويجي قلي نجيب اختي نهاد بس علشان تبي تهدرز عليا ونتفاهمو ع حفله
محمد: تمام اهو نستنا 

بعد نص ساعه ____

وصل مازن قعد مع عمي يهدرز

ونهاد معانا فوق نهدرزو
نهاد: انا وعمي ومرت عمي وبناتها بنجو لصاله
انا: مرحبتين بيكم
نهاد: الحق كلهم رافضين وماما خاطرها تجي بس بويا الحق رفض
انا: اي عادي مع الوقت يوافقو
فاديه: مسود قلبهم وكك حتا امك ماتت وقعدين محنوش عليك يسود عيشتهم
انا: فاديه عيب خلاص انتم ونهاد منورين حياتي مليش دخل بي حد كل حد ورايه

فاديه: اسفه نهاد مكانش قصدي شي بس الحق زودوها

نهاد: اي والله ع قد ماحاولنا معاهم انا ومازن مكانوش يفهمو بكل

انا: تمام عادي غدوه بتجي عمتي حميده والله استحشت ايناس
ليلى: هههه
حواء: نيالك ي ليلى
انا: هههه بيشرفنا المحامي

خلي نحكيلكم شويه ع عمتي حميده 
هيا مش حنونه عليا ومنحسش انها عمتي بكل متزوجه وتسكن في يفرن