اغتصبني و انا حامل ( روايات ليبية )

حلقة 8🔥 النهاية 🔥

اغتصبني وانا حامل
حلقه 8 والأخيره
الكاتبه Melo Hassan

رتاج: انتي حامل ليك اكتر من اسبوعين
انا: شكرا ياربي نبكي من الفرحه ومن الموقف احي ع راحه الي نزلت ع قلبي مش عارفه بعد الي سمعته من رتاج ربي صبرني وخلاني نأمن بيه وانه هوا اقوا من كل شي ارتحت هلبا  لما عرفت انا حامل من مازن حبيبي وفي نفس الوقت تفكرت كيف بنحكي لي مازن ومازن شن بيدير 

نهاد: السلام كيف حالك توا امال طمنيني شن صار في التحليل قولي
انا: ولد مازن في بطني
نهاد: شكرا يارب الحمدالله ربي عطاك  ع قس نيتك الحمدالله
فاديه: مبروك الحمل اموله وتشوفلي ومش عاجبها الي صاير
حواء: انتي لما كنتي معايا في الكجينه ولما حسيتي روحك بدوخي انتي حامل هداكه الوقت
انا: اي مكنتش نعرف الحمدالله ع ماأصابنا
ليلى: تشوفلي وتبكي وطلعت مقدرتش تحكي معاي لانها كانت هاديه وحساسه ومتتحملش

في حوش العيله
فاطمه: وينهم لبنات لتوا معاد جو
حميده: هما قالو بنمشو لي امال
ايناس: اي امال طلعت حامل ومشو معاهل لما دارو تحليل توا يروحو
فاطمه: حامل روروروري هيا نوضي خلي نلحقاها
ايناس: لا هما اكيد بيجو اهني
مروه: ايناس تعالي شويه نبيك

مروه: ردي بالك تحكي الموضوع لحد حتا لماما انتي تعرفها متسكتش عيب متجيش امال في نهاية بنت خالي وهيا كويسه معانا
ايناس : كوني مطمنه خلاص

ايناس: الو حواء وينكم امك مشغوله عليكم
حواء: شويه وجاين غير ردو بالكم يعرفو بس
ايناس: لا مدوريش

انا كرهت حوشي وعتبته
وصلت لحوش العيله
فاطمه: اهلين بنتي مبروك عليك انشاءالله تجيبي ع خير
حميده: مبروك
جبلي خالد حوايجي وجبهملي في حوش العيله قعدت معاهم
نهاد: هيا سلام اموله توا نرجع غدوه انشاءالله اقري القران وصلي اهم شي ربي راضي عليك ومازن انا حانتصرف معاه
انا: انشاءالله خير بس وانا فيا نار مبتش تنطفا مش راضيا ع روحي بكل
تلفوني يرن
مازن: حبي وينك فهميني خيرك انا من حد جيت اهني ومش مطمن احكي
انا: نبكي ونبكي مسكتش
مازن: شن في حبي خيرك حبي احكي نسمع فيك
انا: نبطي موقفتش بكاء وانا ندكر في الموقف ونبكي
مازن: نا نتعدب هكي احكي احكي امال احكي حبي احكي شن في
انا: انا حامل لكن
مازن: حامل وخيرك نزلتي وله شنو احكي ي روحي ارحميني منقدرش نتحمل احكي
انا: احمد تعدا عليا
مازن: شنوووووو وسكر
اسبوع كامل حاولت نوصله ونكلمه مقدرتش ندعي كل يوم يروح خفت انه يدير في روحه شي ومعاد نشوفه مرت عليا ايام سوده متت الف موته
نهاد: كولي ع خاطر الي في بطنك انتي هكي بتقتلي روح حرام عليك
فاديه: ي امال غلط الي اديري فيه سيوره يرجع مازن لانه يحبك حايرجع صدقيني غير هوا مغلول واجعه الموضوع
حواء: متخليش حد يلاحظ بالله عليك كولي

دارولي تغديه في الحوش وناكل بالغصه مش متحمله نتمنا في الموت الف مره لأنه ااي صار معاش يتصلح

اليوم التاني

ساعه 11الصبح
نهاد:امال مازن رجع وهوا عندي غير رقد لانه تعبان واضح انه بيموت
انا: اه انا جايا لحوشك توا
نهاد: تمام تعالي احكو مع بعض باش ترتاحو
تمام انا جايه
وصلتني فاديه لحوش نهاد
انزلت اول ما دخلت قتلي نهاد هدا المفتاح وهيا طلعت

رقدت جنبه لانه مستاحشاته حسيت بروحي نرتاح اول ماشميت ريحته

__بعد ساعه

ناض مازن

مازن:حبيبتي اسف وبدا يبكي قدامي اول مره نشوف مازن ضعيف ويبكي اكتر شي عدبني هوا ضعف مازم قدامي هوا يبكي وانا نبكي هوا يقول السبب مني نجري وراه رزق وخليتك ي حبي حقك عليا ي روحي عاقبيني كيف ماتبي ريحيني وارتاحي ي عمري قعدنا نعاتب في بعض لن ارتحنا شويه
مازن: انا تعباااان ي روحي خلينا اروحو للحوش نبيك جنبي بس ومن غدوه بننتقل من هني للأبد خلاص
انا: براحتك مازن المهم انتا معايا
مازن: حط ايده ع بطني ولدي اهني وله وقعد يبوس في بطني ويبكي وبعدها مسح دموعه وقلي خلينا نصلو ونطلعو تمام

بعد شهرين ____
انا ومازن نعيش في منطقة بعيده ع منطقتنا لكن كنا يومين في الأسبوع ضروري نمشو نشوفو العيله ونطمنو عليهم
حواء خطبها حاتم
خالد خطب ليلى
وحددو العرس

احمد ألتبس لأني تحسبت فيه ربي ولليوم هدا مش راح يشوف مني السماح
رتاج تزوجت ولد خالتها وقدرت تنسا احمد
صح القصه قعدا لتوا منسيتهاش وماثره ع نفسيتي لكن الحمدالله ربي بعتلي مازن وعوضني ع كل جرح

بعد شهور جبت ع خير وجبت ولد سميته محمد ع اسم عمي
والحمدالله ع كل حال
وبوه مازن رضا ع مازن  وبديت نمشي لحوش خالتي الي هوا حوش عزوزتي 😌

حواء وايناس وليلى تزوجو

فاديه نخطبت مرتين وفسخت بس في الاخر تزوجت صاحب خالد

واحمد ربي خدا حقي منه لأنه قعدا لليوم الي كتبت فيه قصتي وهوا ملبوس

شكرا للمتابعين
نبي رايكم وتقيمكم من 10

💗🌸