ضلم فصلية (متوقفة) ToT

بارت اول

مرحبا....

اسمي شمس يتيمه الاب اعيش وي امي وزوجهة من فتحت عيوني علة الدنية
لكيت امي متزوجة غير ابوية وماعندي ليحبني ويخاف علية
عمري 17سنة عدي اخوان من امي ثنين بنات سهر وفرح واخ اسمه مهدي
مدللين وشيردون يحضر عكسي عشت بحرمان من صغري اشوف امي
تهتم لاخوتي ولزوجهة وهاملتني واتمنة كلمة منهة حلوة

اخذت شهادة الثالث وزوج امي بطلني خلوني للخدمة ومع ذلك ايماني يالله
قوي وصبرت وكلت الله يفرجهة الله كاتبلي الاحسن اني من بغداد
شكلي حلو شعري طويل لركبتي وبيضة وعيوني خضر وطولي وسط
جسمي حلو لا سمينة ولا ضعيفة...

تعلمت علة اكعد من لصبح للخدمة ولكراب والصياح مال امي علية وبنات امي
بلمدارس وجانن مامهتمات للدراسة مجرد يرحن ويرجعن ومهدي ملتهي
بجماعتة جماعة السوء شكو طريق غلط دلو علية
ولمشكلة ماكو احد يحاسبة امي مدللتة هية وزوجهة....
شمس.:شسوي غدة اليوم

الام :سوي فاصوليا هسة يجي ابو مهدي جوعان لتتأخرين ها ورتبي خطية
راح يجي جوعان
شمس: ليش متكومين وياي تساعديني
الام : اووووي روحي انتي سوي هسة سويت اضافيري اخاف عليهن يخربن
اريد اروح امكيج بسرعة لبنات هم راح يجي جوعانات من لمدرسة
شمس :امري لله الواحد القهار

سويت الاكل لل 11 ونص دخل مهدي مرعوب ويصيح يكول كتلت واحد شردوني
الام :عززا العزاك ليش ولك شسويت بينة
مهدي :... اهووو مو وكتج هسة راح يجون يموتوني وين اروح
الام :.... روح روح لبيت خالك راح اتصل بأبوك يحلهة لتخاف حبيبي
اتصلت بأبو مهدي اجة للبيت واتصل بأبنة مهدي عرفت ان الولد راد
يعبر الشارع ومهدي ضربة بلسيارتة....

راح ابو مهدي ورة فترة اجة وتلكتة الام وبناتة واني واكفة اباب المطبخ
لان مالي مكان بنصهم مجرد خدامة عدهم..
الام :. . . بشر ابو مهدي حليتهة مو مستعده اطيهم ليردو بس ليئذون ابني
ابو مهدي :.. خذت عطوة من الناس لجمعة تصير لكعدة والله كريم
خل اتصل بعمامي يجتمعون ولله كريم

الطرف الثاني
من اهل البصرة
اسمي ذيب شيخ عشيرة عدي اخوان تلاثة علي ومحمد وغيث وبنات متزوجات
وميعاد اني الاكبر وما متزوج متفرغ للعشيرة اخوتي متزوجين بس اني وغيث
غيث اعتبرة ابني احبة حب ابوي لحمد لله الله رازقنة من وسعة معارض سيارات
واراضي وخير من الله ملامحي كأي رجل شرقي عيوني وساع اسمر مربي لحية

اعصابي نار يوم من الايام راح غيث لبغداد لعرس صديقة واجاني اتصال ان غيث
تعرض لحادث ومات هنا مشفت طريقي بعد وحلفت بروحة ان اخذ ثار اجة ابو
الولد اخذ عطوة للجمعة لحد ماخلصت الفاتحة واجة يوم الجمعة انتضرة بفارغ الصبر
وصارت الكعدة...
طلبت دم لولد وماكو اي حل نشفت دمهم وطلعت ان اريد دم بدم اخذ ثار
ابوي بس ناس خبرة طببوني للديوان وتفقنة فصلية ومية وخمسين مليون
ولفصلية تجي عكب باجر

ابو مهدي :... ام مهدي تعالي يمرة نكسر ظهري
الام :... بشر شتفقتو
الاب : فصلية يردون مية وخمسين مليون من ورة دلال ابنج راح اطي بناتي فصلية
الام :.... لفضلية موجودة شمس المن كاعدة يمي كبرت خواتهة يدرسن
خطية يضيع مستقبلهن ونبيع لعدنة ولماعدنة ونسد الفلوس المهم
ابني محد يأذي خليني اروح لشمس اكللهة تحضر نفسهة

شمس :... جنت نايمة بلمطبخ لان البنات خطية يدرسن اجت الي يسموهة
امي كعدتني
الام :.... حضري نفسج باجر اخذج للصالون وجهزج
شمس :... ولمناسبة شنو نزل عليج الوحي بهل ليل شنو
الام :... يردوج فصلية
شمس :..... بصدمة ليش اني ليش مو بناتج يرحن
الام :... عدهن دوام خطية مستقبلهن يضيع انتي شعدج كاعدة
مو كافي متحملتج هاذ العمر كلة يمي يلة اجة الوكت
ترجعين فضلي عليج يلة انطمري ياجر ورانة ركضة

شمس :... بقيت بفراشي وكلبي نار ربي اني عبدة عندك واهلي ميحنون علية انتة لتحن علية تقبلهة اطلع من ظلم داخل بظلم تعبت من حياتي اني ليش لتعب وكلت امري لله

ثاني يوم الصبح الام :. . . شمس اكعدي عيني خلينة نلحك انجهز باجر ياخذوج شنو هل كسل كومي يلة
شمس : صبحناا صبحوا لملك لله شكو من الصبح مكعدتني ريوك بناتج يمج يسولج عوفيني ليوم ماشتغل تعبانة
الام : . . . عيني منو تشتغلين اكعدي اخذي لام علي الحفافة يلة حتة متكولين امي ماعتنت بية وضلمتيني
شمس : . . . . لا عيني وين ضلمكم معيشيني بخير وفضلكم مانسا وخوش مجازا ترديني كبش فداء لابنج اني لو ابوي موجود ماعشت هاي لعيشة
محسيت الة انلزمت من شعري التفتت طلع زوج امي سمعني الاسمة جاسم

جاسم :. . . اسمعي لج مو صارلج يومين ما مكتولة نسيتي نفسج احنة ملفينج لان محد رادج تردين جابو بت لفكر جان ابوج عامل والله اخذا وبتليت بيج اتي مصدكة

بنفسج منو ياخذج مو زين ذبيناج علة زلمة جري عدل لا هنا ادفنج اباوع
علة امي مئيدتة ولا كأن اني بتهة . . ولا حنت علية مثل كل مرة وضل يضرب بية ويكتلني بلحزام ماخلة شي بية صاحي وبجيت هواي لمن نمت وكعدتني امي اسوي ريوك

كعدت سويتلهم ريوك ورحت وي امي حفيت
وجهي وركبتي بس اني ماحس بشي بس تأملت
ان لا تزوجة ارحم من اهلي رحنة للسوك اشتريتلي كم حاجة رجعت
نضفت لكيت لاخوات كالبات لبيت علية وسويت عشى ورحت نمت
اجة يوم ليسلموني للناس بدلت لبست عباية مال راس وحجاب اسود وكلبية

سودة وطلعت طول الطريق ادعي وابجي واذكر ايام المرارة لشفتهة
يم امي وخايفة من الايام لجايتني.... وصلنا بعد طريق طويل نزلت
منولسيارة شفت بيت ما شاء الله قصر وزلم بلباب مال القصر
نزلت عيني بلكاع مشفت احد كبل طببني زلمة جبير لغرفة بلبيت وزوج امي

حتة ماوصاهم علية نزلت وطلع بسيارتة وراح بقيت لوحدي شوية واحس
لزلمة الجبير بلعمر واجة كلي بوية هاذ الوصلج منو
شمس :... عمي هذا رجل امي...

ويتبع .... 😍😍😍 الكاتبة فاطمة الصياغي @f_17atema انستا مالي