ظلم فصلية الجزء الثاني
الكاتبة زقوعة
البارت الرابع
تعال اشمر حجاية وكول مشتاك
لتحسسني يمك مالي قيمة
لتخليني اتاني وجرحي مفتوح
مثل فطر الحياطين القديمة
الناس التفتهم ما جرحت هواي
بس المشكلة الناس الغشيمة
هذولة القبل ماعرفوا يحبون
اشو صارت قصص حبهم عضيمة
ولان ضميت جرحي وما ندلوا
اجو كبالي كعدو مثل اليبوس
ابنة ويحضنة كبال يتيمة
شمس: اسويلك اكل
ذيب: لا مااشتهي اكل مصطفى وين. . . ؟
شمس: نايم شبيك شو مو ع بعضك حبيبي ، ليش متاكل معجبك اكلال اسويلك غير شي. .
ذيب:لا كتلج مااشتهي، هيج ماكو شي طفي الضوة اريد انام....
شمس:عفتة ونزلت الاكل صعدت نمت، بس ضليت احوس شبي لمن خابرو عمامة هوة اجة هيج صافنة وافكر كعدت اندس بي حبيبي ذيبي شبيك...
ذيب، شمس عوفيني فدوة لربج..
شمس:عفتة كلت خلي براحتة، مرت فترة بدة يتغير ذيب
وصفناات ويباوع علية وبالة يم الجهاز يحوس عبالك فاين فاينة جبيرة،
عادي مسويت شي ممقصرة بحقة ابد وخايفة ربي،
بس يوم عن يوم كام ميخليني الزم جهازة، شفتة دك شلتة جان يطفر ولد معصم ايدي حيل....
ذيب:تلفوني متلزمي بعد افتهمتي، مرة ثانية اذا شفتج شايلتة اكسرها الايدج ، يلة ولي . . .
شمس: اكثر من مرة عادها هل حركة، يطفر اذا دك هو علشحن، كلت لازم اعرف الرمز ليش غيرة، ضليت اراقب بي منا لمن عرفت الرمز، بس جنت متخوفة افتحة
الا يوم جان يسبح وموبايلة دك مرتين جنت اكوي ملابس كمت فتحتة باوعت بعدة بلحمام، رقم غريب بس هذا الرقم هواي متصل بي، جاية اشعارات علانستا، فتحتة شفت اكو رسائل ماادري ليش كمت ارجف، رحت على الرسائل....
هذا اسم بنية وفتحت وجانت الصدمة، رسالة عمر حبيبتي اسبح واجيج
البنية ماشي حبيبي انتظرك...
تخبلت نار الغيرة اشتعلت جان كسرت الموبايل، شسووووي احرررك رووحي
اباوع للرسائل واخاف اشوف الباقية كل جسمي
كام يرجف ولا اراديا دموعي نزلت
ذيب: هاي شيسوي الموبايل بيدج
شمس: باوعت علية بكل عصبية وكمت خليت التلفون بوجهة
منو هاي....؟ ))))
شمس :ذيب منو هاااي . . .
ذيب: انتي بأي حق تلزمين موبايلي ، شلون تفتحي اشو جيبي...
شمس:هو هجم علية يريد ياخذ التلفون دتابتع منة باااااوع والعباس اكسر التلفون اذا متكوليييييي منوووووو
هاااااي، احس كل اعصابي هتانت وكمت ارجف، لزمني حيل من ايدي اهاولو ورا ظهري وكام يتقاوة وياي واخذ التلفون مني . . . . .
ذيب: معليج افتهمتي معليييييج...
شمس:كمت ابجي بكل حركة ومااعرف شسوي، هيج هانت عليك العشرة البيناتنة تخوني...
أنت تقرأ
ضلم فصلية (متوقفة) ToT
Romanceتحجي عن يتيمة وابن شيوخ الشخصيات الرئيسية شمس ذيب ميعاد تمارة الكاتبة #فاطمة نعمان @f_17atima
