ضلم فصلية
الكاتبة زقوعة
البارت الثاني
تعال اشمر حجاية وكول مشتاك
لتحسسني يمك مالي قيمة
لتخليني اتاني وجرحي مفتوح
مثل فطر الحياطين القديمة
الناس التفتهم ماجرحت هواي
ماطول ماكو تفاعل الة اسوي نهاية خبيثة 😈
شمس : رجعت حياتنة طبيعية ورة سنة ونص وميعاد سافرت لايران جم شهر
وذيب تحسنت حالتة بس
بيوم رحت للحمام ذبيت من راسي ودخت خابرت ذيب كتلة تعااال الحكني دايخة
اجاني ركض وخذاني للمستشفى
حللولي طلعت حامل بتوم 😱
ذيب... جنت احل مسألة عشائرية بمنطقة بغداد الجديدة
وفجأة خابرتني شمس وتعيط رحتلهة ركض عبالي صار شي بمصطفى
خذتهة للمستشفى وعرفنة بلمفاجأة توم الكاع ماوسعتني من الفرحة
اخذت مصطفى واهوس بي ويضحك هوة وشمس
رجعنة فرحانين
واجيب كل اليخطر بال شمس ولو ماتتنسة هواي
شمس : مرة ثلاثة اشهر وبطني كبرت عبالك بالشهر التاسع صرت جني طوبة 😂
بس ذيب صارت تصرفاتة باردة تجاهي
شمس : تعاي ذيب عشاال جاهز
ذيب: لا مااشتهي اكل مصطفى وين
شمس: نايم.. شبيك شو مو ع بعضك حبيبي ليش متاكل معجبك الاكل اسويلك غير شي
ذيب: لا كتلج ماا مااشتهي . . هيج ماكو شي طفي الضوة
شمس: عفتة ونزلت الاكل صعدت نمت بس ضليت احوس شبي لمن خابرو عمامة هوة اجة هيج صافنة وافكر كعدت اندس بي حبيبي ذيب شبيك
ذيب :: شمس عوفيني فدوة لربج
شمس : عفتة كلت خلي براحتة مرت فترة بدة ذيب يتغير وصفناات ويباوع علية وبالة يم الموبايل ويحوس عبالك فاين فاينة جبيرة
عادي ممسوية شي مقصرت بحقة ابد وخايفة بس يوم عن يوم كام ميخليني الزم موبايلة شفتة دك شلتة جان يطفر ولزم معصم ايدي حيل....
ذيب: تلفوني متلزمي بعد افتهمتي، مرة ثانية اذا شفتج شايلتة اكسرها الايدج يلة ولي
شمس : اكثر من مرة عادهة هل حركة يطفر اذا دك هو عل شحن ، كلت لازم اعرف الرمز ليش غيرة ضليت اراقب منا لمن عرفت الرمز بس جنت متخوفة افتحة الا يوم جان يسبح وموبايلة دك مرتين جنت اكوي ملابس كمت فتحتة باوعت بعدة بالحمام رقم غريب بس هذا رقمال هواي متصل بي، جاية اشعارات علانستا حتةفت شفت واك رسائل ماادري ليش كمت ارجف رحت علرسائل
هذا اسم بنية، فتحت وجانت هنا الصدمة رسالة ذيب حبيبتي اسبح واجيج
البنية ماشي حبيبي انتظرك.....
تخبلت نار الغيرة اشتعلت جان كسرت الجهاز
شسوووي احرررك رووحي
اباوع للرسائل واخاف اشوف الرسائل الباقية كل جسمي كام يرجف ولا اراديا دموعي نزلت
ذيب : هاي شيسوي موبايلي بيدج
شمس: باوعت علية بكل عصبية وكمت خليت جهازال بوجهة منو هاي . . . ؟
ذيب : انتي باي حق تلزمين موبايلي شلون تفتحي اشو جيبي
شمس : هو هجم علية يريد خذيا التلفون ابتعدت منة بااااوع والعباس اكسر التلفون اذا متكووووولي منوووو هااااااي ، احس كل اعصابي انتهت وكمت ارجف لزمني حيل من ايدي ولواهة ورة ظهري وكام يتقاوى وياي واخذ الجهاز مني....
ذيب... معليج افتهمتي معلييييييج
شمس : كمت ابجي بكل حركة ومااعرف شسوي، هيج هانت عليك العشرة البيناتنة تخوني....
ذيب. . . لج بابا هاي هيج وحدة مابيناتنة شي وداعتج
شمس... مو كايللها حبيبتي وكلة غزل
ذيب : كافي شمس وبعد تلفوني لتبحوشين بي ترى اتصرف وياج غير تصرف عندي شغل وياهة بيناتنة فلوس مال عقار اكمل هلشغلة واحضرهة......
اهوووو ميفيد وياج الحجي . . . .
شمس :: بدل وطلع فرشت بصف مصطفى وعيوني مسكتن من البجي
ليش هيج حضي من دون البنات ربي بعد مااتحمل اختبارك حيل صعب ضليت عل هل حالة سبوع كامل حجيت وي زقوعة وكالتلي
زقوعة : خل هسة يجي وهوة يعتذر منج شنو يصاحب وتالي انتي توكعين علية احنة وين عايشين
شمس : زقوعة والله تعبت داافكر اكول لمهدي ( اذا تذكرون اهل شمس القديمين امها ماتت بمرض خبيث وزوجهة جاسم مات وخواتهة عذراء وفرح ازوجن وبقة مهدي وصارت روحة بشمس يعني عاف سوالفة لمكسرة )
زقوعة : اني صح دااكولج لتصالحين بس مهدي لدخلي هسة بالموضوع شغلة بيناتكم اكعدي ويا واحجي بكل هدوء حتى لو تبجين المهم لتخلي يطلع الصوج بيج انتي ممقصرة ويا بشي بدلي وخلي مكياج ولبي كل احتياجاتة بس بدون متحجين ويا ولا كلمة خلي هوة يحترك بهل نار واول وتالي يشتاقلج ويرجعلج . . . . .
شمس : ماشي حبيبتي ان اي شي يصير وياي اجي اكولج
زقوعة . . . . ماشي حبي باي
شمس . . . باي ، سويت مثل ماكالتلي زقوعة وصدوك بدة يتوددلي ويحجي وياي ويشاقيني بس اني وجهي ثكيل ويا البي كل احتياجاتة بس حالنة حال الغربة
ةبد هوة وجماعتة يسوون حملات ضد الحكومة علمود يسقطوهة ويعلنون مضاهرات حاشد كام يطلع من الصبح يرجع باليل اجة صالحني واعتذر مني
وحاظر هاي البنية بس مااعرف ليش كلبي مرتاح ابد
فد يوم بليل كولش اتاخر اني تعبت ونمت ، حسيت بي تمدد بصفي فتحت عيوني وجان عاكس ايدة ويباوع علية بس حالتة غريبة وريحة مطيبة ما اعرف مال شنو جان يكوم يحجي مثل السكران اتعجبت هذا شبي ويحجي كلام ممفهوم
ويتبع .....
ذيب:'
أنت تقرأ
ضلم فصلية (متوقفة) ToT
Romanceتحجي عن يتيمة وابن شيوخ الشخصيات الرئيسية شمس ذيب ميعاد تمارة الكاتبة #فاطمة نعمان @f_17atima
