انتي مو غريبة
صعدت سبحت وردت انام مكدرت
نزلت لكيت الاماعين مامغسولة غسلتهن واني ادردم عليهة
الام: ها شنو تحجين وي روحج شجاج
شمس:. . مو هاي لعوبة كتلهة اغسلي لماعين اكلت وكامت جنهة ولا سمعتني
من ثول ليثولهة.. يمة ختولي مبينة خايسة
الام: جا شسوي يمة غير ذيب يريدهة
شمس': اي حتة موحلوة شعاجبة بيهة هاي لجنهة صخل سوري
الام': ههههههه ماعاب حلكج
شمس: نضفت لبيت وصعدت لكيت ذيب مبدل ازلون فرحان . . .
شمس... ذيب
ذيب:.. كولي بت عمي محتاجة شي
شمس: سلامتك بس اريدك بموضوع
ذيب: من ارجع لان مستعجل اجيبلج شي وياي
شمس: سلامتك عيني
طلع وبقيت وبال شلون جعار ذيب خسرتة مرة وي تمارة هل مرة ماريد اخسرة لازم الكالي حل اتصلت بميعاد وكعدت اسولفلهة عل صار
ميعاد: ولج تبقين عوبة
شمس: عفية ميعاد ماريد رزالة ماريد نصيحة
ميعاد: هههه ماشي يل حبابة اسمعي ونفذي
شمس: اسمع
ميعاد: كومي سبحي وبدلي ثوب بي اغراء مو تلبسينة جنة جفن كلشي ماطالع منج
شمس: شنو يعني هوة ثوب
ميعاد: مو كلتلج مطفية ماتصدكين يعني بي دلعة مخصر اي شي فتحات
لو اكلج انتي مادبرينة جاية اني للبيت اشوف امي وجيبلج ملابس
انتظرتهة لحد مااجتي سلمت علة امهة وصعدنة فوك جايبلي ثوب بنفسجي بي
فتحات برجلة ودلع تخبلت ماقبلت
ميعاد:: لج ثولة تردين ذيب يباوعلج
شمس':اي لعد شحجي اني من لصبح
ميعاد: سيالب هاذ وتعالي اشسور شعرج ومكيجلج
كملت ترتيب رحت للمطبخ اسويلهم عشة واسمع ذيب رجع للبيت واني
بين لمستحية وبين الخايفة
ذيب: دخلت للمطبخ شفت ملاكي ليجنن ماااهتميت بس بداخلي اريد اروح اكلهة
. . . عفية شمس اريد جاي
شمس: صار تدلل .... وراح
شمس... صعدت لغرفتي انتظرت كلت بلكي يجي مااجة صارت ب 12 بليل
نزلت للبيت مالكيتة
رحت لغرفتة فتحت لباب علية لكيتة نايم بفراشة ويلعب بلتلفون
شمس: انتة هنا واني كالبة لبيت عليك
ذيب: ليكو شكو بهل ليل
شمس: صدك تريد تخطب بت عمك
ذيب:.. هاذ لشي ميخصج
شمس:.. لا يخصني
ذيب:. . . من ياناحية يخصج
شمس:... هاا انتة ابن عمي وهاي لمسلوعة مو حلوة وخايسة شوفلك غيرهة
ذيب':. . لا حلوة احلة منج وهية لو ماريد
شمس': بجيت
ذيب: وليش تبجين هسة
شمس: لان ماريدك تتزوجهة
ذيب: وليش
شمس: افهم ياخي افهم لك اني
ذيب: وشبيج انتي
شمس: غمضت عيوني قوي ونطقتهة اني احبك لك احبك
ذيب: طفرت من فراشي ولزمتهة من زنودهة عيدي ولج شكلتي ومن فرحتي ماوسعتني لكاع
ذيب: شمس نجبي مو وكت لمستحة مالج صالي سنة ونص متاني هاي لكلمة
شمس: يعني ماتتزوج
ذيب: ولج شلون مااتزوج هسة راح اتزوجج
شمس: ركضت لغرفتي ولمستحة كاتلني بقيت اكمز بغرفتي ودمعت عيني من لفرحة . . . دقيقتين وندك لباب
ذيب: لج شموستي
شمس: خدودول طماطاية ومدنكة كول عيوني
ذيب: احبج
شمس:. . . .......
ذيب: دخلت لغرفتها وسديت لباب وبستهة من شفتهة وهية غطت وجهه
بجفوف اديهة من لمستحة
لزمت اديهة يلة مشينة
شمس: ... وين
ذيب: نكول لامي وابوي ونجيب سيد يعقدلنة
شمس: عيب شيكولون علية ماروح وياك
ذيب: شلتهة بين ادية وهية مغطية وجهه بصدري من لمستحة ونزلت لكيت
امي وابوي كاعدين يشربون جاي اول ماشافتني امي هلهلت نزلتهة
ختلت وراي . . . وياب ركلنةبا وامي بس تهلهل كالت لسبوع لجاي عرسكم
ذيب: لا يمة هواي سبوع سوي هاذ لسبوع
الاب.... هاي هية لعد هاذ لسبوع
الام.... لاعيني مانلحك عدنة شغل هواي مااطيكم بتي اذا هيجي مو يمة شموسة
شمس... يمة بكيفج انتي لتكولي علية اني وياج
الام: سمعتو ماكو زواج اذا ماتحضرلهة كلشي يلة اكول اخذهة
ذيب:ةشوفي شلون راح احضر كلشي
هسة راح نروح نعقد سيد ونعبر للسوك نجيب لغرفة
وباجر نسوي لتحاليل حتة نروح للمحكمة عصرول نروح نجيب نيشان وذهي
وعكبة نكمل لنواقص
الام... ههههههههه خلصتهن لمستعجل بسرعة اصبر انتة صبرت هاي لفترة
كلهة بقة عل سبوع ماصبرت
ذيب :لا خاف تتراجع عن كلامهة
شمس: ذيب صدك ومريم شلون
ذيب والام :هههههه ماكو اي خطبة ولا لصخل لسوري عل كولتج يطب للبيت
شمس': يعني اتفقتو علية مو
ذيب': ةاي يلة هسة امشي حضري نفسج نعقد سيد
شمس : عقدنة وذيب ماكعد راحة بعدهة كل ساعة يجي لغرفتي الة يبوسني
ويخليني بحضنة لحد ماصار يوم لعرس
وماقصرو جابولي السوك كلة وصار يوم لعرس وتزوجنة وعدة شهر من زواجنة وصرت حامل بأبني مصطفى وزوجي صدك عوضني لحرمان لمريتةبس بس
زادت غيرتي علية وهوة من يشوفني اتعارك مايحاجيني ولا يتعارك
كبل يجي يبوسني ويحضني وهسة مصطفى عمرة 8 اشهر ؛وذيب طار عقلة بي وطلع يشبهة حيييل
ولهنة وخلصت اتمنة عجبتكم واذا تردون قصة جديدة هم فصلية انزل لو لا
الكاتبة فاطمة نعمان 😍😍😍😍
أنت تقرأ
ضلم فصلية (متوقفة) ToT
Romanceتحجي عن يتيمة وابن شيوخ الشخصيات الرئيسية شمس ذيب ميعاد تمارة الكاتبة #فاطمة نعمان @f_17atima
