لماذا انا ؟ ( روايات ليبية )

حلقة 17🔥 ما قبل النهاية 🔥

لماذا_اناآ

Dareen wehbe
-17

_________________

حسام: بلع ريقه بغصه ومد اصبعه فصل الخط ورفع اصبعه اللي ع دريكسيون اشهد ان لا اله الا الله وغير الطريق والسرعه تزيد
نا: بحتت للفون بأستغراب،،، ورديت رنيت برضو فصل،،، زعما مش فاضي
حسام: ماسك الدريكسيون بكل قوته وعضلات ايديه باارزة وجهه عروق وعرق متوتررر والسرعه رهيبه ،،،،،،،، مسح وجهه ايمن اسمعني الطريق هذي مش خطيرة لم نقولك توا تزقب من السيارة
ايمن: نزقب شني مانش ناازل مع غيرررك
حسام: بعياط ااااايمن اسمععع الكلام ولم نقولك توا تفتح الباب وتزززقب
ايمن: بعصبيه وصوت عاالي واني مش ح نننزل من غيرك اللي تصير عليا تصير عليك بنموتو ! خلينا نموتو مع بعض هيييييي
حسام: ااااستغفرررررر الله العظيم باه اسمع حتي اني ح ننزل قبل مانوصلو لنهايههه مزرعه && فاااهم
ايمن: مسح وجه وايديه ترجف ،،،،تم
حسام: تسمع فيهه لم نقولك توا ويتجب السيارات وخش للمزرعه والسيارة من سرعتها تقطع العشب من جذورة ،،،توااا هيييي وفجاء
ظلااااام وصوت خبطهه السيارة ف الساس وانفجارها والنار ملا الشااارع 💔💔

نا: رنيت اخرة مقفل ممكن طفا شحن ااوف منك حسام خربت عليا الحظه وطق الباب صبيت لابست روب فوق الكت وشورت ،،،،من !
سعاد: افتحي ي بنيتي
نا: فتحت صباح الخير
سعاد: صباح النور وين حسام بنسلم عليهه
نا: عده من بدري شوي كيف مانزلكش !
سعاد: لا حوله الله اللي فيه طبع مستحيل يتغير طول عمرة هكي كل ما يسافر مايحبش يسلم ولا يودع حد
نا: ابتسمت ،،،،، وفي عقلي تي مالا من اللي من قبل شوي قطعني احضان وبوس😂🙈🔥❤ خشي ي عميمه نفطرو
سعاد: لا واللهي بندير الفطور لزياد قبل حبه الضغظ
نا: باه شوي بنقولك حاجهه
سعاد: خشت ،،،خير ان شاءالله متعاركهه مع حسام والنبي ي بنيتي عارفته ولدي اني عصبي وخلقه بسرعه ما يطلع بس حنونه وقلبه كبير
نا: لا ي عمتي حسام مافي كيفه الحمدالله متريحهه معه بس فيه حاجه اني ما قلتها له وتوا لم شفتك قلت لازم تعرفي
سعاد: خير شن هي
نا: بلعت ريقي ومتحشمه موت،،، إء اء اني حامل
سعاد:عيونها دمعت طول تحكي جد انتي حامل
نا: هزيت راسي
سعاد: الحمدالله الحمدالله يااربي اللي جاء هاليوم قبل مانموت وقعدت تزغرط وتبكي
نا: انصدمت ماتوقعتها تفرح لهدرجه
سعاد: قربت مني ومسكت ايديا الإثنين ي بنيتي اني من بعد ما جبت حسام جاني ورم ف الرحم واستئصالتهه
نا😰😭
سعاد: وتعذبت و واجد وعمتي ع رغم طيبتها الا ان كانت تبي زياد يتزوج ويجب لهدرجه وصلت معايا وخطبتله بنت عمه
نا: باهي 😰 !
سعاد: وفي يوم طلعت القيت زياد يلم ف دبشه وماسك حسام كان قطعه لحم عمرة شهور ويبي يسافر وقالي دورو من يتزوجلكم ومن هذك اليوم عرفت معزتي عند زياد وربينا حسام برموش عيونا وندرنا لم يجيب اول عيل ح نذبحوله عشره حواله ومايخش منه شي ع حوش كله نوزعو ❤
نا: تأثرت بكل،،، قربت بست راسها ربي يطول ف عمرك وتقعدو العمر كله فوق روسنا
سعاد: امين ياااربي ننزل نفرح زياد ونزلت بسرعهه
نا: سكرت الباب وحطيت يدي ع بطني شفت فرحانين بيك مازال غير بوك مايعلمش بيك😂❤