لماذا انا ؟ ( روايات ليبية )

حلقة 5🔥

لماذا_اناآ

الحلقة 5

Dareen wehbe
______________

بابا: واني عطيك كان ربي عطاك
حسام: واقف ف مكانه ومن الصدمه ماعش عرف شن يقول او شن يحكي تجمد ف مكانه
عبسي:😳 امفنص عيونه وبلع ريقه بصوت سمعت اللي سمعته
مراد: فاتح فمه😦 زززح مش قتلك من الاول شكله عريس

الشاب كلهم انصدمو واستغربو ام الشياب الكبار ف العمر مشو الجو وقعدو يقولو للحاج نوري،،،،،، يااا زين ما درت لانهم فكرو ايمن سافر والحاج نوري لمم الموضوع من الفضيحه
عمو محسن يهدي ف بابا ويقولة باهي اللي وافقت

زياد: بحت لحسام المصدوم بسس ي بوي مايجشش هكي لامته حسام بيتحمل اغلاط ايمن
الحاج نوري: هييي كلمه شني بتكسر كلمتي انت الاخر وتصغرني قدام الناس
زياد: لا ي بوي بس
الحاج نوري:مابسش خلاصص انهولي وماتزديها ع خيك خليل شوفله مش قادر يصبي وبما ان خليل كان مريض قلب والسبب  من عياله الكبير سافر ف يوم وليله من غير حتي ما يسأل هله وايمن ومشاكله وكل شوي جيبله مصيبه 💔
حسام: فطن لروحه  مسح وجه لالاا مستحيل الكلام هذا يصير بحت لرجاله كيف يبحتوله تمالك اعصابه وخذا نفس قوي وقرب من جدة بصوت واطي ،،، جدي اسمعني
الحاج نوري: ح نعوضك صدقني مشي اليوم ع خير سلم ولدي
حسام: بعياط يوم شنيي اللي نمشيه ع خير شن التخريف هذا باني عصر عايش انت تبي تزوجني ع كيفك وخطيبه ولد عمييييي
زياد: بعصبيه حسااااام
حسام: نعن&&& حسام واليوم اللي جاء فيه حسااام وعده لسيارته
زياد: دف يوسف من كتفه عدي وراء بسرعه
يوسف يكون صاحبه لحسام❤

الحاج نوري: بكل جبروت وقوة وماهمش حد الا ان يلم الموضوع وزياد سمع كلمه بوه وكان وكيل حسام وجاب كل حاجه تخصه من أوراق وتم عقد القران بكل سهوله وتيسير
علاء: اطمن ان انقريت الفاتحه عدة يجب جهينه

يوسف: بعياط نعن&&&& وماسك اليد اللي فوق الروشن وقف السيارة ي خررررا قلل السرعه
حسام: يخبط ع دريكسون وهو ويسوق وبعياط وعيونه حمر كيفففف كيف يصير هكي انااا يصير فيه هكي عيل ولد العشرين ما يرضش بألي صاررررلي
يوسف:ياخذ نفس ماشي ماشي وتراب بوي ح نلقو حل منغير وقف السيارة حرام عليك بنيتي مازال عمرها شهر ما فرحت بيها تبي تقتلنا ي ررراجل
حسام: وقف السيارة فجاء وبعياط انززل
يوسف: هز راسه منش  نازل
حسام: مااالا تسكر فمك ولا تقولي ل بنيتي لا مرتي خير ما نقتلكك
يوسف: أشهد أن لا إله الا الله وان محمد رسول الله خلاص تمام اطلع

ف صاله عند الصبابا وصل الخبر بسرعه البرق كل وحدة كلمها راجلها خوها بوها ،،وزياد خبر سعاد
حني فوزيه: تفكرك ايديها وتبكي الله يلعنه الله يلعنه سود وجنا
ودلال: تبكي وتخبط بروحه ع ولدها اللي سافر نفس خوه وكل اللي همها ايمن وبس ام سعاد كان متماسكة وقويه لان مش وقت بكاء
فيروز: قعمزت ع كرسي بصدمه ونزلت دموعها المختلطة بالكحل وبصوت واطي وصدمه ح حسام ح حبيبي قلبي ت تزوج ومن تزوج جهينه !!!
المعازيم منهم اللي كان عندة ذوق وانسحب ومهنم الفئه المتطفله اللي قعدت تشوف شن يبي يصير 💔
عند جهينه كانت طالعه زي الملاك كل حاجه بيسطه من الفيلو لل ميك اب لل شعر ❤
نا: كملت من ساعه وقاعدة نراجي وكل شوي تنزل دموعي وتجي الكوافيرة توزيلي لدرجه اخر مرة قالتلي شكلك مغصوبه !!
حسناء: ماسكه الفون وتمشي وتجي ووواك كنه مايرد تي تااخر
نا : رن فوني اللي كان ف يدي
حسناء: من علااء
نا: هزيت راسي
حسناء: واخيرا هيتي كلا وردت وينك انت وينك
علاء: بعصبيه اطلعوو الننم وسكر ف وجها
حسناء: بحتت بالفون باستغراب خيره هذا،،، صبي معايا هي ولبستني الكاب
وطلعنا
نا: نعاني ونكركر روحي وحسناء تساعد فيه
حسناء: اشرت بيدة علااء تعال
علاء: نزل من السيارة وسكر الباب بالقوة وجاني مسكني من يدي من فوق بالقوة لدرجة غرز اظافرة
نا: ااااااي علاء بشويش
علاء: قداميييي وكرني من يدي حطني ف سيارة وطلعت حسناء من قدام
علاء: عدة ركب وحط ايديه وراسه ع دريكسون
حسناء: علاء خيرك شن في !!
نا: رفعت الطربوش عن وجي وبحتت لحالته كان شوي وح يبكي،،، علاء شن في صاير حاجه بابا وماما فيهم شي
علاء: برملي شن دايرة
نا: ها ا!!
علاء: بعياط شننننن دايرة لين سيبك ف يوم نفس هذا شننن دايرة احكييي
حسناء: خيرك تعيط شن فيي فهمنا
علاء: عريسها قصدي اللي كان ح يكون راجلها سااافر ورخاا بيها سافر وعزقها ك كلبه سافر وكسر بوها وكسرني
حسناء: شهقت وحطت يدها ع فمها
نا: بصدمة تجمدت الدموع ف عيوني وضحكت و و وين سافر ك كيف هكي
علاء: ناااا اللي بنفهم ليش صار هكي شن دايرة من عاررر انطقي
نا: هزيت راسي بصدمه
حسناء: نزلت طول وركبت جنبي من لاورة،،،، مسكتني من كتوفي وتبكي جهينه جهينه اسمعي
نا: نزلت دموعي ونحكي كلام مش مفهوم ح حسناء كان يبني بالغصب م كنتش نبيه دار هكي عشان كف كف صغير وقعدت نبكي بحرقه وقهر طلعت كل حاجه فيا وحسناء حضنتي وتبكي
علاء: مسح وجه ودموعه ع اختة اللي يخاف عليها من نسمه الهواء ماقدرش يحميها اليوم ماقدرش يدير شي القدر والنصيب كانو اكبر من كل شي
حسناء: ببكاء ان شاءالله يموت حسبيالله ونعم الوكيل فيه
نا: مسحت دموعي عادي عادي نا عادي بابا بابا شن صار فيه علاء بالله عليك بنشوفه وراسك وخي بنشوفه
علاء: يسوق وماردش ولا برملها وطول طريق مافش صوت الا بكاء جهينه
لعند ماوقف جنب الصاله
حسناء: ليش جبتنا لهنا
نا: متكيه راسي ع روشن ودموعي تنزل وشهقتي تتطلع من كل شوي
علاء: بصوت مخنوق انزلو
حسناء: وين بننزلو رجعنا لحوش ان شاءالله ينحرقو هم و ولدهم
علاء: فتح الباب ونزل جاء من جهتي فتحلي الباب انزلي
نا: رفعت عيوني فيه وجي كله دموع
علاء: رفع عيونه فوق ومسك يدي بس بحنيه ونزلني
حسناء: نزلت علااء ليش جينا هنا
علاء: باس جبيني س سامحيني
نا: ببكاء روحني للحوش ليش جبتني هنا
علاء: هذوم من يوم وغادي هلك وصرتي منهم وفيهم
حسناء: انت مخبوط ع راسك ولا شني مش قلت سافر اللي ان شاءالله اطيح فيه الطيارة
علاء: مسح وجه م ما ماهو ان انقريت ف فتحتك ع ولد عمه
حسناء: تكذذذذب😳😳😳😳
نا:جمدت ف مكاني وغمضت عيوني بقهر وحسرة بعتوني لهم
علاء: جهينه هذا انسب حل ماحد كان ح يرضا بيك بعد اللي صار وكانو الناس ح يحكو عليك وع بوك
نا: نرعش كيف درتو فيا هكي💔
حسناء: عمو عوض مستحيل يكون دار هكي انت شكلك عقلك وقففف
علاء: خذت نفس خشو الناس تبحت فينا وعدة ركب وطلع بتشفيط
حسناء: مصدومه ت تعالي معاايا
نا: مشيت معاها ونا مصدومه وماعش عندي جهد حتي نحكي
واول ما خشينا جت عيني ع ماما اللي كانت شكلها كيف واصله ومازلت هي وعمتو فريحه بلعبيات وهنا نهرت رسمي
ماما: جتني تجري وتحضني وتبوس فيا الله يكسر خاطرة الله لا يربحه
نا: نشهق م ماما علاء ق قال عطوني لولد ع ع عمه يكذب صاح ق قوليلي بنروح معاك وراس ماما روحيني معاك
ماما: تبكي وتهز راسها
وجت حني فوزيه بستني وحضنتني وقعدت تمسحلي دموعي
حني فوزيه: مسكت ايديا الاثنين<<< وعسى ان تكرهو شيئا وهو خير لكم >> صدق الله العظيم  فهمتها الايه هذي ي بنيتي
نا:نبكي وهزيت راسي
دلال: وجها مقلوب ومصبيه بعيد علينا وتبع اللي يصير بصمت
سعاد: جتني وحضنتي ،، اشش خلاص تربحي ماعد تبكي سامحينا ي بنيتي 
مابيتش نخش لمعازيم هه عرس من غير عروس وعريس💔
ف دار الصاله
نا:  حطيت راسي ف غمر ماما وغمضت عيوني  وكلامه ف عقلي حساب الكف عشرة معقوله انتقم مني هكي معقولة طلع بالحقارة هذي
ماما: تمشي يدها ع شعري وتقرا ف قرآن
والصاله ماعش فيها حد غيرنا

سعاد: تبكي و ولدي شن صار فية
زياد:مسح وجه ماصارله شي توا يررضا مع الايام توا هي باش نروحكم وجيبي البنت بوي وصاني
سعاد: هزت راسها وخشت
دلال وفيروز وحني فوزيه روحو مع خليل ونا جتني سعاد
سعاد: هي ي بنيتي
نا: رفعت راسي من حضن ماما وعيوني دموع
ماما: صبي ي بنيتي صبي
نا: بصوت مبحوح ونرعش و وين
سعاد: تعالي حبيبتي عمك يراجي فينا
نا: لا بنروح مع ماما
فريحه: هي ي جيجي الله يربحك ماتعبنش
نا: نتعبكم!! ماما انتي رااضيه
ماما: غطت وجها بالوشاح وتبكي
نا: ماما
سعاد: هي ي بنيتي
نا: صبيت وعيوني ع ماما وجتني حسناء تحضني وتبكي ونا مسلمه امري لله
حسناء: لابستي الكاب ربي معاك حبيبتي
وطلعنا كلنا وركبت ماما وعمتو فريحه وحسناء مع عمو محسن ونا عيوني عليهم ونبي نقوللهم لا ما تخلونش 💔