مسااااء الانوار عليكم متابعيني الاعزاء
اترككم مع رنوه وغيث😁
بقلمي ...
الكاتبه ناره
و أسلطن من يـمر طاريـك
و أهيـم بصفنتي المابيهـا بس أنت 🖤 '.
صاحت عليه البنيه اسمي وكمت وكلبي دكاته الف
البنيه : مبروك حامل
رنوه : حامل الحمد لله والشكر فرحت فرحه عمري بهذا الخبر
امي : مبروك يمه
رنوه الله يبارك بيج يمه
رجعت واني طايره واحس الدنيا كلها تضحك ...فها قد ضحكت لي الدنيا وابتسمت .....
بليل جاني غيث وسلمت على اهلي وطلعنه
صافنه عليه واتخيل ردت فعله إذا عرف اندار عليه وشافني وكال ..
غيث : ادري حلو مو.....
رنوه : هههههههههه طبعا
غيث : ليش صافنه عليه...
رنوه : ابتسمت وكتله ماكو شي
وصلنه لبيت عيالي وسلمت على عيالي وصعدت وغيث ضل جوا
سبحت وبدلت وحطيت ميك اب وسويت اضاءه للغرفه
للغرفه علمود المفاجئه طب غيث وانصدم
غيث : هاي شنو
رنوه : تقربت عليه وكتله حبيبي عندي مفاجئه الك
غيث لف ايده على خصري وكال شنو هيه
رنوه : اخذت ايده وحطيتها على بطني وتقربت من إذنه وكلت حبيبي بعد تسع اشهور راح يصير بابا
غيث انصدم ومعرف شيحجي
فجاه محسيت اله شايلني وحاضني ويفتر بيه
غيث : رنوه حبيبتي ممصدك اموت عليج يعمري
رنوه : واني اموت عليك حبيبي
ردت فعل غيث خلتني ادمع وادعي ربي يخلي الي......
ها قد حل صباحي الذي لايكتمل الا معك.....
صبحت واني اشوفه واذكر فرحته البارحه ابتسمت وكمت دخلت لحمام غسلت وطلعت شفته كاعد
رنوه : صباح الخير حبيبي
غيث :صباح الورد
رنوه :يله كوم غسل علمود انزل اسويلك ريوك
غيث : رنوه ماريد تشتغلين زياده ولاريد تاذين نفسج
رنوه :تمام بس اني مداسوي شي
غيث : وان يكن اهم شي الطفل
رنوه تقربت عليه ورفعت حاجبي : بس الطفل مهم
غيث : وام الطفل حبيبتي هم مهمه
رنوه : اوكي تمام نازله
نزلت حضرت الريوك وعمتي طالعه ومحد بلبيت بس حماتي لانا
نزل غيث مبدل وتريك وطلع ووصاني إن ادير بالي على نفسي
ودعته ونضفت تنضيف سريع
خلصت وداصعد وجوى الدرج غرفه لانا
انصدمت واني اسمعها
لانا : اوكي حبيبي ادلل اشوفك من اداوم
فتحت الباب ولانا انصدمت .......
لانا :رنوه😦😦😦
ونوه : لانا شنو الشي الي سمعته
لاناا : رنوه بس افهمج
رنوه : عصبت شتفهمينييييييييييي
لانا: كعدي رنوه دافهمج
رنوه كعدت بي معصبه وبدت لاناا تحجي.....
لانا: هذا السمعتيني احجي ويا هذا ولد يحبني وشافني بلمدرسه
رنوه : لانا وانتي مصدكه بي جوز يجذب عليج وخاف يسمعون اخوتج مخفتي منهم
لانا:لا رنوه والله واعدني بلزواج و
واعدني بلزواج واصلا هوه منتضرني اكمل
رنوه : اوكي لاناا اني مراح احجي واتمنى يكون كد كلمته
لاناا : صدكي هوه كد كلمته
رنوه: تمام
صعدت واني اتمنى يكون كد كلمته ويحبها
لضهر رجعت عمتي وغيث وبلشنه بلغدا
.......
مرت الايام واني مستمره بحملي ولكن اكثر شي ضوجني هوه نساوتي وغيث ويايه خطوه بخطوه
لارا صارت اذا تحجي ويه حبيبها صرت اساعدها وابقى اراقب المكان لان مبين كلش يحبها
بيوم كلنه كاعدين سوا العصر وجان غيث طالع بلمنطقه فجنت داحجي ويه عمتي وماحس اله صوت غيث رج البيت من الصياح ..................
غيث : لككككككككك فهمني شنون اسوي هيج
رنوه غيث يصيح ومهيمن واكف كدامه ساكت كلنه مفاهمين السالفه لحد ماعمي كله : غيث فهمنه شنو السالفة
غيث : شفهمك يابه هذا دلالكم الزايد اله سوا بي هيج
عمي : شنو السالفه فهمنه
غيث : طلعت افتر للمنطقه وماشوف اله مهيمن كاعد ويدخن وفوك هذا ممهتم هذا كلههههههه من دلالكم الزايدددددد اله خلاه يطلع عينه وميحترم
غيث كال راح ابدي احاسبه لان هوه ادلل زايد
غيث صعد فوك ومهيمن راح لغرفته ضايج صعدت ورا لكيته صاير اعصاب تقدمت يمه كتله :حبيبي على كيفك اعصابك
غيث : معصب رنوه هوه ادلل زايد
لزمت ايده كافي حبيبي
غيث اتنهد ومسح وجه بكف ايده ....
مرت ايام حملي وغيث بدا يحاسب مهيمن كنت كاعده ارتب ملابسي ودخل غيث وفرحان
رنوه : الله يساعدك حبيبي
غيث : ويساعدج عمري
رنوه : شنو سر هل ابتسامه الحلوه
اجى واخذ ايدي وكعدنه على السرير...
غيث : رنوتي اليوم كدرت احصل على قطعه ارض وقريبه من بيت اهلج ودانتضر التصميم حتى ابلش ابنيها
رنوه: فرحت فرحه جبيره وشبكته حبيبي صدك
غيث : وغلات عيونج الحلوه
رنوه : كون من عمري على عمرك
غيث : حط ايده على شفتي اسم الله اريدج انتي والي ابطنج ونكون احلى عائلع صغيرونه
:
رنوه: ابتسمت إن شاء الله
مرت ايام وجنه كاعدين وبلغ اهله
مهيمن : اي عمي راح تعوفونه وحدنه ونخلص هههههههههه
غيث خزره وهوه يضحك فجاه سمعنا صوت الباب يندك بقوه اتعجبنه وكام مهيمن يفتح الباب ومنحس اله حماتي حلا وصلت لباب الاستقبال ووكعت مغمى عليها ......
انصدمنا .....
ياترى ماذا حدث ............
الى هنا اعزائي المتابعين انهي لكم هذه البارت
اذا اعجبكم صوتولي😍
(دمتم سالمين)😘
أنت تقرأ
النصيب جمعنا و القدر فرقنا....
Lãng mạnماذا لو اننا لم نلتقي ماذا لو كانت طرقنا مفترقه ماذا لو مت غداً وانا مشتاقٌ اليك ماذا لو اجتمع الحب والنصيب معاً والموت والفراق معاً ......
