السلام عليكم متابعيني الاعزاء اعتذر جدا عن التأخير
النصيب جمعنا والقدر فرقنا
بقلمي
الكاتبه ناره
يـ گليبي وين الحزن
حدر الحدر مرفوع
دومك تون ونتك
وتبچي بدمع مفجوع
طيفك امل چذاب
فوگ السما مرفوع
بالك تصيح بحزن
صوت الحزن مسموع
.....................
رنوه ...
رنوه : شنو مهيمن
مهيمن : اي رنوه احبج
رنوه: مهيمن بس انته تدر...
مهيمن : اي ادري وهم مناسي حبيبتي بس خلينا نكون اصدقاء
رنوه: إن شاء الله
ومنا بدا مهيمن يصير صديقي وحتى حجالي عن البنات الي مصاحبهن وحبيبته القديمه واني هم كتله انو اني لحد هسه محتفظه برسائل غيث والذكريات وهوه تقبل الموضوع .....
وهسه فزيت من صفنتي من الذكريات الي قبل كم شهر لاشوف الرسائل ...
ورى محجى ويايه كلت هوه صار زوجي ولازم اتقبله وابدي ويا ومشيت ويا وايام تمر مرتاحين لحد ما تغير مهيمن اخر شهر صار كل مانام يكلي روحي بغرفه الجهال ويصيح وينتر اني عرفت الباس ورد وفتحته وكاعده ومصدومه من الرسائل الغراميه للي علساس زوجي والخيانات....
فات مهيمن وشافني لازمه موبايله وهوه صفر وجه وجا بتجاهي نتر الموبايل من ايدي ...
مهيمن : انتي شسوين بموبايلي
رنوه: اشوف خيانتك هه... او مو وحده عده
مهيمن : انتي معليج
رنوه: لك مو كتلي حصير صديقي وتنعدللللل
وماحس اله راجدي فر وجهي ...
مهيمن : يله ولي عن وجهي ولي لامج
رنوه الم بالم وين اروح وين حيصفى بيه الدهر والله تعبت تعبت ...
مرت فتره ومهيمن علساس ينعدل هوه هوه متغير بس اني الي يوم عن يوم داضعف اني يمكن ممقهوره لان متربطني بي اي علاقه حب وكذا بس عشره واني مره مو حجاره متىىى راح يخلص مادري ...
واليوم تمرضت وفدنوب وبس اون فمهيمن مدد يمي على السرير ...
رنوه: مهيمن ... سويلي كمادات
مهمين : كافي صرعتي راسي بس تونين ولي يم جهالج نامي خليني انهمد ...
رنوه كمت ورحت نمت يم الجهال وشويه وفات مهيمن ...
مهيمن : هاي انتي منايمه
رنوه: لا منايمه لان تعبانه والصخونه مدتعوفني ...
مهيمن : ها اني طالع
رنوه: وين طالع
مهيمن : هنا بلباب يم صديقي هسه اجي
طلع مهيمن واني الفلاونزه مدتخليني انام وصارت ساعه وساعتين لحد ممرت اربع ساعات وكمت جان اشوف مهيمن فات ومباشرتا فات للغرفه ...
حاولت وحاولت وعرفت الباس ورد... وعرفته بعد معاناه ...
فتحته وريتني مفتحته مهمين طبعا جان اكو رجال يثق بمهيمن وهوه جندي فيجي عشره ايام ويروح عشره ومامن مهيمن يشوف حاجات بيته يعني مرته فجاه اشوف المحادثه بيها مصائب وهاي المحادثه جانت بين مهيمن ومرت الجندي محادثه مقززه بيها مرت الجندي اكله شلبس الك اليوم ياسيت مال نوم... وهيومي نيمت الجهال يله تعال... وجيبلي حبشكلات ... هيومي راح يجي رجلي العركه بعد اسبوع ابتعد عن حضنك حبيبي ...وحجي يخلي شعر الراس يوكف ... هل مره محجيت اله بس كلت اذا اواجهه حينكر واني ماستفاد شي ...
خابرت رشا كتلها كالت اوكفيلي وراحت اشترت سيم كارت جديد وحطت رقم مهيمن واتصلت عليه وبلغتني الكلام...هيه صوتها بي خشونه بس هم حطت وصله وخشنته ...
رشا : السلام عليكم
مهيمن : وعليكم السلام تفضل
رشا :اني واحد من جوارين الجندي الي كل يوم تفوت بنصاص الليالي على بيته وتعمل العمايل ويه مرته اني جوارينه وغيرتي متقبل عليه اله اكله من يجي
مهيمن: اا..ااا .... انته شدتحجي
رشا : داحجي الصدك وحضر نفسك هل ايام راح يجي واكله
مهمين سد التلفون وفات الغرفه الي بيها رنوه ى...
رنوه فات مهيمن ووجه اصفر كلت اي يالله راح يتغير ماكو عشر ايام ورجعت ريمه لعادتها القديمه ورجع شنون مجان رجعت حاجيته وكال انو هوه يريد يبتعد عنها بي ميكدر ههه خوش حجه ..وهل مره من صيحت ضربني واخذني لبيت اهلي. ...
هناك من شافني ابويه بعد مستحملت حجيت اله كولشي وهوه اخذ رشا وراح لبيت البنيه ....
رشا دكينه الباب وطلعت النه بنيه تعلج وهيه شافت عمي خنست لان عمي هيبه ...
عمي : السلام عليكم
ابنيه: وعليكم السلام تفضلوا
عمي : شوفي يامره لان ماسميج بنتي لان مو حاشى بنتي اصير مثلج ياموه ابتعدي عن مهيمن لا صدكي اني اجي احجي لرجلج وحتى لو يروح بيها رجل بنتي هم عادي بس الي دسوا هوه زنى وهذا الشي حرام فبتعدي ....
البنيه : ها ها ...حبتعد هاهيه ...
ورجعت رشا وسولفتلي ومهيمن بعد مابويه رزله راح لبيت اياد واياد ضاربه راجدي قوي وجاء ثاني يوم رجعوني ....
هاي اني وهاي حياتي ويه مهمين يوم زين وعشره لا بطل من هايه البنيه وبطل يشتغل ويه رجلها ...ونفس ماهوه عنده سوالف نسوان بس وين اروح وصار من عندي من عنده ثلاث جهال ...
راتب غيث الدوله مقسمته لعمي وعمتي وبتي سيامين وراتب سيامين ياخذه مهيمن لان علساس وصي عليها عمها ... اليوم جوي جهال حلا من بعد مابوهم ازوج وصاروا يجونه بين فتره والثانيه مرت ابوهم نوعا ما زينه بس اضل مرت ابو ...
عمتي متخبله لان ابوهم مزوج وتكعد تسئب بلجهال شنونها ومدري شنو وبت حلا لسان وتكعد اسولف لعمتي ...
لانا صار عدها بنيه بعد الولد وحياتها مستقره بين سلوان وجهالها....
رشا بعدها ويه ضرتها زينات نوعا ما بس تبقى الضره مره ...
اني رنوه امراه حبت وعشقت غياثها بعدها فترت بيها الدنيا وخلتها تفقد روحها وبسبب دمار وعادات وتقاليد العشائر والمجتمع تزوجت حماها الي اذاها وطلع كل دلال غيث من عينها ... اني امراه صابره اليوم علمود اربع اطفال اريد اربيهن ...
اني امراه تعبت وعانت وتتمنى ترتاح ... صح يمكن حياتي ويه جهالي نعمه بس احن للماضي الماضي الي جانت روحي تختلف جانت روحي مثل الفراشه ...روحي الي راحت ويه غيث بعدني لليوم ازور غيث وازور كبره واحجيله ... بعدني لليوم اشتاقله بس هاي هيه مشيئت القدر ....
هاي هيه مثل مال النصيب والقسمه جمعني بيوم بغيث فرقني القدر عنه ...
فهاذهي هيه قصتي ...
النصيب جمعنا والقدر فرقنا....
الى هنا احبتي اختم لكم البارت الاخير
صوتولي اذا عجبكم واتمنى استمتعتو بقرائت القصه
رنوه تطلب ارائكم وتطلب دعواتكم الها
ول غيث المرحوم
ان شاءالله هل فتره استراحه
ومن تكون عندي قصه مناسبه
حطرقها عليكم حبايبي
دمتم سالمين😘
أنت تقرأ
النصيب جمعنا و القدر فرقنا....
Romanceماذا لو اننا لم نلتقي ماذا لو كانت طرقنا مفترقه ماذا لو مت غداً وانا مشتاقٌ اليك ماذا لو اجتمع الحب والنصيب معاً والموت والفراق معاً ......
