النصيب جمعنا و القدر فرقنا....

البارت السادس عشر

مساء الخير عليكم يا احلى متابعين
اترككم مع البارت
النصيب جمعنا والقدر فرقنا..
بقلمي
الكاتبه ناره

لست انت الذي تنتهي ... انا الذي انتهي

استغربت عمتي شدتكول....

عمتي بحاله انهيار : لج رنوه غيث راححححححححححححح لج رنوه ترملتي

كالت هل كلمات واحس الحياه وكفت ماكو اي شي يتحرك ...مثل افلام الكارتون من يوكف الزمن والكل ياخذ مواقع ثابته

كل شي ميتحرك بيه بس رموشي ...كلام يردد داخلي اخر شي كلي قبل ليطلع وصار هذا الكلام يتردد عبالك صدى بغرفه فارغه ...

محسيت اله كمت اسمع هتافات ....

لا الله الا الله...لا  اله الا الله ...لاالله الا الله

حسيت احد جرني وجان اشوف امي ..

امي وهيه تبجي : يمه كومي ودعي رجلج
سحبتني وفتت للاستقبال من حاطين التابوت وفوك التابوت دتلطم عمتي ولانا وحمواتي ومهيمن وإخوان غيث من امه والعالم واكفه وتبجي على حالهم ...

تقربت لتابوت واني ممصدكه انو غيث موجود جوى ... الكل يصرخ ويبجي اله اني ماكو دموع ماحس بشي ..

تقرب علاء وهوه بعيونه دموع ...
علاء : رنوه ودعي رجلج ياختي

باوعت عليه والكلام كوه يطلع ...
رنوه: بس هذا مو غيث
علاء : رنوه لتعذبين زوجج
رنوه صحت وصاحت كل جوارحي
رنوه: مووووووووووووووووووووووووووو رجلي مو غييثثثثثثثثثثثثثثثثثثثث
تهسترت بهل لحضه ...كلبي اخ

احس كلبي يعصرني من الالم تقربت على التابوت وبهل لحضه فقدت....

رنوه: غيثث مو كتلي حنروح نحتفل بعيد ميلاد ماما ...غيث سيامين مو كلت اسويلها عيد ميلاد اكبر من عيد ميلادها الاول ...غيث مو الاسبوع الجاي نروح نشوف شنو جنس الجنين ...غيث بعدنا ممتفقين على الاسماء..ولك ليش متحجي ولك غييثثثثثثثثثثثثثثثثثثثث

هنا بعد محسيت على شي فتت بعالم بس ظلام ....

في المستشفى واكف اخو رنوه وامها ...
طلعت الدكتوره...

الدكتوره: للاسف المريضه متعرضه للاجهاض
ام رنوه: دكتوره بس هيه بلسابع
الدكتوره: ادري واصلا حجم الولد كلش جبير لذالك الشغله صعبه بس هيه لشنو متعرضه لدرجه واصله لهل حاله
ام رنوه وهيه تبجي: دكتوره رجلها جابو شهيد
الدكتوره: الى رحمه الله الله يرحمه ويصبرها

فاتت الدكتوره وسوت الازم ويه رنوه وطلعوا ولد عمره سبع اشهر طفل كامل بس للاسف ميت ...

يومين رنوه ضلت نايمه والدكتوره تكول بسب الصدمه والاجهاض ...

واليوم امها واكفه يمها وفتحت عيونها ...

رنوه سمعت صوت غيث يكلي يله رنوه اليوم نروح بيت اهلج ...