النصيب جمعنا و القدر فرقنا....

البارت الثاني عشر

السلام عليكم متابعيني الاعزاء
ان شاءالله تكونون بألف خير

النصيب جمعنا والقدر فرقنا
بقلمي
الكاتبه ناره

الم قاتل قد اجتاحني ....
ارغب في إن اركي....
ارغب في لمسكي ....
فمرحبا بكي ....👶

رنوه.....
سبحانه اليخرج روح من روح ....
كعدت او اصلا اني منمت لان الوجع يروح ويرجع من العصر..

بليل ...
كاعده واشوف غيث نايم وماريد اكعده لان كلت يمكن تروح ... بس مراحت الي ان جتني الطلوكه القويه كلش وحسيت مي نزل بين رجليه راستا صحت
رنوه : غييثثثثثثثثثثثثثثثثثثثث

فز غيث وشافني واتخبل ..
غيث : رنوه شكووو
رنوه : غيث حولد
غيث هنا صار ميعرف شيسوي ..
نزل وصاح عمتي ولبسوني شي على السريع ..وصعدت بلسياره وانطلق بينا غيث واني احس روحي راح اموت الم مو طبيعي
وصلت وراستا فتت غرفه الولاده ...
الم كلش قويه والدكتوره تكلي ..

الدكتوره : ماما يله ساعديني
خوف على الم على كومه مشاعر ...وصرخت صرخه وولدت بنتي ...
اخخ من شفتها احس ماكو الم بس فرح ...
حطوها على صدري اخذت نفس اخخ راحه نفسيه ...
بعدها من الالم نمت ...
كعدت على ايد تتلمس وجهي فتحت عيوني على كيف شفت غيث ..باسني من راسي وابتسم ...

غيث : الحمد لله على سلامتج ام سيامين
رنوه : الله يسلمك حبيبي
غيث : تعبانه حبيبتي
رنوه: اي شويه بس البنيه وين
غيث : شبيج حبيبتي

شنو ابنيه ماعدها اسم
رنوه : هه لا بس الاسم ممتفقين عليه وانته سميت
غيث : اي حبيبتي سميتها سيامين وياهو الي يسئلج شنو معناه كليلهم  النجمه اي هيه نجمت ابوها
رنوه عكدت حواجبها : ها غيث تركتيني على صفحه
غيث : لا هههههههههه شعندي غيرجن

بهل اثناء فاتت الممرضه جايبه سيامين ...
لزمتها وبست خدها الوردي .... الممرضه كالت تكدرين ترضعيها...
بلشت ارضعها وجان الامر بالبدايه صعب عليه بس بعدين ارتاحيت وهيه شبعت ونامت
صبح الصبح لان اني جبت بليل...
وجتي امي وبوستني وبوست سيامين وكالت ..
امي : يمه حضري نفسج تجين يمي اني ادير بالي عليج
رنوه: اي يمه اكيد

لضهر سمحولي اطلع ورحت طبعا لبيت اهلي ...
استقبلتني رشا ونسوان اخوتي ...
كعدت بغرفه امي الي جوى وحطيت سرير صغير لسيامين طبعا غيث راح لبيتنا يرتاح ...

بدت حياتي ويه سيامين العشق الصغيره اوو ثمره حبي لغيث ..
غيث صار يتريد عليه صار عنده عشق جديد  عشق سيامين ....

مرت الايام ...وخلصت الاربعين مال سيامين وصار لازم ارجع لبيت عيالي....

انتي موضوع من افتحةة ..
طول عمري مااسدةهَ .. 🦋

...................
لانا ....
ايام تمر واني جنت مشغوله بلدراسه وجان
وجان عندي صديقه بصف بيتنا ...
هيه صديقتي بلمدرسه وايضا اهلي يعرفون اهلها ..
يوم من الايام جتني صديقتي ايات ...
وجانت حالتها حاله ...

ايات : لانا راح اموت ساعديني
لانا : خير خير آيات حبي شكو
ايات : تعرفين احمد

طبعا احمد هوه حبيب ايات وجان يريد يتزوجها بس هل سنه تخلص ...
لانا : اي اعرفه شكو
وجان تشهك بلبجي وتحجي ...
ايات : لج لانا اليوم عرسه
لانا بصدمه : شنووووووو
ايات : اي اي عرسه
لانا : اهدي حبيبتي
اخذتها لحضني اهدي بيها الى ان ارتاحت وبدت تحجي....

ايات : لانا مثل كل يوم عادي نحجي وكذا فجاه من اسبوع تغير تغير جذري ولا اتصال ولاحتى رساله الى ان اليوم شفت رساله من عنده كلبي طار بس بعدين انصدم من شفت الرساله ويكلي بيها ايات شوفي حياتج انتي تستاهلين كل الخير اليوم عرسي وهاي اخر رساله وانسيني...
لانا : ايا حقير وخائن باعي انطيني رقمه
ايات تمسح دموعها : شتسوين بي
لانا : دنطيني وسكتي وشوفي شراح اسوي

انطتني الرقم وسجلته واتصلت ....
رن ...رن ..اجاني الصوت...

... : ابو منو
لانا :انته واحد حقير ومتستحي واصلا ذره اخلاق ماعندك لك ماعندك خوات ماعندك حلال وحرام بس اليسوي هيج جوز مسوي

مسوي الاكبر منها بس حسبي الله عليك ومشوف السعاده إن شاء الله ...سكتت وهوه ميحجي
... : كملي كملي ليش سكتي
لانا : انته منو
... : انتي الي منو
لانا : اني مخابره احمد انته منوو
... : اني صديقه شتريدين من عنده
لانا : ماريد شي وسديته بوجهه

ـ هي تصدف مره وحده ويا كبر حظه اليصدفك⁦♥️⁩✨
...............
الطرف الثاني ....

سلوان شنون صوت هذا لا إنوب العصبيه اويلي كمت اخذت الرقم بموبايلي وسيفته ...
جاني احمد : وينك يمعود
سلوان: هاي اي جاي
احمد : ويه منو جنت تحجي بتلفوني
سلوان : محد بس دك شخص يمكن غلطان بالرقم
احمد : ها يله امشي

..............
غيث...

نورت حياتي بوجود سوسو ...
ملت عليه حياتي والاهم من هذا انو من حبيبتي...
ضليت ايام اروح وارجع لبيت عمي لان ام رنوه هيه كالت اله تجي يمها ...
خلصت الاربعين مال سوسو ...
ورجعت رنوه للبيت بس هل مره نورت بيتي هيه وسيامين ....

مرت ايام وسوسو يوم عن يوم تكبر وصار عمرها ٨ اشهر ورجعت بيوم رحت  للبيت فتت الغرفه ورحت ابوس بيها وجان تكول .
سيامين : اب..ب..ه
يمه ردت روحي من سمعتها
غيث: ياروح ابوج
فاتت رنوه
رنوه: هاي شنو سوسو ماخذه مكاني
غيث غمزتلها :

غمزتلها : لاانتي غير حبيبتي
رنوه رفعت حاجبي وكتله: هااااا
غيث : تعاي
تقربت علي جان يسحبني على صدره كال
غيث :مكانج بكلبي
رنوه: اموت عليك
غيث : واني احبج
تقرب ديبوسني جان تعيط سيامين
سيامين: ابببببهههه
رنوه وغيث مفزوعين بعدين ضحكوا عليها
رنوه: بنتك بدت تحاربك
غيث : اروحلها فدوه
رنوه: يله تعال تغده
غيث: اي جاي نزلي واني اجيب سوسو واجي
نزلنا اني وسيامين وهيه من تنزل عبالك اهلي نازل عليهم لعبه
مهيمن : انطينيها
لانا : لا إليه
دياخذوها وجان اجلب بيه ...
مهيمن : بت الاوادم شايفه روحها
لانا : اووي عود هيه يم ابوها دروحي
غيث : تغارون منها 😒
تغدينا وسيامين كاعده بحضني وبسس ومهيمن ولانا بس يحجون عليها وهيه لابستهم ...
صعدت انام لان تعبت ونامت سيامين على ايد ورنوه الصغيره على ايدي الثانيه ... هههههههههه تغار ....

كتب بائِع ورود لزوجتِه ِ:
‏"كلما إبتعتُ وردة.. أشتمُ بها رائِحتكِ"💜🍂

الى هنا اختم لكم هذه البارت احبتي
اذا عجبكم صوتولي
(دمتم سالمين😘)

]