مسااء الورد والياسمين عليكم متابعيني الاعزاء
النصيب جمعنا والقدر فرقنا
بقلمي الكاتبه ناره
77 نبضة في الدقيقة 💓
إثنتان منها لضخ الدم .. 🌸
والخمس وسبعون الباقية
لتغذية حبكِ المعلق في قلبي 💜
رنوه : طلع اياد وره غيث يركضون ديفهم منه السالفه اني جمد دمي بجسمي خير ياستار شصاير ومنو خابر غيث
سعاد:فوتي حبيبتي رنوه هسه اخابر اياد افتهم منه السالفه
فتت للبيت واني بالي مشغول وره شويه خابرت سعاد زوجها اياد.
سعاد :ها عيوني اياد شكو شصاير خير
صدك الحمدالله مابيها غير العافيه ديلا ماشي هاي رنوه هم خطيه ضل بالها عل غيث
رنوه : شكو عيوني سعاد شصاير
سعاد :خالتي متخربطه صاعد ضغطها وهسه ودوها للمشفى مابيها شي الحمدالله منطيها علاجات شكو شصاير
رنوه :والله سعاد ماعرف شكلج انتي بعد اعرف ابيت عمي عاشرتيهم وتعرفين اطباعهم يحاسبون عطبه والطلعه وين ماخذها وين جايبها اذا جاب علاكه الي يبتلي عل عمره من غير شغل البيت الي هاد حيلي هسه علساس دنروح نتعشه ومناك اروح الاهلي هم سوها سالفه شكبرها وكلمه من غيث كلمه من عمي
صار مصايح وغيث ميتحمل احجايه وحده من عمي
وهاي جيتنه لهنا
سعاد :يعني لا تعشيتو ولا رحتو ابيت اهلج شكد فكر لعد ههههه
رنوه : ههههه ي والله لاحضت برجيلها ولا بسيد علي
ضلينه نسولف قرابه لساعه ومحسينه بل وقت طبو اياد وغيث
غيث :امي ولا اجوز من سوالفها دكلي ارجع للبيت ماوره النسوان بس المشاكل
اياد :ههههه يعني انت متعرف امي وسوالفها
غيث :تعلمني بيهم هههه
اياد :مهيمن الجلب شو مديجي
غيث :ي مو شاف انت هنا تكرصه هناك دايح بشوارع لاصداد ولا رداد واني بدوام
حيل مدللي اهلي عل هاا الصغير
ولانه تصرفاتها ولا تعجبني نايمه للضهاري بل عطل
والشغل كله براس رنوه وبل دوام ها عندي امتحان
والله اياد اريد اخذلي قطعه كاع وابنيها عل راحتي هم استقر وهم ماريد اكعد بهل منطقه هاي تخنكني والله بل رايحه وبل راده عيونهم عليه ها وضيفه ها عنده سياره ها مدري شنو
اياد :ي والله بهاي صدكت يمعود بس الله يجفينه شرهم اني خلصت يوم الالك
رنوه:ضلينه ابيت اياد هواي تونسنه واني غيرت جو وتعشينه اياد وغيث شوو كباب وضلينه الليل كله نسولف
ثاني يوم خابر عمي وكال ارجعو همه مو لسواد عيونه اني اعرف بس منو يطبخ منو ينضف من يكرب غير اني تراضو غيث وعمي ورجعنه
ام غيث :يمه اعوذ بالله
غيث:شكو يمه خيرج
ام غيث :لك يمه بعز البرد دطب تسبح هسه تتمرض
غيث :لتخافين يمه ميصيرلي شي شبيج طبيتي تتعوذين وتقرين معوذات هستوج جنتي يم الحيران
ام غيث :يمه هاي بنت ام ستار مبككه عيونها خاله شنو غيث اشتره سياره شكد حلوه ماشاءالله
غيث:هههههه وعلمود هاي يمه همه يدخلوني الكبر ال يرتاحون هاي مله الجيران لبصفس ولا ارتاحلها
رنوه:اسم الله غيث لدكول هيج عفيه
غيث:شوفي مريتي يوم شلون تخاف عليه
ام غيث:ي يمه لعد شنو هل حجي اسم الله ميكفي اختك هدت حيلي بسحكتها من جانت صغيره وهاك ليهسه تعرج
غيث:تعرفين يمه حلا اختي اطيب وحده بخواتي كلبها طيب وتحسيها لبكلبها عل لسانها بس الله نطاها فد واحد ميعدي يوم اذا مومشكله هيه وياه
ام غيث: الله يصلح بينهم ان شاءالله
رنوه:سويت العشه وتعشينه خلصت لماعين لانا يوم تساعدني وعشره هيه كلش حبابه وكلش احبها وهيه كذلك بس بنات هل وكت ٢٤ نايمات وعجوزيات
اووف يمه ضهري موتني دحس وجع بضهري كلش قوي
غيث:ها حبيبي شبيج شو كاعده وحدج بل غرفه خيرج بيج شي
رنوه:لا حبيبي انت بس خلصت كلت اتمدد شو دحس وجع بصهري
غيث:ليش عيوني شبيج اذا انتي الله يسلمج مدكعدني درتاحي وباجر ان شاءالله اوديج ابيت اهلج نبات هناك ترتاحين فد كم يوم
رنوه:بفرح صدكك ييي صار هواي مرايحه والله
غيث:تدلل مريتي صدك تعالس اكلج نسيت شي
رنوه:شنو؟
غيث:تعالي اكلج شنو
رنوه:ههههه لك غيث والله نعسانه غيييث
غيث:عيون غيث
😁😁😁
رنوه:فتحت عيوني الصبح ووجهي مقابل وجهه
صفنت وابتسمت واني اشوف حواجبه الثخان ولحيته المحدده
وبلش اتغزل بي اتغزل بصوت خافت
فجاه فتح عيونه الي اعشقها
غيث : كملي كملي ليش سكتي
رنوه : هههههههههه اخترعت
غيث يلي كملي شنو جنتي تكولين
رنوه : جنت اكول انو حبيبي كلش حلو
واريد اكعده علمود انروح لان حنتاخر
احجي وصافنه بوجهه
غيث :يله لعد كومي حضري الريوك بين مابدل
رنوه : تمام حبيبي
نزلت احضر الريوك بين ماغيث يبدل نزل مخلص كعدنه نتريك خلصنا ونضفت المواعين وصعدت ارتب روحي
خلصت لكيته واكف ينتضرني كتله يله
وانطلقنا لبيت اهلي
غيث:يابه السلام عليكم
علاء:ياهلا بغيث هلا كل الهلا تعاا تفضل
رنوه:هلو حبيبي علاء شلونك
علاء:هلو حبيبتي رنوه شلونج اخبارج
رنوه:بخير الحمدالله لعد امي ابويه وين
علاء:جوه بل غرفه تعالو دخلو
غيث:يا الله
ابو رنوه:ياهلاا هذه صوت غيث هله بل جيه
غيث:هههه ي غيث ما اغيره هله بيك عمي شلونك اخبارك صحتك ان شاءالله زين هلو عمه شلونج ي شكو عليج مكابله رجلج وكاعده
ام رنوه:ههههه ولك ولاتكعد راحه ها حتبدي
رنوه:ههههه هلو عيوني يمه شلونج اخبارج هوه اكو مثل رجلي
ام رنوه:لاعيني شحدنه ماكو
الكل:ههههههه
ابو رنوه:لك ضياء وليدي روح جيب السمجات دنشويهن
غيث:شنو هل زحمه يا عمي قابل اني غريب
ابو رنوه: لا والله ابد اليوم سمجاتك تاكليهن من ايدي
غيث:هههه تسلم ايدك عمي
رنوه:هت يابه شنو بس غيث وبنتك لعد وين راحت
ابو رنوه:انتي الخير والبركه
ابو غيث:رشا تعالي يابه حضري الحطب
رشا:ياهلااا بهل جيه شعجب شهل غيبه
غيث:هلو بيج اخيتي شلونج شخبارج ان شاءالله زينه مروه وينها
رشا:هسه جايه جانت دتغسل الحديقه
رنوه انجمعنى كلنه عل غده وجان يوم كلش جميل وسعيد وبقينه سوالف وضحك طول اليوم وعشانه جان كباب شوي عشقي هذه هههههه
فرشنه كلنه بل حديقه ونمنه
ثاني يوم
ودعت غيث وكلي
غيث : من ارجع امر عليج ونرجع
رنوه : اوكي حبيبي
باسني من راسي وراح
دخلت ليجوا كعدت يم امي وكعدت اسولف الها على الم ضهري
امي : رنوه خاف حامل
رنوه : حامل !!!!! ابتسمت وكلبي رف من وكعدت افكر بغيث إذا درى والفرحه
امي : اي وإذا هاي نروح العصر نحلل
رنوه : بس هوه ميقبل اطلع
امي : عود بعدين كوليله وهوه من يعرف بسالفه الحمل مراح يحجي
رنوه : اوكي العصر نروح
صار العصر ورحت للمستوصف اني وامي
اخذت البنيه عينه من دمي وكعدت انتضر ودكات كلبي تزيد .....
صاحت عليه البنيه اسمي وكمت وكلبي دكاته الف
رنوه فاضل
رنوه : نعم اني رحت ورجلي اطك وحده بثانيه
خايفه لتضيع فرحتي وماطلع حامل
ام التحليل باعت عليه وكالت:......
لهنا واختم لكم البارت
شدكولون رنوه حتطلع حامل لو اكو شي حيمنع الحمل
فضلا اذا اعجبكم صوتو
(دمتم سالمين)😘
أنت تقرأ
النصيب جمعنا و القدر فرقنا....
Romansماذا لو اننا لم نلتقي ماذا لو كانت طرقنا مفترقه ماذا لو مت غداً وانا مشتاقٌ اليك ماذا لو اجتمع الحب والنصيب معاً والموت والفراق معاً ......
