أحببتك وانتهى الأمر.. اجتمعت بك واشرقت الشمس

البارت ٢

عبدالعزيز :وانت ما تعرف تكمل جميلك غير لما تجيب العيد
عماد حك مؤخرة راسه : زلة لسان ياخي
عبدالعزيز قام :انت الكلام معك عقيم سلطان أنا رايح الدوام اوقع عشان أودي راكان المقبره شوي شوف امي اذا تبي شي
سلطان : طيب
راح عبدالعزيز الدوام و سلطان وهياف قاعدين ع جوالاتهم و ذياب قاعد يكلم وحده من اللي مرقمهم َ

عماد  : أنا بروح انام لحد يصحيني 
راح غرفته وسكر ع نفسه الباب وقعد ع الكنبه وخلى الدموع تأخذ مجراها  مين يلومه لأن اللي ربته توفت بكى اول يوم عزا وبعدها حبس بقلبه عشان راكان ما يضعف بكى لين غفت عيونه وهو اصلا ما ينام زين 

عماد نام والباقي على حاله
......................................
عند البنات
دلع تتكلم والعبره خانقتها :بنات أنا شايله هم راكام اهئ يارب الله يجبر بخاطره
سمر تمسح ع ظهر دلع : انشالله يكون قوي ويتخطى ه الفتره
دلع: تتوقعون الحين كيفه
رنيم : مدري والله بس خلودي  يقول انه مرا تعبان
سمر : يعععع وش خلودي انتي الثانيه مب لايق عليه الدلع
رنيم تسبل بعيونها : كيفي زوجي وبدلعه إذا كان الدلع مب لايق عليه يليق ع مين
دلع عصبت : اووووف انتم وين وانا وين 
لينا نطت :اييييه تذكرت شفته رايح المشب عند
عمي سعد (ابو راكان ) 
سمر: ياعمري عليه رايح لأبوه يواس
ما امداها تكمل كلامها الا كانت المخده بوجهه من دلع :نعم انتي ياعمري عليه تزوجيه احسن
الكل ساكت يستوعب اللي حصل ما عدت دقيقه الا الكل انفجر ضحك
لينا دقتها بكوعها :وه لبى اللي يغار.
دلع استحت وقامت  : مين قال اني آغار انا بروح اشوف ماما احسن لي
سمر : ههههه ايه صرفي صرفي
................
راحت دلع لأمها
دلع: مااااامااااااا
سنا (ام دلع ) : تعالي انا بالغرفه
دخلت دلع للغرفه وانسدحت بحضن امها وغمضت عيونها ام دلع قامت تلعب بشعرها : شفيك ي قلبي
دلع : تعبانه مو متخيله أن خاله سلمى توفت 
سنا حزنت: الله يرحمها
دلع :تدرين مو كاسر خاطري غير راكان حيلل متعلق بأمه وهو وحيدها
سنا : اي والله بعدين مين قال اني بخليه سلمى الله يرحمها وصتني عليه
دلع :صدق
سنا : ايه واصلا ركان رجال بيتخطى حزنه ع وفاة امه
دلع همست :انشاءالله 
ما عدت نص ساعه الا ودلع نايمه غطتها سنا وطفت اللمبه وطلعت
......................
نزلت سنا تحت الصاله وكان الكل متجمع
مها : خاله سناا وين دلع ما شفتها
سنا :نايمه خلوها لحد  يصحيها لها ٣ ايام مو نايمه زين
جميله (ام عبدالعزيز ) : مها سمعتي
مها عبست : ماماا وانا شدخلني 
جميله : لأنك ما تخلين احد ينام انتي ورجتك
مها : اونسكم والا ما تبوني خلاص انا قايمه بروح لبابا يدلعني
شددت مها ع كلمت يدلعني و قامت تسوي حركات لأمها
ضحكو اللي بالصاله ع حركات مها
جميله : اقول بس روحي نادي لي اخوك سلطان
مها تذمرت  : مافس غيري يعني اهئ تعبت
جميله عقدت حواجبها : مهاا
مها انخرشت : انشاءالله
وراحت ركض لاخوها قبل تأخذ هوشه، من، امها
سنا:الله يسعدك ي مها ع انك ضحكتينا من يوم وفاة سلمى
الكل : الله يرحمها
لينا : سمر قومي نطلع نمشي بالحديقه
سمر : طيب بس اجيب جوالي
لينا : بسرررعه
راحت سمر تجيب جوالها وطلعو حديقة البيت

.........................
بالمشب بنفس البيت
سعد (ابو راكان  ) : زي ما قلتلك امك راحت لدار احسن، من ذي الدار ترحم لها و لا تعذب عمرك ولا اعتراض على قدر الله
راكان وفي له غصه : والنعم بالله
سعد، : وتراها وصتني اني انتبه لك اوصل لك كلام
راكان : جد
سعد : ايه قالت انك تكمل حياتك ولا تحزن ع فراقها لأن كلنا ماشيين بذا الطريق و إذا تبي شي تروح لمرة عمك سنا اعتبرها امك وهي ما راح تقصر معك
راكان: بس يبه
سعد بحزم، : لا بس ولا شي  اذا تبي راحتها لا تعذب عمرك ترا مو زين لك وانا ابوك ويالله شد حيلك وخلك قوي شوف حياتك وإذا هي راحت من الدنيا ما راحت من قلوبنا
راكان : انشالله
.................
بالحديقه
لينا :انا والله مالي خلق اداوم
سمر وهي ع جوالها وتمشي :وربي انا مثلك بس راح يفصلونا لو غبنا زياده
لينا :هذي المشكله
كملو مشي وسمر ع جوالها ولينا تمشي وتتأمل
وما انتبهت للعيون اللي تراقبها
لفت ع جهة الباب وشافت عبدالعزيز يطالعها تصنمت
وعبدالعزيز ع طول دخل المشب يوم شافها انتبهت له
لينا : سمررر امشي
لينا ركضت وسمر واقفه مكانها : شفيها ذي

عبدالعزيز ( ي زين حظي يوم انه جابني هنا وخلاني اكحل عيوني بشوفتها)
تذكر ركضتها و ابتسم
راكان : عز يالله
عبدالعزيز :يلا امشي
.......................
لينا ركضت الصاله والكل كان متجمع وقعدت تتنفس بسرعه من ركضها وتتكلم بقلبها  (وه ي زينه ي ويل قلبك يا لينوه )
رنيم :هيي لينا شفيك
لينا : مافيني شي بس لحقتني قطوه
مها : ي خوافه
لينا ابتسمت لها : انا بروح غرفتي ارتاح شوي
منيره (ام خالد و هياف و ذياب والتؤام) : زين يمه روحي ارتاحي وإذا إذن العصر صحيتك
رنيم :  وانا بعد الحين جاي خالد برجع البيت و عالمغرب أرجع
منيره : زين قولي لخالد لا يسرع
رنيم : حاضر.
مها : سمر شكلنا بس احنا اللي بقينا
سمر : اي والله تعالي امشي نشوف لنا شي نسويه
مها : يلا قومي
سمر : شديني بالله احس رجولي تخدرت
شدت مها سمر وراحو يشوفو لهم شي يسووه
.......... ...............
بالمقبره عند راكان وعبدالعزيز
بمكان ما فيه غير التراب و ناس مدفونين ما معهم احد ينتظرو دعاء الناس بالرحمه لهم
عند قبر ام راكان :

٢ بارت اكتبه وانشاءالله اكمل بالبارت الجاي
كيف البارت؟