الجارة 1 : علاه تي معارفاش راه كلشي كاين فداك تيليفون تلقايها كتهضر مع شي وحد فظاك لفيزبوك ( فيسبوك ) ونتي مجيبة خبار دابا راه هاكا داير لوقت كيتزوجو فيه ويطلقو فيه و كيتحكمو فيه وتي ناعسة على وذنيك
الجارة 2 : اوادي غير تهنيني من خنشوشها تزوج والا طلق مكتنفعني ف والو غير لمكلة و تيليفون ونعاس هادا فاش فالحا شي لخور ( هزات يديها ) تبريت منها انا بعدة
عند تواتز ديالنا
يارا ( جلسات فواحد لكورسي ) : اففف عييت انا بعدة
يوسف ( جلس حداها ) : هههه دغيا عيتي
يارا : ارابي واش معيتيش منصباح وحنا كنتمشاو افف
يوسف : هههه لا معيتش
يارا يالله هزات عينيها وهيا تشوف واحد مول لكروسة كيبيع غول لبنات خرجو عينيها
يارا ( متبعا بعينيها داك مول لكروسة خايفة ليفلت ليها ) : يوسف شوف انا انمشي وانرجع دابا
يوسف ( شافها هكاك مخرجا عينيها دار شاف فمن كتشوف ومع كان جوج ولاد حدا مول لكروسة صحابليه كتشوف فيهم وهو يعقد دوك لحجبان ) : جلسي بلاستك
يارا ( كتغبن ريوكها سالو مع ديك غزل لبنات ) : عفاك ايوسف وراه حلوة
يوسف ( زاد عقد حجبانو وتعصب ) : كفاش حلوة
يارا ( كتشير بيديها لمول لكروسة ) : هديك هديك عفاك عفاك غير وحدة
يوسف ( عاد فهم لبلان وناض ) : يالله زيدي ونتي تا شرح مكتعرفيش تهضري مزيان
ناضت يارا تطير بلفرحة شداتليه ف يديه ومشاو عند داك مول لكروسة شراليها وحدة من غزل لبنات و شراليها شي شكلاطات وشي حلويات جبد من جيبو 200 درهم باش ايخلص يالله ايرجع ليه صرف درليه بيديه اشارة زعما غير خودهم داك راجل مسكين فرح والا غير كيدعي معاه حيت اول مرة ايجيب خلصة فحال هادي
رجع شد ف يد يارا لي دايرة فحال شي بنت صغيورة كتكل ف لحلوة ممسوقاش للعالم ضاربة دنيا بركلة هههه
يارا ( مدتليه ) : هاكا خود
يوسف ( تبسم ليها ) : ههه لا غير بصحتك
يارا ( رفعات كتفها و رجعات هبطاتو ) : لي بغيتي
وصلو لواحد جردة مكانش فيها ناس بزاف مشاو جلسو فواحد لكورسي تماك
شافت يارا ف يوسف عزز عليها و جبدات شوية من غزل لبنات
يارا : حال فمك
يوسف ( مبغاش ايخصر ليها خطرها شافها فرحانة وهو يحا فمو )
بقات كتوكل راصها ضغمة ليها و ضغمة ليه دا سلات و رمات داك لعود
شاف فيها يوسف وبتاسم
يوسف : نوضي غسلي يديك من لحلوة ( شير بيادو لواحد لغسلة ) سيري لهيه
مشات يارا تغسل يديها و يوسف جبد تيليفونو كيخربق فيه
غسلات يارا يديها مزيان تمات راجعا وهيا تشوف وحد لبنت وقفة على يوسف تمشات تلعندهم ووقفات عليهم رفعات فيها لبنت راسها شافتهم لبسين بحال بحال سحابليها صحابتو وهيا تبلاع ريقها
لبنت : سمحيليا اختي مكونتش عارفة بلي راه صاحبك ( ومشات مدراتش موراها )
يارا ( بقات غير كضحك هيا كانت باغا تقول ليوسف عطيها نمرتك ولكن مسكينة درية فهمات غلاط ) : ههههههه ناري كيف ولات انا كنت باغا نقولك غير عطيها نمرتك ساعة هيا سحابليها مصاحبين
يوسف ( خنزر فيها ) : انا مكنعطيش نمرتي
يارا ( مشات قربات ليه شدتليه حنوكو بجهد تا خرج عينيه و بستو من حناكو ) : اصلا هيا متستهلكش تا وحدة مكتستهااك انا لي نستهلاك والا لا هههههه
يوسف (عجباتو هضرتها وبتاسم )
بقاو جالسين تكيصوني ليارا تيليفون جبداتو من جيبها وجوبات
يارا : الو ماما
نورة : الو بنتي يارا رجعو ابنتي تغداو راه لغدة موجود
يارا : صافي امااما واخا احنا جايين
قطعات عليها شافت فيوسف
يارا : نوض نوض راه لغدة موجود
يوسف ( نااض ) : يالله زيدي
تمو راجعين لدار كيضحكو ممصوقينش لناس لي كيشوفو فيهم لبنات حالين فمهم ف يوسف و لولاد حالين فمهم ف يارا
تا وصلو لدار اقاو نورة مدارة لغدة دارة طاجين بلحو نعماس مع مونضة لقاو تا مصطفى يالله تا هو جاي من خدمتو وسفيان خارج من دوش جاسو يكلو و كيهضرة تا هضرات نورة
نورة ( بحزن ) : ايوا اولدي فقاش اتمشي كون غير بغيتي معانا اولدي مسخيناش بيك
يوسف ( باس ليها راسها ) : وراك عارفة الحنانة لخدمة منقدرش نسمح فيها كثر من هاكا انكملها و انرجع انشاءلله
الكل : انشاءلله
كملو مكالتهم وناضت يارا كتجمع و سفيان نورة و مصطفى جلسو مع يوسف حيت ايمشي فلعشية بقاو جلسين كيهضرو تا جات يارا جلسات نعاهم
شوية ناض كل واحد لبيتو يرتاح
ياارا مشات لبيتها سدات شرجم و لباب دارت ضلام و نعسات
سفيان تاهو مشا لبيتو كيلعب مع صحابو
مصطفى ة نورة مشاو لبيتهم كيهضرة
اما يوسف فمشا لحمام عاد ايمشي لبيتو تاهوا لبيتو يرتاح ايشد طريق فلعشية
دخل لخدمتو قضا حاجتو و غسل سنيناتو وتم راجع ليتو
ولحسن لحظ سمع شي حاجة لي صدماتو
عند نورة ومصطفى
كانت نورة جالسة قدام لمراية كتمشط شعرها
و مصطفى كيقرا فكتاب لله ( لمصحف )
سلا وحيد نضاضرو سد لمصحف رجعو لبلاصتو و شاف ف نورة
مصطفى : مكنقدرش نعس انورة لبنهار ولا بليل كل نهار كيزيد قلبي يضرني كثر
نورة ( حطات لمشطة من يديها و جمعات شعرها ) : نفس لموضوع امصطفى نفس لموضوع
مصطفى : اش غندير انورة راه كتبقى فيا كل نهار كنشوفها قدامي كضحك كنزيد نحس بتأنيب ضمير
نورة ( مشاات عندو شدتليه ف يدو ) : سمعني نقولك هيا واخا ماشي بنتنا ولكن كنحسبوها كثر من بنتنا الله معطناش لبنات وعطاها لينا هيا سمعتي وحتى وحد سمعتي حتى واحد مغيكقدر ايبعدها علينا حيت حنى لي ربيناها و لي تعدبنا عليها يارا بنتنا حنا
مصطفى : ايجي نهار لي اتعرف فيه لحقيقة انورة ايجي شي نهار و ايقلبو عليها وليديها وغيحيدوها لينا
نورة ( بغضب ) : هيا ماشي بنتهم هما هيا بنتنا حنا فين كانو ملي رماوها فزبل و حنا لي لقينيها كن مكناش حنا ( غمضات عينيها و رجعات فتحاتهم ) كن معرافناش اش ايوقع فيها خاصك تفهم بلي لي كيربي هما لواليدين ماشي لي كيولدو و بنتي ياارا مغديش تسمح فينا حيت حنا هما وليديها و حنا لي ربيناها
يبتع....
أنت تقرأ
قصة أحببت اخي( بــقـلــمـي:SouadEll)
Hành độngقصة كتحكي عن زوج آخ وأخت كفاش ايتلقاو او كفاش ايكون لقدر ديالهم تراقبو لقصة ومتنساوش تعونوني ب فوت و كومينت باش نزيد نكتب ليكم
