قصة أحببت اخي( بــقـلــمـي:SouadEll)

بارت 42

فاقت يارا مخطوفة عرقانا شافت جنبها لقات الهام ناعسة بقات كتشوف فيها شحال
يارا ( حبطات بستها من حنوكها بجوج ونطقات ) : سمحيلي اختي معنديش شي حل أخور خاضني نمشي من هنا

ناضت بزربة كتجمع ف حويجها ليدخل يوسف
جمعات حويجها ف بليزتها ولبسات سروال هوط كحل مع قبية فلبيض بزربة شافت نضرة أخيرا ف الهام هبطات لبها دمعة مسحتها و خرجات من لغرفة مخلية كلشي وراها قلبها مكسور هبطات لتحت
كتسانة طاكسي ولحسن لحظ لقات شي واحد مغريبي ركبات وطلبات منو اوصلها لشي مطار قريب
مني ركبات وهو فارع ليها  راسها دودودودو مكيسكتش وفبلاست ش كبنطق س
مول طاكسي : اس سماك لله
يارا ( بغات غير يسكت ) : يارا
مول طاكسي : زوينة فحال مولتها

سكتات مجوباتوش
مول طاكسي : سحال ف عمرك
يارا : 17
مول طاكسي : امم صغيورة معليس نديرك تانية هههه ( مع كيضحك كيبانو ليه سنان لقدامين مكاينينش وكحلين تقول ميسواك مقطوع ) : هاهااااهاها
يارا ( شافت فيه عايفة ودورات وجها لسرجم )
مول طاكسي : تمسي معايا
يارا ( طلعات فيه ونزلاتو ) : فين
مول طاكسي : لدار ديالي
يارا ( صبر لي كان عندها تسالا سدات عينيها ورجعات حلاتهم فيه حمرين ) : وقف
مول طاكسي ( كيضحك ) : ماقي موصلنا لدار ديالي سيي ساعة هكاك ونوصلو
يارا ( غوتات عليه تا قفز ) : وققققللللتتت ليييك وووققققف

وفق بلا هواه
نزلات ونزل تاهوا خباط يارا لباب تاكان ايتهرس
مول طاكسي ( مشى بجري كيتفقد ف لباب لتكون هرساتو ) :  ابسوية ملك نتي لي سريتيه راه كيسوى تمان
يارا ( ولات حمرة بلأعصاب هزات فيه صبععا ) : اشووف اشرييف
مول طاكسي ( قطعها ) : بوسعيب بوسعيب من فضلك
يارا ( كتعيب فيه ) : بوسعيب بوسعيب نينيني سير نطقها مقدا ونت ولادك تلقاهم كينطقو لهضرة حسسن منك اييخ زلالة كلكم بحال بحال 😡
بوشعيب ( هزات فيه راسها مع هو قصيور )  مالي انا اسنو درت ليك ا انيسة انا بغيت غير نديك لداري نتهالا فيك حيت سفتك غريبة هنا مكتعرفي حد
يارا ( غوتات عليه تتكمش ) : وماشي شغلك فيا اييخ ديها ف راسك
جرات بليزتها و مشات كتنطر فطريق وتغوت وتهضر مع راسها
بوشعيب ( شاف تا عيا وهز يديه ) : هاد زمان ما بقى فيه ميتسااف

ركب ف طاكسي ديالو ونطالق ...

        يتبع...