قصة أحببت اخي( بــقـلــمـي:SouadEll)

البارت 21

يوسف بقا جامد فبلاصتو معرف ليقدم والا يوخر  جاتو صدمة قوية معرف يفرح حيت يارا ماشي ختو وآخيرا ايقول ليها اش بغا بلا ميتفكر بالي راها ختو والا يحزن حيت تربات مع اهل ماشي وليديها

مصطفى : ولك...
نورة ( تعصبات تااع بصصح ) : مكااين موالكن امصطفى هيا بنتي انا فهمتي بنتي انا بوحدي انا لي تعدبت عليها انا لي شحفت  تكبرتها و ولات فحال هااكا حتى ويلا لقاوها مغنرجعهاش ليهم ودابا سكتنا ونعس
شاف مصطفى تا شاف و هو يتقلب اينعس وهو مهوم ونورة غمضات عينيها وصدرها كيطلع و ينزل بلأعصاب

اما يوسف لي موال صدمة لعبة عليه دااوه رجليه لبيت يارا حل لباب لقاه محلول دخل عندها سد لباب موراه لقاها ناعسة و تيليفون حداها دايرة ليكيت ف ودنيها كتسمع لأغاني  و فمها محلول شوية  كتنفس بهدوء شعرها مغطي ليها شوية وجها ديرة ناعسة كيووت
قرب ليها حيد ليها ليكيت من ودنيها طفى لوسيقى حط تيليفونها فوق لمجر و جلس حداها حيد ليها شعرها على و جها

يوسف ( هضر بصوت شيبه مسموع و كيلعب ليها ف شعرها  تنهد و قال ) : معرفت نفرح حيت نتي ماشي ختي ندير معاك اش بغيت و منفكرش فيك بالي نتي ختي و لا نحزن عليك حيت هادوك ناس لي تعودتي عليهم و كتقولي ليهم بابا و ماما هما بلأصل ماشي باباك و ماماك  ( رفع راسو ورجع هبطو ) معرفتش اشنوهما ضروف لي خلاو وليديك ايرميوك والكين لي عارف بالي نتي ديالي بوحديتي و مغنخلي تا وحد تا وحد ايارا كنقسم ليك مغنخليك لشي وحد حيت نتي تخلافيتي ليا ليا بوحدي ماشي لغيري
واخا يرجعو مغنخليهمش يخدوك ليا هادا وعد مني ليك

صوبها فبلاصتها و تكا حداها كيحفظ فملميحها و كيلعب ليها ف شعرها و هيا ناعسة ماجيبة لدونية خبار محس براسو تا غفى لعالم الاحلام

دازات ساعات فاق يوسف على صوت ديال دراري صغار كيلعبو كورة بارا شاف فيارا لقاها باقة ناعسة
بقى كيعنكش فيها تفيقها

يارا ( كتحك فعينيها مفهما والو اش كيدير حداها؟؟!) : يوسف
يوسف ( كيشوف فيها )  اممم
يارا : اش كدير هنا
يوسف : جيت نعست مع حبيبتي ( مابغاش ايقول ليها ختي حيت مكيحملش ايقولها ليها ومع عرف بالي هيا ماشي ختو عاد زاد تشبت بيها ) : كاين شي مشكيل
يارا : لا شحال فساعة
يوسف ( شاف فتيليفونها كان حدداه لقاها ربعة وربع ) : ربعة وربع
يارا ( ناضت ) : خاصك تمشي ياك ( قالتها بحزن وهيا كتشوف فيه )
يوسف ( دوباتو بديك نضرة ) : تمششي معايا
يارا : فين انمشي
يوسف : معايا تعيشي معايا
يارا ( بصدمة وفرحة ) : بصصح زعما نمشي ( دغيا قندشات ) : ماغديش يخليوني ماما و بابا نمشي معاك
يوسف ( وعد راسو بالي مغديش ايبقى ايخليها موراه فين مامشى خاص تكون معاه ) : واش غتمشي معايا والا لا ( فنفسو : اصلا واخا متبغيش اتمشي معايا بزز بغيتي والا كرهتي )
يارا ( بفرحة ) : اكيييييد انمشيييي
يوسف ( بتاسم من قلبو ) : هههه ايوا نوضي و لواليدة خاليها عليا

ناضت يارا بلفرحات عليها كتلبس فرحانة بزااف اتمشي مع خوها

      يتبع...