قصة أحببت اخي( بــقـلــمـي:SouadEll)

البارت 34

ناض عندو بحال شي سبع هداك شاب مفهم والو يالله ايهضر وهو يتلاح عليه يوسف مخلا فيه غير لي نسى كيضرب بيديه ورجليه وراسو زيد كيفك فيه والو والاو منو عشرة غير غمزة واش دارت كون قاسهة كون قتلو
مابعد منو توالا كولو دم عاد جا مدير لأوطيل كيجري بديك لكرش مدلية غير شاف يوسف جميع الوان طيف رجعو ف وجهوو
مدير ( كيتفتف) : ااا سيدي يوسف اش واقع هنا
يوسف ( ناض على هداك كينهج شااف فيه وجهو حمر ) : نلقى هاد لقلاوي هنا نتفاهم مع طاسيلتك راك عارفني مزيان كتفهم
مدير ( داار راسو فلرض وليما لا و لأوطيل ديال يوسف بكلمة وحدة منو يجري عليه ويدخل عائلتو فجحيم ) : واخا اسيدي كون هاني
مشى كيجري يعيط لسيكريتي يهزوه يرميوه بارا
اما يوسف فشاف ف يارا كينهج هيا شافتو هكااك تخلعات ولات غير كتبلع فريقها
زيد : زيدو زيدو موقع باس ماشي مشكيل جلسو نتعشاو
جر يوسف يارا جلسنا حداه قربها ليه الهام جلسات حدا زيد حدات ليهم سرباية لمكلة وجلسو تيكلو ويهضرو كيحولو ينساو لموضوع ولمشكيل لي طرا قبيلة
تعشاو ومرى مرى يهضرو ويفتحو مواضيع  زيد و يوسف كيهضرو على نيسية ديال لخدمة الهام ويارا كيسمعو ليهم
كملو عشاهم وكل واحد مشى لغرفة ديالو ينعسو اما زيد فخدة تاهوا غرفة حدا غرفة يوسف قاليك ايبات هنا ليوما
دخلو لبنات لغرفة تلاحت الهام على ناموسية كيف شي حلوفى
يارا ( كتحيد حوايجها ) : هرسيها نتي حسسن يخخ
الهام ( شافت فيها ) : ناااري اختي كيف كان يوسف قبيلة اول مرى نشوفو هاكا كيف شي وحشش
يارا ( بقات غير بدوبياس دخلات لدوش حكات سنانها عاد خرجات  ) احح كون تشوفي انا نااري خلعني عينيه والاو حمرين خلعني واليت غير كنتفتف بففف
الهام ( تفكرات زيد ) : يخخخ وهداك عنيبة قاليك تانتي زوينة ميبقاش فيك لحال اصلا انا زوينة و عارفة راسي زوينة منستناش عنيبة بحالو يقولها ليا يخخ راس طارو
يارا ( دخلات لفراش تخشات فيه ) :ههههه وفسراحة بوكوص ههههه وضحكني قبيلة وباينة عينيه فيك عجبتيه المسخوطة 😂
الهام ( خنزرات فيها ودغيا بتسمات ) : وهوا فصراحة تا انا عجبني ولكن هضرتو فشيشكل بحال شي مراهق
يارا ( تقلبات عطياها بضهرها ) : طفي معاك ضوو جاني سيد عادي غير نتي زدتي فيه شوية
الهام ( ناضت ) : اودي هدوك ناص لأليبة مشفتيش لباسو كيف داير نخدم حياتي كاملة منشريش بحالهم بقاليه غير يشوف فوحدة بحالي بفف
شافت فيارا لقاتها حالة فمها كتشخر مجوبتهاش كااع ناضت كتنتر وتعاود دخلات لدوش بدلات حويجها بقات غير ببيجامة قصيرة حدات سنيناتها غسلات وجها شربات لما ودخلات حداها فلفراش طفات ضو تقلبات عطاتها بضهر وحدة عطيا بضهرها لخرى ودغيا غفات ايلى عالم الأحلام

اما عند يوسف فدخل لبيتو معصصصب دخل لدوش يبرد على راسو خرج كينشف ذاتو بفوطة زرقة مكتوب  عليها ( يوسف ) : بخط اينجليزي زوين كيهضر معصصب
يوسف : اععععع نتي لي اتحمقيني شي نهار مافيهاش كنقول نخليق على كولشي تاواحد ميشوفك من غيري كيف ندير معرفتش لي كنعرف هو نتي ديالتي بوحديتي كتخسيني انا تاواحد ممنحقو يشوف فيك تاوحد وهداك ديال قبيلة دار غلاط ايندم عليه حياتو كاملة
قريب قريب اتولي ديالي ممبقا والو خليتيني نولي مهووووس بيك ايارا كنبغيك بكااع اش فيك نتي ديالي

دخل لدريسينغ جبد بوكسور لبسو وططلاح على ناموسية كيفكر ف يارا تاغفى ايلى عالم لأحلام

عند زيد لي دخل تاهو لغرفة ديالو كيدندن بواحد لأغنية فرانسية وكيفرنس دخل لدوش دوش هو فعالم أخور كيضحك ويفرنس ويغني دوش وخرج كينشف راسو لبس بوكسور وشورط بيض فيه كتبة فلكحل  وطلاح تاهوا كنعس وبسرعة غفى تاهوا للعالم لأحلام

وبهاكا نقولو جميع أبطالنا غفاو لعالم لأحلام
وغدة كيتسناهم نهار جديد نقدرو نقولو نهار زوين ونقولو نهار خايب فالله اعلام...

      يتبع...