قصة أحببت اخي( بــقـلــمـي:SouadEll)

البارت 17

الكل : هههههههه
يارا ( مشات عنقات يوسف ) : كنبغيك ياءحلى أخخ
يوسف ( ببتسامة صفرة ) : تا انا كنبغيك
بقاو كيهضرو ويضحكو
تاتم خارج سفيان من بيتو تاهوا يالله فاق من نعاس حيت بليل كيبقا سااهر مع صحابو كيلعبو فبيبجي
شعرو طايح على عينيه تاهوا مبوكس بحال يوسف كياتشبهو بزاف لباس شورط كحل مع تيشورت بيضة
سفيان ( جاي كيتعنكر وباينا باقي فيه نعاس ) : وااش نتي مغتخلي لي كنعس كتغوتي بحال شي حلوفة جيران وخلعتيهم
يارا ( خرجاات ليه لسنها ) : اننن دابا ماشي وقت نعاس دابا راه ظهور احبيبي
سفيان ( جرر كرسي جلس عليه كيكب فلعضير ) : شي نهار نواري ختي اش كنسوا
يارا ( جبدات ديك خمسمية لي كانت دايرة فجيب ) : شوف شوف شنو عنندي ( كتحرك حجبانها بطريقة مستفيزة )
سفيان ( كان كيقطع لخبز غير رفع راسو وشاف ديك خمسمية درهم طرطق عينيه ) : هاا تي منين جبتي هاد لفلوس ( شاف ف باباه ) يااك ابابا يااك انا ماشي ولدك تا تعطيها و انا لا يااك ( شاف ف ماماه ) يااك اماما ياك ونتي مقلتي ليه عطي تلولدي سفيان ويحسرااه انا ولدكم واش لقيطوني فطارو دزبل والاشنو
مصطفى ( ضاحكو ) : ههههه لا لا اولدي انا معطيتليها والو
سفيان ( زااد طرتق عينيه ) : هااا وشكون عطاهم ليها
نورة : خووك سفيان لي عطاهم ليها راك غير كضلمنا
سفيان ( شاف ف يوسف ) : هاا خويا يوسف

يوسف ( شاف فيه وبتاسم ) : وي
سفيان : نت لي عطيتيهم ليها ( شير بيدو لفلوس لي عند يارا )
يوسف ( حرك راسو يلإجاب و هو باقي مبتاسم ) : وي انا علاش
سفيان : وزعما متعطينيش تا انا ( واالو مكيحشمش كراام ديال نحشمة مراهاش فيه )
نورة ( قرساتو مع كان حداها ) : تاا كون تحششم اوييلي و فين ندير وجهي
يوسف ( كيحك فبلاصت لقرسة ) : احححح اش هاد ليدين لي عندك اححح وااش فيها راااه خويا هادا علاش انحشم منو اففف
يوسف ( شاف فيه وبتاسم جبد من جيبو 600  درهم و مدها ليه ) : هاك بصحة وراحة
نورة  : اويلي اولدي ونت شنو ايبقى عندك كااع جيبك خويتيه عليهم
يوسف ( تبطب ليها على كتفهل و هو مبتاسم ) : مديريش ف بالك الواليدة
نورة : ولكن اولدي راه هداشي بزااف محيلتك لتقدية لي كتجيب لينا كولا نهار محيلتك لمصاريف ديال دار محيلتك لراسك و هديك لمارة شريتيليهم حوايج ومحيلتك لراسك
يوسف : نتوما راكم عائلتي ايلى مهزيتكم انا شكون ايهزكم راكم على راسي وعينية
مصطفى : مقلتيش ليا اش كدير فاش خدام
يوسف ( حنحن مابغاش ايكدب عليهم ) : انا الواليد راجل اعمال
يارا و سفيان ) : كفااااااش
نورة ( بصدمة ) : كفاش اولدي
يوسف : اه انا عندي شريكة ديال اصدارات
يارا : معمرك قلتي لينا هادشي
يوسف ( بتاسم ليها ) : علاش هه
سفيان : واا انا بعدة تصدمت والله ههههه عندي خويا راجل اعمال ومجيب خباار ههههه
نورة : وكفاش اولدي
يوسف ( فهمها تنهد و مسح على جبهتو ) : انا الواليدة نهار لي حركت صراحة تعدبت بزااف خدمت وتقاتلت عاد وصلت لداكشي لي انا فيه دابا
نصطفى ( ضرب على راس سفيان ) : قولها لهاد خووك لي قاليك بغا تاهوا يحرك يصحاب ليه اش كاين تما
يوسف ( شاف ف سفيان ) : نصحك كمل قرايتك راه هيا لي اتنفعك ايلى حركتي ماشي مغديش توصل اتعدب بزااف عاد اتوصل حياتك اضيعها  فوالو وتقدر تموت فنص طريق

         يتبع...