NA-SHOCK si Charline pagkakita sa umagang-
umagang bisita nila.
"Juan!"
"Good morning," nakangiting bati ni JC,
"tamang-tama pala ang dating ko."
Paalis na noon si Charline, alas-sais ng
umaga, Tsinetsek niya ang sarili sa salaming
nakasabit sa dinding, malapit sa pintuan, nang
may pumaradang kotse sa tapat. Pagsilip sa
bintana, nakaibis na si 'Juan' at patungo sa kanila.
Hindi pa rin malaman ni Charline kung ano
ang isasagot sa masayang pagbati ng binata.
Mula sa komedor, narinig ng dalawa ang
malakas na tanong ni Karen. "Sino'ng dumating,
Mylene?"
"Ate mo, Charline?" tanong ni JC.
Bago maka-oo si Charline, heto na ang ate
niya. Inabutan nito ang dalawa sa may pintuan.
"Good morning," bati ng binata rito, "ikaw
siguro ang ate ni Charline. "Ako si Juan – "
Napamulagat si Karen. "Ikaw si Johnny?"
"Mas gusto ni Charline ang Juan," ani JC,
nakamuwestra ang tingin sa dalaga, "so, tawagin
mo na rin akong Juan."
"Ako si Karen. 'Lika, tuloy. Dito kayo mag-
usap."
"Baka ma-late na ako," sabi ni Charline sa
dalawa.
"Plano ko sana, mag-usap tayo nang
masinsinan, Charline," sabi ni JC. "Hindi ako
puwedeng magtagal dito sa Pilipinas. I have to
head home soon. So, mas maaga tayong
makapagpakasal – "
Nabigla si Charline.
"The better, di ba?" tanong ni JC. "Gusto
kong asikasuhin agad ang travel papers mo para
maisama na kita sa States."
Si Karen naman ang nabigla – sa problema.
"Naku, baka hindi kaagad kami
makahagilap ng pamasahe ni Charline. Ang plano
kasi namin, pag pumayag ka na kalahati muna
ang iabot sa iyo ni Bettina, maglo-loan ang mister
ko sa – "
"No need for that," bulalas ni JC, pero nang
ma-realize na mali iyon, idinugtong niya, "I mean,
ako muna ang bahala sa lahat ng gastos ni
Charline."
"Sandali," singit ni Charline, "masyado
namang mabilis. Two days kang hindi nagpakita
sa akin sa Lake View, ni hindi ka tumawag dito.
Akala ko, ayaw mo na. Tapos, bigla kang susulpot
dito at mamadaliin ako?"
"Akala ko, gusto mong makarating agad sa
States?" tanong ni JC.
"Hindi ko na tiyak kung gusto ko nga,"
sagot ni Charline.
Pasimpleng kinurot ni Karen ang kapatid,
sabay sabi sa binata, "Gusto niya, Juan. Kaya lang
– "
"Mama, tinutukso ako ni Kuya, o!" Galing
ang tinig sa kusina.
"Mag-usap nga muna kayong dalawa," ani
Karen sa mga kaharap. "Sandali lang ako mawala,
nagbabangay agad ang mga anak ko."
Pinaupo ni Charline ang binata. Tumanggi ito.
Sabi, "I was thinking, huwag ka munang mag-
report ngayon sa trabaho. I want us to have a long
chat, at the same time, gusto ko ring mamasyal
tayo. Maybe, sa Taal? May inarkila akong
sasakyan."
Nagtaka si Charline. Ang sabi ni Bettina,
kailangan nito ng pera kaya pumatol sa alok nila.
Pero bakit parang mapera ito? Nag-hire ng kotse,
at aabonohan pati plane fare niya kung sakali?
"Please?" Nakikiusap ang tono ni JC.
Pumayag na rin si Charline. Nagpaalam siya
sandali sa binata para magpalit ng damit.
Habang nasa itaas ng bahay si Charline,
sumilip si JC sa komedor. Patapos nang mag-
almusal ang tatlong anak ni Karen, at ang huli'y
inaayos ang lunchboxes ng mga ito.
"Hello, kids," bati ni JC sa mga pamangkin
ni Charline "Good morning."
Sabi ng panganay, lalaki, walong taon at
nasa third grade, "Good morning. Sino ka?"
"Ako si Juan – "
Hindi nagawang buuin ni JC ang kanyang
pangalan. Antimano, ibinulalas ng sumunod,
babae, six years old:
"Ikaw si Juan Tamad?"
Sinundan iyon ng malakas na hagikhikan.
Natawa rin si JC.
Napahiya si Karen. "Pasensiya ka na, ha."
"It's okay." Bumaling uli si JC sa mga bata, at
aniya rito, "Hindi ako tamad. Ang totoo kong
pangalan ay Juan Masipag. Kayo rin, if you study
hard, tatawagin din kayong masipag, don't you
think so?"
"Bakit Ingglesero ka?" tanong uli ng
panganay.
Tiningnan ni Karen nang matalim ang
kanyang panganay pero inignora lang iyon ng
anak.
"Kasi'y nakatira ako sa Amerika. I'm an
American citizen. And very soon, isasama ko roon
ang Tita Charline n'yo. At siguro, kapag matataas
ang grades ninyo, pagbabakasyunin ko kayo roon.
O, posible rin na doon na rin kayo tumira sa
malapit na hinaharap. Gusto n'yo ba 'yon?"
Malalakas na 'oo' ang isinagot ng
magkakapatid. Kahit mga musmos, alam ng mga
iyon na ang Amerika ang pangarap na marating
ng marami.
Mayamaya'y heto na uli sa ibaba si Charline.
Simpleng bestida at sandalyas ang suot ng dalaga.
Nakatali sa batok ang buhok, walang papula ni
konti ang mga labi, walang pulbos. But JC looked
at her as if she's some goddess na bumaba mula
sa langit.
Napuna ni Karen kung paano minasdan ni
'Juan' ang kanyang kapatid.
Ipinagpaalam ng binata si Charline kay
Karen. Siyempre'y pumayag ang huli.
Ngunit nang wala na ang dalawa, kumunot
ang noo ni Karen. Malinaw sa usapan nila ni
Bettina na hindi pa US citizen si Johnny. At bakit
parang ang yabang nitong magsalita? Kahit
dollars ang kita ng lalaking iyon, gaano lang iyon?
Can afford ba ang mga caddie na pagbakasyunin
sa Amerika ang mga bata?
Ipinasya ni Karen na bago mapasubo si
Charline, tatawagan niya muna si Bettina. Uusisain
niya ang kaibigan kung matinong lalaki ang
kausap nila. Mahirap nang mapahamak ang
kapatid sa kamay ng isang sinungaling na,
hambog pa!
NASA sasakyan pa lamang sila patungong Taal
ay panay na ang hingi ni JC ng apology kay
Charline sa hindi niya pagtawag o pagpapakita sa
nagdaaang dalawang araw.
"Akala namin ni Ivy," sabi ni Charline, "nag-
back out ka na."
"No, hindi ko gagawin iyon. I was just busy
doing this and that. Inayos ko rin ang aking leave
application para kung sakaling ma-delay ang pag-
grant ng visa sa iyo sa US Embassy, I can extend
my stay para i-assist kita."
"Okey sa iyo kahit hindi buo ang
napagkasunduang bayad sa – "
"That's not a problem. As I said, sagot ko
ang lahat ng expenses mo. Isa iyon sa mga nilakad
ko, ang gagamiting pera sa documents, sa travel."
"Pero – "
"Please, pagdating natin sa States, saka natin
pag-usapan ang tungkol doon, okey?"
Hindi na muna umimik si Charline. Ayaw
niyang iparinig sa driver ng rented car ang
maraming-maraming tanong na ibig niyang
sagutin ni 'Juan'. Ibang-iba kasi ang Johnny na
ikinuwento sa kanila ni Bettina, na gipit iyon sa
pera kaya handa ring kumapit sa patalim.
Ngunit bakit ang kasama niya ngayo'y tila
napakadaling nalutas ang problema sa pera? May
ganoon bang gipit? At bakit parang apurado itong
isama na siya pabalik sa Amerika?
NASA parke ang dalawa, nakatanaw sa lawa at
bulkan ng Taal, nang ungkatin ni JC ang isang
sinabi kanina ni Charline, nang nasa bahay pa sila
nito.
"Sabi mo, parang hindi ka na sure kung
gusto mong pumunta sa States. Why's that?"
"Bakit ba sa palagay mo gusto kong
makarating doon?"
"Well, hindi ba lahat, iyon ang pangarap?
Ang makapag-abroad, and if possible, sa States?"
"Ipuwera mo ako roon, Juan. Kung marami
lang job opportunities dito sa atin, I bet, hindi
mangingibang-bansa ang mga kababayan natin."
Ikinuwento ng dalaga ang tungkol sa dinanas ng
ama at kuya niya dahil sa pangarap na kumita ng
dolyar.
JC looked horrified pagkarinig na nasa piitan
pa sa Middle East ang kuya ni Charline. "Hindi ba
kayo humingi ng tulong sa gobyerno?"
"Wala kaming kapit kahit kaninong mataas
na tao, Juan. May papansin ba sa amin? Ang
balita nga, pag tumakbo sa Embassy natin doon
ang minaltratong domestic helper, itataboy
pabalik sa malupit na amo. Sa halip na
protektahan ang mga Pilipino, ang kinakampihan
ng Embassy staff natin doon, 'yong tagaroon."
"I understand you bitterness, Charline, but
don't be too harsh in your judgment. May ilan
sigurong bulok na Embassy staff, but I'm sure,
ang nakararami ay matapat sa pangangalaga sa
karapatan ng mga Pilipino."
"Kapag nakauwi na siguro ang kuya ko,
baka-sakali, magbago ang opinyon ko sa mga
walang silbing Embassy staff sa bansang iyon."
"What about your parents? Parang hindi
n'yo sila kasama sa bahay?"
"Hindi ba nabanggit sa iyo ni Bettina?"
Nangilid ang luha ni Charline. "Nasa Cagayan de
Oro ang tatay ko, kapatas sa isang pineapple
plantation doon. Ang nanay ko, katiwala sa isang
bahay-bakasyunan dito sa Tagaytay. May mga
edad na sila pero kumakayod pa rin. Nag-iipon
sila, pambayad sa abugado para mai-appeal ang
kaso ni Kuya. Ako, naghuhulog kahit unti-unti sa
natitirang utang ng pamilya."
Pinalis ni Charline ang luha bago pa iyon
pumatak sa kanyang pisngi.
Patuloy niya, "Kaya nga pumasok akong
umbrella girl sa Lake View. Malaki ring tulong sa
pamilya ko 'yong kinikita kong tips sa mga
golfers. Kaysa mag-opisina ako sa Maynila.
Ano'ng mararating ng minimum wage?"
"Tapos ka ng college?"
"Bakit parang nagulat ka?"
"No, not really. I realized, dito nga pala sa
Pilipinas, kahit mababa ang suweldo,
hinahanapan ng mataas na pinag-aralan ang mga
aplikante."
"Sa di-kilalang kolehiyo galing ang aking
bachelor's degree sa psychology. Kaya 'yong mga
unang pag-aaplay ko, pagkakita pa lang kung
saan ako nagtapos, ni thank you letter sa pag-
aabala kong magpadala ng application, wala
akong tinanggap. Inuuna siyampreng i-entertain
'yong mga aplikante na galing sa exclusive
schools."
Sa unang pagkakataon, na-realize ni JC na
hindi dala ng mababaw na pangarap – ang
makatuntong sa Amerika – ang nag-udyok kay
Mylene para humanap ng tuntungan doon.
"Sa States," sabi uli ni Charline, "kahit daw
hanggang tatlong trabaho, puwedeng magkaroon.
I mean, odd jobs lang. Babysitter, kitchen helper,
bakery assistant, waitress. Papatulan ko 'yon para
makaahon ang parents ko, at para maiapela ang
kaso ni Kuya."
"There are only 24 hours in a day kahit sa
States. Hindi ka na ba matutulog niyon?
Magpapakamatay ka ba?"
"Sa tulad kong nangangarap na maibalik ang
naibentang lupa at bahay ng mga magulang ko,
kahit four hours a day lang akong matulog,
kakayanin ko. Kahit mapalayo ako sa aking
pamilya, di bale na. Tutal, hindi iyon permanente.
Ang kailangan ko lang, mabilis at legal na paraan
para makarating sa Amerika."
"Did you know that it's a federal offense?
Parehong mapaparusahan ang pumapasok sa
ganoong kasunduan, ang taga-US at ang
pinakasalang alien."
"Alam kong bawal. Pero sabi ni Bettina,
marami raw gumagawa ng gano'n doon. Hindi
lang daw mga Pilipino."
"Kung sa marami, oh yes, talagang marami.
That's why the INS – I mean, the US Immigration
and Naturalization Service – is so strict. Nagkalat
ang agents nila na nagmamanman sa suspected
bogus marriages. They're very thorough in
checking up those whom they believe are
breaking immigration laws."
"Paanong pagtse-check ang ginagawa nila?"
"Pinupuntahan nila sa bahay, sometimes
even in the middle of the night, ang mag-asawa.
Kapag napatunayan nilang hindi talaga
nagsasama ang couple – "
Napamulagat si Charline. "So, tama pala ang
sabi ni Ivy. Hindi puwedeng bukod ang tirahan
ko sa iyo."
"Kung pakakasal tayo, we have to live under
one roof."
"Hindi ba puwedeng hindi? Kunwari lang
tayong kasal, di ba?"
"Hindi puwedeng kunwari lang ang kasal
natin. Titiyakin kong legal iyon. However, hindi
rin puwedeng magkabukod tayo ng tirahan
pagkatapos. We have to stay together all the
time."
Curious na tiningnan lang ni Charline ang
binata. Seryoso at determinado ang tono nito nang
bigkasin ang mga huli nitong pangungusap.
Thank you guy's for supporting my Story..
Lovelybelle08
BINABASA MO ANG
''WANTED HUSBAND.''.
AventuraAMERIKA ang paboritong pangaraping marating ng mga Pilipino. Pero hindi madaling tumuntong sa US. Lalo na kung walang kamag-anak doon at isa lang umbrella girl dito sa bansa, like CHARLINE.. Dahil desididong magtrabaho sa Amerika, naghanap ang da...