أحببته في حلمي ⁦❄️⁩ مكتملة⁦❄️⁩

الجزء 3

دينيس:  حتى أنا ما عمرني شفتك.....( قالتها وهي مخنزرة فيه...و كتقول مع راسها صورتو ما غريباش عليا....)
فهد: يمكن ما عندناش نفس الطريق...يمكن ما كنردوش البال...ولا الصدفة ما لاقاتناش!! زيد على أنني مني  خديت لباك مشيت للمحمدية نكمل لقراية  و ما بقيتش كنهبط بززاف...مانعرف...يمكن.. 

دينيس: هههه يمكن...و يلاه نوض تكعد راه مشى علينا الحال!!!

ناضوا رجعوا للفاك و هاذ المرة ما كانتش خايفة من الركبة فوق الموطور... بالعكس تمنات دوز العشية كاملة كتخيط فالطرقااان!! وصلوا  دخلوا  لقاو القسم عامر تقطع فيه الأوكسيجين و كلشي كيمنزز فيهم!! بصعوبة لقاو فين اجلسوا اللور...فهد حط صاكو و مشى فحالة شرود . دينيس خدات لاجوندا  و بدات تركز و  تسجل محاضرة الاستاذ....واحد الشوية واحد الولد كان جالس قدامها دار وعطاها ورقة مطوية....تفاجآت و فهم من نظرتها ليه أنها باغا شكون مولاها ولا مولاتها! و هو ينعت ليها واحد البنت!  كانت إشراق!!!   دينيس   حلات الورقة قراتها وطلقات واحد الضحكة مجهدة دغية قطعاتها ملي دار الاستاذ اللي كتفى بششششش انتباه!!! فهد اللي كان قريب منها استغرب  و جاه الفضول يعرف سبب هاذ الضحكة!!! مدات ليه الورقة و  قراها.... لقى مكتوب فيها:  داك البوكوص لي معاك غادي نطيرو ليك بحال اللول!!!!
بلا ما ياخذ الرأي ديال دينيس جبد ستيلو و كتب ورا الورقة: واخا هانا  كنتسناك طيره ليا!!!
رجع الورقة لإشراق عن طريق الولد اللي خذاها منها فاللول... قراتها و دارت في دينيس شوفات ديال الكره و التحدي!!!  دينيس ما فهمات والو و ما كرهاتش تعرف شنو كتب فهد!!!
بعدما سالات الحصة تقلب القسم هرج وضحكات من كل جهة..بداو الطلبة كيخرجوا و دينيس ما تحركاتش من بلاصتها. فهد يلاه بغا ينوض شداتو بيديها:
دينيس:اش كتبتي ليها حتى دارت فيا دوك الشوفات????
فهد: حتى نخرجو و نقوليك اش كتبت...بغيتي نوصلك???
دينيس: لا شكرا... بلاش ما نصدعك معايا غنمشي فالطوبيس...
فهد ما لححش عليها و  خرج....قبل مايديماري الموطور دار عندها:
فهد: ههه كتبت ليها كنتسناك طيره ليا!!! بغات اللعب انا مولاه... دار ضحكة شريرة
دينيس بقات حاله فمها ما خلاش ليها الفرصة يوضح قصدو.... ركب في موطور و مشى.
طلعات لطوبيس و رجعات لدارهم ما عاقلة منين داز....تفكيرها كل كان مركز على هادشي اللي وقع الصباح.
دخلات نيشان لبيتها و بدلات حوايجها و جلسات فوق الناموسية كتشوف هاذ التغيير لي طرا لحياتها و هاذ الشخص الي دخل ليها على غفلة!! ناضت طلقات موسيقى خفيفة و جبدات ورقة و بدات كترسم... رسماتو و هو واقف عاطيها بالظهر و داير القب على راسو....كل خط كتحطو الا و كيعني ليها شي حاجة...حاسة بحال شي قوة غريبة كتحرك ليها يدها...الخطوط كيتابعوا واحد ورا لاخور بدقة عجيبة.   
شوية تفكرات اللحظة لي حيد القب و بان شعرو...تبسمات..احساسها و عقلها عايشين فدوامة من التناقض! عقلها كيقول ليا تيق من هاذ الحالة ديال التيه و اللاوعي و قلبها معيشها فعالم آخر...