فاقت دينيس بصعوبة حاسة بصحتها مهلوكة...المجهود ديال الليلة الفايتة خلا الأثر ديالو....نفسيتها مهزوزة و باقا حاقدة على إشراق اللي باغا تاخذ ليها فهد بدنو حق!! لبسات و قادات حالتها و خرجات بلا فطور. أصلا آخر حاجة تفكر فيها هي الماكلة...كتاكل عند الضرورة. ما تلقات تا حد من عائلتها و الطبلة باقا ما مجموعاش..كلشي مرون فهاذ الدار.... حلات الباب و لقات اسمر واقف حدا الطوموبيل بلباس أنيق و شعر طويل كما موالف.. ريحة العطر العجيب كتفوح من بعيد. تأثير المفاجأة خلاها تسهى و عينيها ما قدراتش تحولهم لشي جهة خرى..كأنو مغناطيس شادها ليه. ما فاقت من هاذ الحالة حتى حسات بقوة خرى كتقوليها شوفي هنا!!!! شافت فهد جاي بخطوات موزونة و داير القب على راسو...بلا ما تردد مشات عندو عنقاتو و باستو حدا فمو و قربات من ودنو....تحنا باش اسمع شنو غتقول....
دينيس: ما تقول والو!!!! اسمر هداك اللي واقف حدا الطوموبيل....
شاف فيها و غمزاتو.. فهم قصدها و عنقها بدورو...كانت لحظة حميمية خلات أسمر.. اللي شاف كلشي.. فوضع ما كايتمناه تا واحد...إحساس بالهزيمة.. الفقصة..الغيرة...كمية كبيرة من الدم تجمعات فوجهو اللي خذا لون حمر دليل على انو تعصب و ما كرهش "إتيري فيهم بجوج" فضل يركب فطومبيلتو و ينطالق بسرعة جنونية.....
دينيس: شكرا
فهد :ههه غادي ترديها ليا فساعة الخير
دينيس: مغاديش تمشي تجيب حبيبة القلب اشراق ههه
فهد: آه فكرتيني... قضيت ليك الغرض البارح
دينيس: اش درتي ليها??
فهد: ما درت ليها والو هما لي دارو ليها
جبد التليفون وراها تصاور
دينيس: هههه غزاو فيها دابا جات النوبة د الريحة
فهد: ما نبداوش بأسمر??.
بقات ساكتة ما عارفة باش تجاوب...كيفاش تسمح لراسها تآدي محبوبها القديم اللي دوزات معاه أسعد اللحظات ..حبيبها اللي شوفة منو كدوخها و لمساتو و عطرو كيدوبوها...كلامو و حنانو كيوصلوها للسماء السابعة??? لكن علاش تخلى عليها و فضل عليها إشراق? شكون غدر لاخور? علاش هانها فكرامتها و ما حس بعذابها?? هادا هو جزاء حبها ليه?
دينيس:... علاش كتعاوني???
فهد: انا براسي ما عارفش بحال شي حاجة لا مرئية كتجبرني نعاونك ولكن عاجبني لحال (بضحكة جانبية)
دينيس واخا مافاهمة والو دارت نفس الضحكة بحالا كتحداه...
فهد : اش بان ليك نهنيك منو??
دينيس: أنا وياك هاد النوبة!!!
ما قال والو اكتفى بنظرة فعينيها كتقول: واش انت متأكدة??? ركبو فالموطور و دينيس معنقاه و كتستنشق الريحة لي دمنتها و خلاتها تنسى العالم و الواقع المؤلم... بقات كتفكر و كتقول فخاطرها عنداك يختفي و يكون غير نسيج من الخيال و هي تكرز عليه مزيان!.. فهد حس بيها و هو يبدا يضحك...
أنت تقرأ
أحببته في حلمي ❄️ مكتملة❄️
Fantasia❄️مقطع تشويقي❄️ .....برد مختارق أجسامهم لي ملتحمة صدفة....قلبهم كيضرب بشكل مفزع...كيخلي الخوف يسيطر و يلعب بيهم كيف بغى...... كيخلي الكلمات يتبخرو و الاحاسيس يتخباو...كيعطي نوع من الألم إلا أنه غير واضح....عينيه كيبرقو بريق غريب و ضحكتو تحكمات بطر...
