حب وكبرياء

﮼بارت،التاسع💜

ورغم عني احبببته
_______
ميسم: صكر شنو تريدني بربك هسه لو احد يشوفني شيكول بنت عمر اهلها مديحيها بنتهم طالعه وطابه وتحاجي ولد او تريد تكعد اطكلك اصبع واصفكلك واكلك عفيه خوش ماسويت
صكر:اكص راسا الي يجيبي طاريج بالمو زين
ميسم:صكر هذا واقعنا هذا مجتمعنا
صكر:واحنا شلنا دخل بيهم
ميسم:يعني اني اكلك هيج تكلي هيج شايف ابو المثل من يكوله ثور يكول احلبو نته هيج دتعاندني مثله
صكر:ههههه والله ضحكتيني هاي خوش مثل
ميسم:جديااات داحجي شبيك صكر هففف
صكر:يابه يله لخاطر هالعيون اصبر بس لازعلين
ميسم:مممم يسلمو
صكر:كثرتي على نفسج من كلتي يسلمو خاب دولي ماتنجبين كالت يسلمو هههي عمي
ميسم:وجعع فوك الفوك يستهزء بيه والله يالله مدري ششايف نفسك
صكر:والله عييني اولاً شايف نفسي لان اني حلو
ميسم:ييي والثاني شنو خاب كول اني كمر وفضها
صكر:ע ثاني شي اني خطيب الكمر ميسم فشي اكيد شايف نفسي
ميسم:اخخخ يمه خجلت😂
صكر:هههه خجلت الزركه
ميسم:هسه نته جاي تتغزل لو تقصف
صكر:الثنين حبيبي وهسه حرجعج للبيت بنيتي
ميسم:ييي عفيه بسرعه
صكر:الي يشوفج يكول راح اذبحج شبيج بابا ترا احنا نحب بعض ماكو شي عيب
ميسم:أჂ̤ صحيح كلامك ماكو شي عيب لك صكر حموووت حنجلط من وره برودك واني مثل الزماله كاعده واسمع بكلامك اكول شو الطريق صار هلطول ايمت اوصل
صكر:هسه بس خل افوت على هذا المحل
ميسم:صكر عوفها من توصلني يمعود هسه امي تثبرني واخاف تتصل على وجدان وهذيج تجفص بالحجي ادري بيها
صكر:هاي شبيج شنو بالعه مسجل شكد حجيتي كافي
ميسم:غوركن عيونها وكالتله أჂ̤ رحم الله والديك
صكر:يضحك ويكول ووالديج
ميسم عبست وندارت على الشباك دتباع وشو هاي شهكت ونزلت راسها بسرعه
صكر:خررب بعمج هاي شبيج ولج ليش نزلتي
ميسم:صكر صكر بسرعه وديني للبيت ولك هذا اخويه راد يشوفوني
صكر:يله بويه امري لله
وصلت ميسم لبيتها قبل لاتنزل حاجاها صكر
صكر:ميسم الاحد اشوفج بالحديقه تمام بدون اعتراض وها هسه نطيني بوسه
ميسم:عزززه بعينك اكول ليش ماتروح وتشوف دربك زين
صكر:😒😒 والله مو صوجج صوجي اني
ميسم:أჂ̤ توك تعرف
صكر:خرب اشتعلت عشيرتج روحي فوووتي بنت اللذين واكفتلي بنص الشارع ووتخوصرلي يله فوووتي
ميسم:اهوو شبيك هياتني حفووت
راح صكر ونجي على العشاق وجدان واياد
اياد تصل على وجدان جان محضرلها مفاجئة
اياد:هلو حبيبي
وجدان:يا هلا عمري شونك
اياد:بخير نتي شونج
وجدان:شي اكيد بخير بعد سمعت صوت العافيه مالتي
اياد:اخخخ كلبي فدوه رحتلج
وجدان:اسم الله🥺
اياد:شدسوين شكو ماكو
وجدان:سلامتك ماكو شي بس خطار ديجونا وضجت كلش كلت لامي حصعد لغزفتي بالشافعات يله قبلت تكولي عيب اخاف احد يجي وميلكيج وين اكللهم كتله يوم قابل رايحه للمريخ وتعال شوفها كل شويه تصيحني لاتنامين ومدري شنو
اياد:ههههههه ترا كلهن هيج
وجدان:ييي صحيح
اياد:اكلج وجدان اليوم امي حتجي اشوفج
وجدان جانت بوضع المتمدده سمعت كلام اياد كمزت بسرعه وكلتله صدك تحجييي ايمت تجي
اياد:ههههه شبيج يمعوده اليوم العصر راح تجي
وجدان:اهاا زين كتلي علمود اتحضر فشله اطلعلها بالبجامه
اياد:بالعكس نتي بكل حالاتج حلوه حتى لو معطبه وطكها ضحكه
وجدان:نجببب زين امك شجاي تسوي علينا
اياد:ممم تعرفين اليوم بالصدفه داحجي لامي عليج وجان تكول بنت منو كتلها على ابوج وعلى امج شو امي اخذتلها صفنه كتلها الووو يمه وين رحتي كالت نته متأكد هاي ايمها وشوفي القسمه طلعو امي وامج جوارين قبل وجانت علاقتهم كلش قويه بس من تزوجت امي نكطعت اخبارها عن امج
وجدان:ياااا صدك تحجي
اياد:أჂ̤ والله
وجدان:لعد عيني طلعت خالتي الحلوه صديقة الوالده شكد حلوو
اياد:ييي باعي حبيبي اني هسه حروح بس اجيت اكلج على جية الوالده
وجدان:وين بعد وكت
اياد:مو هسه عندي مراجعين اخلص شغل واتصل عليج
وجدان:ديله حبيبي اخذ راحتك
اياد:هلا حياتي
اجا العصر وجدان بدلت ملابسها ولبست فستان لونا حليبي وبي ورد ملون
وفتحت شعرها ولمت شوي منه جان شعرها كصير بس حلو ملامحها جداً جريئه وبنفس الوقت حلوه (جريئة يعني كبار ومرسومات)
نزلت وجدان جانت تحجي ويا امها بملل
وجدان:اكول ماما يعني اني لازم موجوده من يجون الناس ونبي مالي خلك خلي خواتي يكعدون وياهم تعذرولكم شوي اني خطيه بعدني مريضه
ام وجدان:ע بعد لسانج هذا مابيج الا العافيه وثاني شي لازم تكونين موجوده عيب من العالم جايين يتحمدولج ونتي ولايمج
وجدان:اهووو ماما اني تورطت وكتلج سمعتيني محاضره
دك الباب
ام وجدان:طلعي يمه شوفي منو عالباب
وجدان:باوعت لامها بنظره ما الها خلك راحت فتحت الباب
لمن فتحتا نصدمت باياد واكف يم الباب ويمه اما
وجدان:كل الهلا بيج تفصلي خاله
ام اياد:اتسعت عيونها والضحكه شكت حلكها وكامت تصلي على محمد وكالت يمه ما شااءلله اللهم صلي على محمد شهالجمال
وجدان:حبيبتي خاله تسلمين
ام اياد:يمه اياد ע تتاخر عليا ماشي
اياد:أჂ̤ ان شاءالله يمه
ندارت ام اياد دتفوت للبيت ووجدان دسد الباب وجان يدفعه اياد شوي وكللها اكول اليوم الجو منور طلع الكمر طالع بالنهار
وجدان:خجلت منه وكلتله باي
اياد:كللها بايات
دخلت ام اياد للخطار وفاتت وجدان وصاحت امها
وجدان:ماما تعاي خاله ام اياد اجت
ام وجدان؛فاتتت ونصدمت بصديقة عمرها شافتها
يمه هلا شونج عيني شخبارج
ام اياد:حضنتها لام وجدان وكالت
لج خيه شكد مشتاقتلج عذريني على السنين الفاتت ماسئلت عنج ولا اجيت
ام وجدان:يا عيني الفات مات المهم شوفتج هسه اخبارج
وكعدن الحبايب يتناقلون الاخبار
وجدان قدمت الضيافه لام اياد وكعدت شوي
ام اياد:لج نهى هاي بنتج
ام وجدان:ييي هاي بنتي وجدان الصغيره
ام اياد:يمه صلوات شكد حلوه وترفه الله يخليها الج شكد عمرج حبيبه
وجدان:خاله عمري ٢٠
ام اياد:حبيبتي العمر كله يارب شدرسين
وجدان: خاله ادرس صيدله
ام اياد:بالموفقيه حبيبي
وجدان:تسلمين
مرت نص ساعه وكامت ام اياد
ام اياد:يله خيه اترخص اني مو كطعين علينا اني نطيتج رقمي علمود نبقى على تواصل
ام وجدان:ان شاءالله عيني
سلمت عليهم وراحو
اجت وجدان تركض على امها وسئلتها
وجدان:ماما ماما هاي صديقتج
ام وجدان: ييي صديقتي من جنا صغار بس الزمن فركنا والحمدلله رجعت شفتها
وجدان:ييي خطيه وصدك كلتلج تعالي عليا
ام وجدان:نتبهت على بنتها وكلتلها اكول ماما وجدان ليش متنجبين نتي شكو
وجدان:عبست وجها وراحت لغرفتها تتأفف‏ ‏أف أف يا ماما
‏في مكان آخر
‏‏‏‏مشت الايام والبنات داومو بالجامعه
ميسم:اكول وجدان هذا اياد حبيب الكلب مناوي يتقدملج
وجدان:بلي كم مره كلي بس اني ارفض
ميسم عدلت كعدتها وكالت
ميسم:وليش شيخه ترفضين شعندج التزامات لو بيت
وجدان:ע يالثوله اني ودي من باجر اعرس بس ابيع ثكل علمود يحبني اكثر
ميسم طمتلها لوجدان وكالت اامداج ياعوبه عود هذا تفكير لج حظي لحكي على الرجال لااا يطير من ايدج
وجدان:حبيبي ميطير من ايدي بس نتي لحكي على الي يحبج ترا اخر شي يمل ويعوفج
ميسم غوركن عيونها وكالت شبيدي ماتكوليلي لج ونبي شايفه الجسد بله روح اني هيج اني احبه ويعرف بهالشي ماعرف اكو شي بداخلي يمنعني
وجدان:السي الي بداخلج عوفي وسئلي بكر اذا صدك حابج ورايدج خل يجي يخطبج من اهلج
ميسم:ولج استحي شلون اكله هيج
وجدان:مممم ييي هم حقج بنفس الوقت عيب
ميسم:ييي
وجدان:ديله كومي خل ناكل جوعانه
ميسم:يله كومي
مشن البنات وراحن للكافتريا وبهاي اللحظه اجا شخص على ميز البنات وحجه بتكبر وغرور
سامر:احمم
وجدان وميسم بنظره استغراب:خييررر؟؟
سامر:ميسم كومي داحجي وياج
ميسم:نعم
سامر:كلامي ماينعاد واظن سمعتي فيله تعاي وراي
ميسم:خير خير شنو هالتصرف قابل خدامه عندك داده وجاي تحاجيني هيج ونته ماعندك اسلوب شهالاحترام شنو كومي اعرفك تعرفني
سامر:ونتي شبيج هيج دتحجين كتلج تعالي عندي وياج موضوع
ميسم:روح عيني مالي خلك هالسوالف والله
سامر اجا تل ايدها وصاح كللها تعاي
كل الناس الجانت كاعده بالكافتريا نصدمو من تصرفه
وبهاي اللحظه اجا استاذ صكر وجان يشوف سامر شديشوي بميسم هنا تخبل
اجا يصيح
صكر:لك هيييي عوف ايدها شدسوي
سامر:ونته منوو لادخل نفسك بامور متخصك
صكر هدى نفسى واجا يم سامر وحجاها بصوت مسموع
صكر:واذا كتلك الي لازم ايديها تكون خطيبتي
سامر:بصدمه شنوو هاي شوكت صاير هالحجي
صكر:ونته شكووو خيررر اذا ماعفت ايديها هسه اجرم بيك وحق الكعبه
سامر:ديله شوفني عضلاتك ههه ضحكه باستهزاء
صكر:تدلل هذا طلبك انفذه الك بالحرف الواحد
صكر ضرب سامر ببوكس وكعه بالكاع خل خشمه يكت دم
وميسم كل الصار وهيا خايفه لااا تصير عركه جبيره ويدخلون الاستاذه تروح بالطين
ميسم تجر بصكر تكوله
ميسم:لك صكر عفيه عوفه خل يولي كافي عاد
صكر:نتي مالج دخل روحي وجدان اخذيها وروحي
وجدان:امشي ميسم هسه اتصل على اياد
ميسم:لج شون اعوفه مو راح يتأذه
وجدان:ادري ياعيني قابل هوا طفل صغير علمود يتأذه
وجدان جرتها لميسم وطلعو
وجدان اوكفي هنانا بس خل اتصل
اياد:الو هلا حبيبي
وجدان:هلا اياد شونك
اياد:مممم مادام بيها اياد يعني ضايجه
وجدان:اياد تعال للجامعه بسرعه صكر ديتعارك ويا واحد
اياد:بفزعه،شنووو هسه جاي هاي وين
وجدان:بالكافتريا مال صيدله بسرعه
اياد:ييي داقايق وجايج
ندارت وجدان على ميسم دشوفها
ميسم:اني لازمه لو كايمه ويا ولا سوى هيج جان مصار الصار
وجدان:لاا عيني شنو التصرف مالته نتي شفتي احنا وين كاعدين بيا زمن
ميسم:ييي بس شفتي شصار بسببي
وجدان:لاتلومين نفسج هذا هوا هسه تنحل يمعوده شبيج ترا صير هواي
اكلج نكته قسم تضحكين عليها
ميسم:ولج ليش متاكلين وحل هوا اني صايره نكته ميحتاج
وجدان:ههههههه مو داريد اغير عليج الجو شبيج
ميسم:ههههه وكي
_____________________(العركه)____________________
——————————————————————
صكر:وحق الله اذا شفتك بعد تعديت عليها او اجيت تحجي وياها او بس لمحتها لاشوفك نجوم الظهر فاهم
سامر:لك سكط ليش ماتنجب
صكر:عليمن سكط هسه اني اعلمك
الولد يفاككوهم وهوا ولا يمه
صكر مستمر بالضرب اجا علي اياد وصاح
اياد:صكرررررر كافي
صكر:عافه لخاطر اخوو
اجا اياد وكال شكو شصاير صكر حجا لاياد سبب المشكله
اياد:اخوي سامر نحجيها بهدوء ترضى احد يجر ايد اختك هيج
سامر:نزل راسه خجلان تريد الصدك لااا والله مارضاها
اياد:ييي لعد شون ترضاها تمد ايدك على بنت ماتعرفها
سامر:شوف هاي ميسم اني ويااها بنفس القسم والصراحه اني اجيت احاجيها علمود اجي اتقدملها من اول يوم شفتها بي اني انعجبت باخلاقها وثكلها هيه وصديقتها وجدان مافد يوم شفت منهم شي مو زين ونعم الاخلاق والتربيه
اياد:شاف اسم وجدان اجا على لسانه صاررر نار بس لزم اعصابه لان مايرضى اي شخص يجيب اسم حبيبته على لسانه بالاخص الزلم
اياد:كمل كمل
سامر:ييي ومثل ماشفت هيه منطتني مجال واني اعصابي فارت وسويت وياها هيج وربي مجانت عندي غير نيه
صكر:زين نته ماسمعت عنها مخطوبه
اياد باوع علي باستغراب
صكر باوع على اياد وغمزله بدون ما احد ينتبه علي علمود يفهم
صكر رجع يكمل كلامه وكال هااا احجي شبيك سكتتت
سامر:لاااا والله ماسمعت شي عن هالموضوع
صكر:تمام لعد ترا ميسم خطيبتي والي اشوفه تعدى عليها خل يشاهد على روحه تمام
فضت السالفه وسامر تعذر من الولد وكال لصكر
سامر:انهيك خويه خير ماختاريت ونعم المره
صكر:ابتسم رغم عنه مايريد يفشل الولد وكله مشكور
_______
مشو الولد وطلعو من الكافتريا اياد كال
اياد:خل اتصل على وجدان اشوف وينهم لان صوتها وترني وخوفني عليها
صكر:امشي امشي
اياد:الو وجدان
وجدان:هلا اياد ها بشر فضت
هنا ميسم عدلت كعدتها وبقت صافنة على وجدان تريد تعرف شصار؟؟
اياد:نتو وين
وجدان:بالمكان المعتاد الي تعرفه
اياد:تمام هياتنا جايييكم
وجدان:وكي منتظريكم
سدت الخط
ميسم:هااا
وجدان:وجعاااا شبيج هياتهم اجو
ميسم:بكلبج عوبه تمام
وجدان:يله نطيني بقشيش
ميسم:ليش بويه شسويتيلي وانطيج فلوس قصدي بقشيش
وجدان:كبررر مو كتلج اجو لازم تنطي فلوس زركه يله
ميسم:عندي ربع ترديها لولااا لان الباقي كلهن على كولت اختي حمرات وخضرات ماعندي زركات بس الربع ترديها
وجدان:خرب بحظي لو كايله اريد خضره احسن لااا عوفيها الج طاحظج
ميسم:وحظج عمري
________
اجو الولد والبنات كاعدات يحجن
اياد:اكو مكان نكعد وياكم لو لااا
ميسم ووجدان:هلااا
وجدان: ييي اكو باوعت على ميسم اكول ميسم كومي منا خلي اياد يكعد
ميسم:نصدمت من وجدان وكلتلها ليش الا اني اكوم متكومين نتي
وجدان:يله كومي لسانج هلطول اكلتيني وشبعتي يله
ميسم:طاحظي على هيج صديقه يابه كمت
اياد:يضحك لااا يمعوده كعدي هسه صكر يجيبلنا كراسي
صكر:باوع علي وكال وليش متروح نته شنو فوك راسك ريشه بطرران والله
اياد:لك كل خره امشي جيبلي كرسي يله
صكر:اخويه بعد ماكدر افشر عليك رايح امري لله
جاب صكر الكراسي وكعدو
اياد:ييي شونكم بنات
وجدان:بخير نته شونك
اياد:الحمدلله زين من شفت عيونج
وجدان:خجلت وابتسمت بوجهه
ميسم:اها كلبوها روميو وجوليت هلووو ترا احنا هناا
وجدان:وجعع
صكر:ميسم
ميسم:هااا
صكر:وووجع شبيج
ميسم:الي يوجعك شبيك نته
صكر:ولج شو طولان لسانج يرادله كص
ميسم:شحدك تطخني اكسرك والله
صكر:أييي مبين جان كسرتي سامر الي لزمج
ميسم:خجلت وتفشلت نزلت راسها
وجدان:اكول استاذ صكر ترا ماسمحلك تحاجي صديقتي بهالطريقه نته لو جنت مكانها جان حسيت بالخوف الي بكلبها
صكر:اظن ماكلت وجدان احجي
اياد:صكررر حدك ولي هنا البنات مامسويلك شي لااا تحاجيهم بهالطريقه
ونته تعرف هالنماذج مثل سامر مارا علينا هواي
صكر:ييي تمام
سكتو الجماعه جان تحجي ميسم
ميسم:اترخص اني
وجدان:وين
ميسم:اروح حبيبي تصلت على بابا راح يجيني
وجدان:تمام عمري
صكر:عود هيج زعلتي
ميسم:باوعتله بنظره😒
ميسم:يله باي
مشت ميسم وراحت وعافتهم
صكر:استغفرالله بس كولولي هاي شبيها طنكرت
وجدان:ييي حقها نته شفت نفسك شسويت طريقة كلامك تنفر الواحد
اياد:ييي صحيح كلام وجدان
صكر:يعني طلعت اني العايل مووو تمام هسه اشوفها منو صكر
كام صكر ومشى اياد صاحه ومفاد
اياد:وربي هذا اخويه حيخبلني
وجدان:يله حبييبي شسوي غير اخوك
اياد:هوا هذا المصبرني
كعدو يحجون العاشكين
اياد:وجدان كافي عاد مو طك كلبي عليج ايمت اشوفج يمي وبيبتي ومن افوت للبيت تستقبليني بضحكتج الحلوه
وجدان:ابتسمت وكالت قابل اني اجيت اخطبك
اياد:تقرب عليها ولزم ايدها وكللها يعني نتي موافقه
وجدان:ضحكت وكالت مممم
اياد:اووووف ربي واخيرااً لج مامصدك عود يعني راح نزوج يعني راح صيرين الي اففف الحمدلله ربي
وجدان:هههههه شبيك اياد هلكد متحمس
اياد:ولج شون مااتحمس وحلم عمري راح يتحقق
وجدان ضحكت
____________________________________
صكر ديمشي لمحها لميسم دتاخذ ملازم من وحده
راح عليها وكللها ميسم ممكن تجين شوي
ميسم ترخصت من البنيه وكلتله
ميسم:تفصل احجي
صكر:مو هنا تعاي وياي بالسياره
ميسم:تحلم عندك كلام احجي هنانا
صكر:اللهم صبرج ياروح بس امشي وياي
ميسم:وكي اجي بس مو للسياره
صكر:ييي يله تعاي نروح للحديقة
ميسم:يله
راحووو للحديقه
——————
صكر:ميسم تعرفنيني شكد احبج والكلام الي كتلج علي ترا مو من كلبي قسم والله
ميسم:عادي مصار شي تعودت على طبعك هذا اني اسمع ونته تحجي شتتتوقع مني بعد
صكر:لج لاتصيرين هيج بادره احجي رزليني تعصبي ليش هيج وجهج
ترا من اشوفج هيج اتعب اني
ميسم:يعني بربك قابل الصار بيه اليوم قليل تفشلت كدام البنات والولد يسوى عمري الشي الصار
صكر:وربج تعرفين اليوم ردت اجرم بهذا