حب وكبرياء

بارت الثالث عشر

ميسم:لج هاي نرجس
وجدان:شنووووو وينها
ميسم:لج ذيج دتفوت للمول
وجدان:عيععع كبر والله لعد ماروح غيرو المكان
ميسم:بربج دمشي امشي
وجدان:دطيري يمعوده هو ذاك النهار بالكوه سلمت عليها ترديني هسه
اروح وافوت بالمكان الي هيا بي مستحيل ليش ناسيه شسوت بينه تردين اذكرج انو هيا سبب المشكله الي صارت بالكافتريا هيا السبب هيا الي دزت سامر عليج
ميسم:شنوو زين هيا زين نتي منو كلج
وجدان:بيوم الي غبتي بي اجت عليه وكالت ياا صديقتج ماموجوده خل اكعد اني كعدت تحجيلي
نرجس:ولج وجدان اريد اكلج شي بس لاتكولين لاحد
وجدان:احجي
نرجس:تعرفين سامر الي صارت مشكله بسببه بالكافتريا
وجدان:ييي
نرجس:تردين الصراحه اني الي خليته يسووي هيج
وجدان:دقيقه دقيقه فهميني شوي شوي
نرجس:ييي اني خليت سامر يروح على ميسم ويكوللها هيج ويسوي هيج لان الصراحه مااحبها واصلاً اني ردت اشوه سمعتها لان متستاهل تعرفين ليش اغار منها لان الاساتذه يحبوها ويحبوج ونتي على الطريق بس شفتج انتي طيبه وكلت لاا ماسويلج شي بس ذيج لاا وبعد كم يوم راح يصير شي صدك يخليها تبجي دم وتره مو بس ميسم الي سويت بيها هيج هواي بنات قبلها ووحده منهم اهلها تبرو منها بوكتها ارتاحيت لان اخذت حقي بيدي
وجدان:مصدومه من الكلام كامت وكالتلها شهالحقاره الي بيج شهالنذاله هم اكو بشر مثلج لج بابا تره الدنيا دواره مثل ماسويتي بيها هيج باجر هم الله يسوي بيج الله يهمل ولايمهل ولا حسبالج نتي كبرتي بعيني بسوايتج هاي لاا وحق الله وشايفه عملتج هاي راح اوصلها للعميد وعود كولي وجدان مكالت
نرجس:ههههه شبيج نفعلتي هلكد تره اني شوي حجيتلج لو تعرفين الباقي شلون وصدك ماعندج اثبات يكول انو اني متهمه
وجدان:اشششش مااا اسمعلج حرف اتقززز من هيج نماذج مثلج كبررر عود متعلمه ومثقفه وهيج
نرجس:هااا صدك قبل لاتروحين حبيب ميسم خل تودعه تمام
وجدان:خلاص اسكتي ماسمحلج بعد تحجين عليها ومالج دخل بحياتها تمام
مشت وجدان
_____
وجدان دتمشي وجان تتصل على اخوها علي لان عمر عصبي لدرجه
فتخاف تحجيله
وجدان:يمعود رد يله
علي:الو هلا جوجه
وجدان:هلا علوش شلونك
علي:بخير ونتي
وجدان:تمام
علي:عجيبه متصله عليه بيج شي
وجدان:علي عفيه تعال للقسم مالتي
علي:ليش شكو
وجدان:من تجي احجيلك شكو
علي:تمام نتي وين هسه
وجدان:بالحديقه العامه يم مكاني الي تعرفه
علي:تمام مسافة الطريق واني يمج
وجدان:وك انتظرك
_____
بعد مرور مده من الزمن
_____
وجدان:كاعده وميته قهر على صديقتها
علي:ها يحلو تعالي احجيلي
وجدان:هلا حبيبي هسه اكعد واحجيلك
علي:وكعدنه يله
وجدان:شوف قبل فتره صارت مشكله وعركه
علي عقد حواجب :ييي كملي
وجدان:ييي شوف اني وميسم وحجتله السالفه كلها من ال (أ)لحد ال(ي)
علي:يييي وهسه المطلوب مني شنو
وجدان:تجي وياي للعميد لان اخاف وحدي كافي هواي بنات خسرو سمعتهم بسبب قباحتها وكرهها
علي:دللي يله كومي
وجدان:يعني ماعندك اعتراض
علي:لاا اكيد من داشوف شي غلط قابل اسكت علي مستحيل يله كومي قبل لايخلص الدوام
وجدان:يله
_____
وصلو لمكتب العميد علي دك الباب
العميد:تفضل
علي ووجدان:السلام عليكم استاذ
العميد:يااا هلا تفضلو تفضلو
علي:زاد فضلك استاذ
وجدان:تسلم استاذ
العميد:ممم خير يارب وجدان وعلي اول مره تجوني صاير شي
وجدان:استاذ اني جايه بموضوع مهم
العميد:تفضلي بنتي احجيلي
وجدان:استاذ حجتله االسالفه
العميد:بنتي وجدان اني صدكت بكلامج بس الاساتذه شلون راح يصدكون ونتي ماعندج اثبات
وجدان:ومنو كلك ماعندي اثبات استاذ هاك هذا التسجيل واسمعه
___
وجدان من كالت
وجدان:دقيقه دقيقه فهميني شوي شوي
حجت هيج علمود تسجل كل الكلام الي صاير بس متصورت هلكد يطلع من نرجس
____
العميد:والله يابنتي اشكرج على هذا الشي هواي بنات جانو مثلكم نتي وميسم بس للاسف صار حجي عليهم وصدكوهم وطلع كل هذا من نرجس بنتي بعد اسبوع راح تصير كعده بمكتب الاداره اريدج نتي وعلي وميسم موجودين وضروري تجيبين فونج علمود تسمعيهم
وجدان:ان شاءالله استاذ
العميد:ان شاءالله وطبعاً اهل نرجس لازم يكونون موجودين لان بنتهم سوت شي عيب وحرام بحق كل بنت هنانا
وجدان:ان شاءالله استاذ
علي:دلل استاذنه تريد شي قبل لاا نطلع
العميد:لاا بويه ومثل ماكتلكم
علي:ان شاءالله نترخص
العميد:مرخوصين بابا
____
ميسم:يعني كل هذا صاير واني مااعرف ليشش وجدان مكلتيلي
وجدان:ميسم خفت عليج نتي متتحملين هيج شي شلون اكلج
ميسم:بس هذا شي خاص بيه عفيه رجعوني للبيت
وجدان:نجبي تعالي وحضنتها لميسم وكالت ماريد فرحتي تتنغص بسبب هالحقيره اريدج وياي
ميسم:تمام بس مراح افوت لهلمول لان لو شفتها كدامي انتفها بسنوني
ريان:ييي مو هيا دجاجه
ليان:بويه حشا الدجاجه منها هاي عكرب سوده
وجدان:بنات هالشي بيناتنا تمام
البنات:تمام
صعدو السياره وراحو لغير مول سوكو ورجعو
_____
صكر
كاعد واجته رساله مهتملها
ام اياد:يمه بس بقى صكوري حبيبي واخطبله بنت الحلال
صكر:هاا يوم ابقي على اياد بعدله سوالف كومه عوفيني اني
ام اياد:ليش يمه مو اريد اشوف جهالك قبل لاا اموت
صكر:اهوو يوم اول شي العمر الطويل الج ثاني شي لعد جهال علاء شنو وهذا اياد بالطريق ليش الا انيي
علاء:لاا صارو جهالي كخي متريدهم
ام اياد:يبوو الا هذولي الغالين هذوله مايتبدلون جهال الغاليه جنتي
علا:فدوه لكلبج خاله
ام اياد:كم مره كلنا ماكو خاله بس ماما
علا:ههههه دللي ماما
ام اياد:ييي هيج عفيه
مياار:وني وين رحت
ابو اياد:نتي بكلبي حبيبة ابوج
ميار:اووي فدوه اروحلك بابا
اياد وصكر:يقلدون عليها اووي فدوه اروحلك بابا
ميار:اهووو بدو
اياد:😂😂
ميار:نجب
ام اياد:ابو اياد غسق تصلت عليه تكول باجر حتجي
الولد والبنات:صدك
ام اياد:ووجع خرعتوني ييي وتبقى لحد ماتخلص خطبة اياد
ابو اياد:كل الهلا بيها والله مشتاقلها صارلي كومه مشايفها
صكر:ييي البارحه حجيت وياهات وكالتلي حجي
ام اياد:ييي والله بس خطيه متعبها الحمل كلش يوميه بالمستشفى
____
نحجيلكم شوي عن غسق
غسق هيا الاخت المحبوبه عد اخوتها هادئه وحبابه وبنفس الوقت تضحك المهم هيا بغير محافظه بمحافظه البصره
حبها واحد اسمه مصطفى استاذ جامعي درس سنه ببغداد وشافها جان اول سنه اله تدريس شافها وحبها كم مره تقدملها واهل اياد ميقبلون لان بغير محافظه بس هوا جاب كل عشيرتهم ويله قبل ابو اياد
وتزوجو وبعد كم سنه يله حبلت غسق وجانت فرحه الهم وحالياً هيا بشهر ال٦
_____
ابو اياد:هسه لو يمها احنه جان اجت يمنه نداريها
ام اياد:والله ام مصطفى ممقصره وياها خطيه المره مداريتها وتحبها والجناين هم بس تعرف بنتك هيا بنيتها ضعيفه متتحمل فلهذا هيج
ابو اياد:الله يساعدها نتي عزمتيهم موو
ام اياد:ييي شلون لعد بس ام مصطفى تعذرت متكدر تجي تكول مريضه خطيه سكرها والضغط ديعلك عدها بسبب ابنها حارث كلما تخطبله ميقبل تكلي يحب وحده بس متعرف وخايف لاتروح من ايدي وقفل عليها
ابو اياد:خطيه الله يساعدها الله يسهله خوش ولد والله هو واخو ماشفنه منهم الشين بس الزين والله
ام اياد:ييي والله يله اني حروح انام وراي شغل وطلعه للسوك ماما ميار عود كعديني مو تنسين
ميار:ماما انيهم حنام كولي لعلا
ام اياد:ولجج اريد مره اكلج على شي وتكوليلي حاضر ماما طلعين اعذار من جون الكاع بنيتي علا مو تنسين عدنا طلعه
علا:دللي ماما بال٤ونص مو
ام اياد:يييي بنيتي
علا:تمام
____
علا صاحت ميار
علا:ولجج تعاي اكلج
ميار:كولي
علا؛احنه منعرف مرت اخوج بس الاسم تعاي كولي لاياد بلكت يعرف رقمها
ميار:اني عندي رقمها اخذته من ماما ونسيت انطيج ياا وربي بس حجيت وياها شنو ولج وربي ورده مال الله شكد حبابه وتتحط على الجرح يبره ونبي
علا:بعد بعد كملي واني شنو طرطوره يمج ولايوم سمعتيني كلمه حلوه بس غسوقه بعد كلبي نتي كلها نعل وقنادر مكظيتها
ميار:نجبي انتي الغاليه المطيه مالتي ماعندي غيرج
علا:يااطايحة الحظ اني الج
ميار:😂😂😂😂
علا:وجع
____
كلمن راح لغرفته
صكر:ديكلب بالفون وكال خل اشوف الرساله من منو فتح الرساله وقره كلام ميسم وكام يضحك على تفكيرها هيا منتبهت على الكلام الي كتبه هوا بس قرت شنو الي بالرساله
_
صكر:نتي بس نتبهي للكلام المكتوب جوه الصوره وبعدين تعالي احجي هالحجي نتظر وشافها ماردت نام
لان ميسم جانت بالمول ويا وجدان فما ردت علي
___
بالليل ميسم كعدت تحجي لامها شسوت وشنو اشترت
ام ميسم:حبيبتي بالعافيه يوم الج يروحي واشوفج عروس
ميسم:هههه يوم اذا ابويه زياد وين يقبل ازوج عوفيها يمعوده
ام ميسم:حبيبي بس حجي اذا صار الصدك يقبل
ميسم:نشووف ماما نشووف
_____
ميسم صعدت لغرفتها دتفتح بالرسايل وشافت رسالته
ميسم:قرت الكلام وتغير لون وجهها صار اصفر من قرت الكلام
انو كاتب عليها اخيتي الحلوه
وكاتب واخيراً حتشرفنه الاميره بجيتها احبج
عزه اني شكتبت وشكلت صخام بوجهي شكد اتسرع بكلامي ليش منتبهت بس على هالكلمه شبيه اني هفففف ياربي
ميسم:خل اتصل واعتذر منه،تصلت يررن لحد مايفصل
كالت خل اتصل مره ثانيه اخاف مو يم الفون تصلت
صكر:هفف منو هذا الوو مشاف منو المتصل
ميسم:الو هلو صكر
صكر سمع صوتها عدل كعدته وسوه نفسه عود ضايج منها
هلا ميسم
ميسم:شلونك
صكر:بخير خير ليش متصله
ميسم:خيرر بوجهك دسئل شلونج شخبارج مو صوجك صوجي اني
المهم اجيت اعتذر على رسالتي الي دزيتها الك بس كلما اريد ابدي وياك صفحه جديده نته تخربها باسلوبك هذا ويله باي سدته بوجها
صكر:انيهم زودتها وياها خل اتصل عليها بلكت اترد تصل مره ومرتين وماردت بالمره الثالثه ردت
ميسم:هاا صكر شبيك
صكر:احبج
ميسم:شكراً
صكر:ميسم اسف والله ماعرف شنو اسوي بس علمود ارضيج لج تعرفين هالايام الي بدونج شلون حالي مثل الميت
ميسم:ييي مبين من الضحك والونسه والستوريات ويا اصدقائك
صكر:ييي بس بداخلي لااا
ميسم:هسه شرايد مني
صكر:حسئلج سؤال تحبيني
ميسم:هاا
صكر:تحبيني
ميسم:يييي
صكر:شنو اييي تحبيبني كولي احبك
ميسم:كلت ييي ميحتاج اكول احبك
صكر:ههههه بس كلتيها اني هم احبج
ميسم:عززه كلتها والله
صكر:ديله هسه مشتاقلج والله
ميسم:شكراً
صكر:نتي حكظيها شكراً ويسلمو دروحي خاب اروح اكمل نومتي اخيرلي
ميسم:لعد لاتكولي احبج بعد مادام تروح تنا وتعوفني
صكر:والله مانام حبقى احاجيج
ميسم:ههههه ييي عفيه
صكر:اروح فدوه للضحكه
ميسم:💜💜اوي يسلمو
صكر:شكلنه ماكو شكراً ويسلمو
ميسم:😂😂تمام اسفه بالغلط
____
مشت الايام واجه يوم الي تجي بي غسق
ام اياد:ولكم يله كملن راح يجون
ميار:ماما شبيج مكبره الموضوع لو اني مزوجه واريد اجيج متسويلي هيج وتنحبصين
ام اياد:لج عوبه ولي يله قابل بس اختج اخو مصطفى وحمزه وبلال باقي يم الحجيه هوا ومرته يكولون منكدر انعوفها بالعرس نجي عود والجناين
ميار:همزين ماعدهم جهال بس  واحد لان جهال علاء كافيين
علا:حهفج بالجفجير هسه ولي ولج
ام اياد:والله يمه تسوين فضل وعلى لسانها بلكت تبطل حجي
ميار:والله ماساعدكم دروحو اروح اكمل كشختي احسن
علا:ديله علساس مشرمتها وجودج وعدمج مثل الشي
ميار:😒😒😒 وجععع
علا:يوجعج يله روحي
ميار:رايحه
راحت تبدل ملابسها
وكالت يبوو حيجي حارث ونبي استحي منه شلون اريد اسلم علي هفففف
ام اياد:كملت كل شي وكالت لعلا بنيتي روحي بدلي كافي اني حكمل الي بايدج يله مبقى بس ساعه ويوصلون
علا:بس خاله بقت بس احط الحشوه فوكاها
ام اياد:يمه هسه شكلت اني روحي اني اكمل
علا:تمام ماما تسلمين باستها من راسها وراحت
ام اياد:رضايت الله عليج بنيتي
____
بدلو وكملو وبقى ربع ساعه
تصلت ميار على غسق
غسق:الوو هلا ميمي
ميار:هلا حياتي وينكم شو تاخرتو
غسق:والله حبيبي بعد مفتنه للمنطقه مالتنه هيج فد ربع ساعه واحنه يمكم
ميار:مممم تمام حبيبي توصلون بالسلامه
غسق:يسلمج يروحي
سدته
مصطفى:هاي ميار العوبه
غسق:هههه ييي هيا
مصطفى:شبيها
غسق:تسئل تكول ايمت توصلون
مصطفى:هاا بيانها ملت من الانتظار
غسق:متعرفها شلون عجوله
حارث جان كاعد لي كدام هوا ومصطفى
وغسق وره
حارث:كاعد ويسمع كلامهم وهوا باله بغير عالم
____
ام وجدان:كاعدين على الريوك وكالت
اليوم حتجي بنت ام اياد الجبيره