الحلقه 37❤️
سلاف:: خشيت سلمت وكانت نورا عسسل رحبت بيا وصلت في هاجر سلمت سلام طبيعي ونفس الشي ترحيب. بحتت في وتطمنت حسيت الموضوع جدي وصح خطبه ليا
خشت امل بالعصير. هنا كانت الصدمه ليا
نورا:: حطي السفره وتعالي قعمزي جنبي هن
توا ياكريمه انتي خديتي ريما. لاحمد وقعدتي امها وخالتها وصدق من قال الخاله ام
كريمه:: اكيد وكوثر خدت رحمه لعبدالرحمن ولدها وقعدت وصدق من قال الخاله ام هههههه
نورا ::خلاص وانا توا نبي ماخد منك اموله لوليدي زياد.
زياد انتي عاد تعرفيه والعيال عاشروه وعارفينه كويس
كوثر:: ماشاءالله. عليه وربي يحفظه لكم.
كريمه:: ياخيه فاجأتيني مش عارفه شن نقولك.
هاجر؛:شن بتقولي ياابلة كريمه غير انك تشوفي راي العروس
سلاف:: الحديث كان قدامي حسيت زي الميه الساخنه انكبت عليا
جمدت في مكاني.
رشا:: الموقف قدامي وقعدت نراجي في ردة فعلها.
هاجر:: ها اموله. تقعدي مرت خويا
امل::اسكتي.
نورا:: ريتي تحشمت ووجها انحمر هههههه لا خلاص السكوت علامة الرضا
والحاج اصر يطلبها من الحاج علي. قبل يمشي لخوالها
كريمه::الحاج علي بوها واللي يقوله حاضر
رحمه::كنت مش قاعده عندي عياده خشيت. علي صوت زغروته. توقعت ريما جايه. خشيت
لقيتهم مقعمزين وجو. وجوه مبتسمه
رحمه: فرحوني معاكم. كنكم
سلاف:: باركي لاموله انخطبت خطبها خو هاجر
مبروك اموله
امل:: الله يبارك فيك
رحمه:: كيف علي طول هكي. نباركو. ههههه خطبه. غريبه يعني
هاجر:: تي. خطبه سريعه وزياد يبي الفرح قبل العيد يعني سرعو ارواحكم
سلاف: تلحق ان شاءالله. وبحتت في هاجر وانا حابسه دموعي.
مبروك علي خوك وربي يهنيهم
هاجر؛:الله يبارك فيك عقبالك. تاخديه ليبي
سلاف:: ههههههه اكيد ليبي وولد بلاد. صح ولالا ياماما كوثر. هاجر. دايرتني اني مش ليبيه واني غريبه عليكم
كوثر:: لالا سوفي عمها يبي. يجوزهاوتطلع من حوش هذ. زي البنات. ويجوها العرس كله يمسكو فيا يبوها شي جيران شي اقارب. وشكله قريب حتي هي نفرح بيها
