الحلقة 16❤️
ريما::بابااااا
كوثر::ياحاج. بسم الله اسند عليا.
مراد:: ريما ولعي السياره بسرعه. وانت
عبدو ارفع مع كرعيه. بسم الله
عبدو:: امسكه مع وسطه يااشرف.
عبدو:: بطلن عياط. وخشن جوا
طاح عليا وحاط يده علي قلبه ويديه يرعشن وعرقان ولون وجه تغير. . رفعناه وطلعنا به طلعن صبايا ورانا يتعايطن قعدت نخشش فيهن ونسكت فيهن التمو رجاله الشارع وكلهم مفجوعين
باتي محبوب في الشارع والكل يعزه
ريما:: طاح علينا وبسرعه سعفوه مقدرتش نمسك روحي انا وماما قعدنا عياط
رحمه:: ريما اهدي. ويا خويله شدي روحك. جنان. خشن جوا خير ان شاءالله يروح طيب
رحاب::دارن شهدره وعياط. قعدت نسكت فيهن
ياعميمه اهدي وادعي يروح طيب بطلن. شن هل الفال الشين.
بدن يلتمن الجارات يخشن.
رحمه:: ربي يشفيه. يناعليا يوجع منظره
رحاب:: رحمه كلمي عمتك. يسألن عليها الصبايا وبعدين قولي خير ما تفصل عليك
~<~>~
عبدو:: شن يادكتور
الدكتور:: للاسف الواضح ذبحه صدريه حاليا هوا تحت الملاحظه
ووضعه مستقر. بس في حتي ارتفاع شوي في السكر نخفضوه له والصبح ان شاءالله. يكون احسن
عبدو:: الدكتور يحكي وانا نبحت في اشرف ومراد مصدوم مش قادر نحكي لساني ارتبط.
مراد: ذبحه يعني خطيره يادكتور.
الدكتور::لا ان شاءالله خير. الصبح كل شي يبان. انتم توا روحو وهوا في الملاحظه وتطمنو وضعه مستقر
~<|<~<|
ريهام:: جلال ماما ملت منا تبي تروح
جلال:: معقوله ياعمتي. تي مونستينا وفرحانين بيك. مفش مرواح. تي تعودت علي اكلك
حليمه::خلاص عاد عبدو حتي هو يرن عليا روحي الحوش مظلم بلاك ورحمه حتي هي قالت كسدت ويبوني.
ريهام::راضيه علي رحمه كيف صار
حليمه:: انا مانكرهها بس هي. تدير في طروح
جلال:: بحتت في ريهام ودرتلها بحواجبي
ريهام::فطنتله درتله بلساني لالا
حليمه:: هومي شوفيلي عمتك ننزل نكسد معاها شوي. عيب لي يومين مشفتهاش
ريهام::حاضر. هي.
كلمتها وقالت قولي. لامك تنزل عندها جارتها.
حليمه:: انزلي معاي. عيب
