الحلقه 78❤️
زياذ:: اوووي مدام. خلاص تحنيط عند نورا. شمري علي ذرعانك وخشي مطبخك ابدي طيبي
سلاف: يي زياد مزال بدري عليا. وبعدين هي فرحانه بينا وجو العيله حلو. ليش نخلوهم مهبيين بروحهم. خلينا معاهم
زياذ::بس انا نبي فوق نبي الاستقرار.
سلاف:: شن فيها من عدم استقرار
بالعكس احلي هذا وقت الجمعه والهدرزه هوا الغداء
زمان بابا كان يقول. نبيش نشوفكم طول اليوم عادي. بس الغداء
لازم السفره متجمعين
ويحبش ياكل وجو هادي لالا يحب نحكو ونتنابشو. وقت السفره يقعد يرضي فينا وينابش
مرات يخلق هوا العركه بيني انا ومرام ويقعد يضحك علينا
زياذ اللمه حلوه.
زياذ:: الله يرحمه ويغفرله
خلاص حاضر من عيوني. بس بشرط تبدي تخشي للمطبخ
نبي نذوق اكلك. خلاص عاد حتي مش حلوه راهي انتي مقعمزه جنبها وهي اطيب. عيب
سلاف: حاضر. نحاول بس تحلف تبيش تخليني تقولي هدرزي جنبي بس
ولا نجيها. تقولي زياد قرب يجي عدي اركبي ابرمي علي روحك
زياذ: شهادة حق مرا مش عاديه. وقدرت تكسب العيله حتي هل امي. مانقطعوش علينا في فرحي سيبتلهن دار امي وتشاور فيهن لما جيت بناخد الطقم. قالت ناخدو خالتك. وجدتي فرحت. بيها حركتها. وشفتيها ماشيه جايع عليا كلم خلاتك وحنك يصورن معاك
سلاف::نجيها بس تحس باتك هك يعني ظالم شوي
زياد: امي. صح
هي لما جت عارفه. وحكتلها لميس علي علاقة باتي بامي
وهي رضت. وانا نحسه مش مقصر. بالعكس محترمها. لولا بس. تحكم البنات فيه
سلاف::ايواه هذا اللي نبي نقوله.
امبدري نحكي معاها قتلها نورا شن رايك نديرو جو. نكسدو نغيرو اماكن الاثاث نفاجؤ عمو وزياد
قالت لا تنسيق المرحومه. مليش حق نغيره
قتلها كيف هذا حوشك
قالت لالا البنات يزعلن مره بس. جربت نغير صالون المعيشه زعلن وهزبن
قتلها متخليكش طيبه لين سماطه هذا حوشك وحقك
زياد:: قعمزت. فنصت فيها وانتي شن دخلك. تحكي معاها هكي. مدخلكش فكينا من جو الفتن والمشاكل
سلاف: فتن شنو كنك انا بس. وجعتني المرا طيبه بكككل. وحقها. ليش الانانيه كل وحده في حوش خاص وتغير وتشقلب فيه وهي مسكينه. حتي براد الشاهي باتك مايشرب الا في. اللي شراته المرحومه. مش ظلم الحكايه وانا نعرفش نشوف ظلم ونسكت
