الحلقه 90 الاخيره
الجــزء الاول ❤️
رانيا:: خير عبدو
عبدو:. خير خير. حسيت روحي. حاجه غمت عليا زي الجنيه شيطانه قدامي. خديت الميه وبرمت
رانيا:: كيف حالك عبدالرحمن
عبدو: ضعط علي الشيشه. باحسن احوالي الحمدالله.
رانيا::: زي ماانت متغيرتش. مزلت نفس الملامح بس ناقص واجد
عبدو:: لا تغيرت. ووواجد. واجد بككككل اخري. شكلا وطبعا وادراكاااا للحياة والناس
رانيا: فهمت تلميحه غمضت عيوني ومسكت دمعتي
كيف حال رحمه
عبدو:: برا ترن علي اسيل وينها البنت مش معاك
رانيا:جوا خليتها مع عيال خالها تلعب وطلعت ناخد في نواقص للحوش
عبدو::شنووو. عيال خالها هذي بدايتها اهمال البنت
امشي بسرعه طلعيلي بنتي
طلعت من المحل بخطوات سريعه وقعدت نخبط علي الباب
رحمه:: انا مسكت التلفون نرن علي اسيل شفته. طالع بطريقه غريبه يدق وهي تجري وراه.
فتحت السياره ونزلت.
عبدو::اسمعي هن بنتي ماتقعدش مع ناس غرباء سمعتي. اخر. مره. نجيبها للخرابه هذي
رانيا؛: غرباء شنو عبدالرحمن هذوما عيال خويا . وانا اللي نخاف عليها بنتي من اي حد من غير ماتوصي
عبدو:: لا غربااااء. عندي انا والبنت قاعد نحاول نربي فيها بطريقه. كويسه. جو الانفتاح امتاعك وفي النهايه. تقعدلي جو طب الجره علي فمها. وتطلع ساقطه كيفك. هذا مستحيل نسمح يصير. غلطتي زمان. بارتباطي بيك. نبيهاش تتكرر في بنتي.
رانيا::اسسسسكت اسسسكت الناس تسمع الجيران. يلتمو حرام عليك ربك يغفر ويرحم. تجي انت تمسك عليا غلطه درتها ايام طياش طول العمر. ربك قال استر اخيك المسلم. وانت جاي تفضحني في منطقتي
رحمه: عبدو مش هكي. اسسكت
عبدو:: نسكت شنو. تي هذي اللي خربت حوشك وعيشاتك. ايام سوده
رحمه:: هي في النهايه مرا. وتجوزت. مجتش قالتلك تعال خودني انت اللي حفيت وراها وانت اللي عيشتني ايام سود. بسبب شعورك وقتها وحبك لها . وانا سامحت عيب اللي قاعد ادير فيه. عيب هرجتك واسلوبك والفضايح
اسيل:: بابا كنك. صوتك عالي.
وماما رانيا كنك تبكي
رانيا:: شي حبيبتي. بس بابا جاي ياخدك. خلاص عدي اركبي السياره
عبدو::مسكتها ومشيت بيها للسياره
رحمه:رانيا معلش. هوا هك حتي مع موده. و
رانيا:: لا بنتي غير. بس يارحمه انا تبت لربي. وتزوجت والدنيا عاقبتني وربي خدا حقه شوفيني بعيلين. ارمله. وفلوس زوجي انسرقن كلهن. نعاني في عيل وبنت. مساكين. انظلمو وضعهم اصعب من ظروف وحياة اسيل
