الحلقه 83 ❤️
سلاف:: شفت يابابا جدو دارلتوفي اسبوع سمح
زياذ:: خشيت جنبها.
امالا شنو. حتي هوا. عبداللطيف حبيب الكل
سلاف: جو اصحابك كلهم.
زياذ: اها عبو الخيمه
سلاف:: ومن اقاربي
زياد: اها جو. عيال. عمك كلهم. وعيال عمتك. ونسابت عمك
يعني تهيابلي محد غاب
وانتي.
سلاف؛: حتي انا اقارب بابا كلهم جو
وجن خالاتك وجديدتك العسسل.
شوف شن هدتني خاتم سمح
زياد:: نعرف يهدو البيبي مش الام
سلاف: اه قالت انا مقتنعه نهدي الام اللي تعبت وحطت عليه فلوس
زياد:: جنكرهدايا واجد
سلاف؛: اها توا نجيبهن لك
احححح
زياذ:: تحسي في حاجه
سلاف:: الخياطه واعره.
زياد: خليك تريحي
سلاف: صبيت. خديت الكيس
وطرطشته علي الفراش
زياد:اوباا هذا كله فلوس وهدايا
سلاف:: اها
زياد::الخلال هذا من من كبير. ماشاءالله
سلاف:: ماما كوثر
زياد:: وهذي سمحه كبيره
سلاف::ماما حلومه
زياذ: وهذا. سمح
سلاف::من امل.
زياد::عجبني راجلها اجتماعي. وجا تعشا وهدرز مع الشباب طول
سلاف::اها حتي هي واضح متريحه.
نابشتها. قتلها الله الله تذكري. زمان مفروض انتي مكاني
زياد:: لاه. ليش السماطه عيب وكلام مش وقته
سلاف::تي بالجو بينا.
ردت عليا.
ياحنه بالي ماني مكانك. خديت اللي اسمح منه
زياد:: لاه وشن رديتي حضرتك
سلاف: قتلها راجلي صقع عليك سمح ياجربه
زياد:هههههه
سلاف::لا بجد. هدرزنا بضحك وجو. حلو
وقالتلي. هذا نصيبك. من الاول. يعامل فيا كاخت. كله من السوسه هذ. علي هاجر.
زياد:: هههههه وهاجرشن قالت
سلاف: هزبتني انا وياها. سكتنا. تخوف اختك.
زياد:ههههههههه. وعند عربها دجاااااجه.
قادره غير عليك. يا مضحكه
سلاف:: ايوا اشحني انت ونعدي ندير مشكله ونطلع بسواده الوج
زياذ؛: نبيك تقوي روحك شنو تخافي من بنت كيفك
سلاف:: طبع غبي. عندي
زياد:: نعست انا. صبيت طفيت الضي
سلاف:: ناعسه حتي انا بكككل
زياد:: افطنيله بس. راك تغميه. حطي في فراشه. خير.
سلاف: زعمك.
هي علي قولتك نخاف انوشه وانا منندريش
حطيته في فراشه وبرمت. حبيته علي خده
تصبح علي خير
زياد: ولكي مثلها تعبان مش قادر انبوس هههه
سلاف::هههههه سامط.
~<~>~
زياذ:: اوووف سوفي سلاف.
سلاف::همم
زيلد::العيل يعيط شوفيه
سلاف:: اه يعيط. نطيت من امتي حي عليا
زياذ: مش عارف. سكتيه تعبان
سلاف::هي اكيد يبي يرضع
رضعته.
زياذ::اووووف سكتيه
سلاف::كنك تعيط طفل. شن بنديرله هذا بدا ما تنشغل عليه وتشوف كنه
زياد:: برمت. هاتي.
بلكي يبي تغيير
سلاف:: زعمك
جبت وغيرتله. مزال يعيط
زياد: قعدت نهز به سكت
يبي هز المجرم
حطيته. اسسس
سلاف: اسسس تمام. تمددت وناض اخري
زياد:: عليك قصه بنرقد انا ورايا عمل
سلاف::وانا تعبانه ليا كم يوم منرقدش
زياد:: باهي علي الاقل بتردي ترقدي مش انا نطلع ونمشي للدوشه
سلاف:.ياالله اسسس ياماما. خلاص عاد. اهدا شويه
زياد:: يفهم فيك. علي اساس تي رضعيه
سلاف::راضع يبيش.
زياد:: اهي طلع صوتنا الكلب.
من
صوفيا ::انا عطوني تيفو
زياد:: صبيت فتحت. تعبنا
صوفيا: ممكن ممغوص. هاته
سلاف:: جنبك ماما صعب عليك
صوفيا:: انا اللي بعرف كيف اسكته مثل ما سكتت امو. العياطه زمان
زياد:: قوليلي طالع لامه
سلاف: خزي ماما تحكيش قدامه هذا. يمسكها عليا
زياد: معروفه عياطه من يومك
صوفيا:هههههه يلا نامي ساعتين خلي معي
زياد:صكرت الدار
ااه عليك جو. هادي.
سلاف:: مش غير ميته نوم
زياد؛:صار بكايه طلعتي
سلاف:: وعلي اساس انت كنت هادي.
زياد:: امي كانت تقول الوحيد اللي متعبنيش زياد يعني ولدك طالعلك.
سلاف:: يلا توا يعقل. ههههههه
زياد::هههههه. ااااه. نااااااعسسسس
سلاف: اشر منك. نلحق نرقد قبل ماما تمل منه
زياد: يي بسرعه ههههه
تصبحي علي خير.
سلاف::قربت منه حبيته علي خده وانت من اهله حبيبي
زياذ::ولكي مثلها. بس تعبان مش قادر نبوس
سلاف::ههههههههه هبل خلاص وصلت
|>~>~
لميس:: احميده تكي خود فطور علي عندهم رحله بكرا
محمد: درست علي محل خود انزل اشري بس بسرعه مطولش
لميس: شوف منظره وهوا يمشي عسسسل. حنطوشه.
محمد:: زي باته قصيرون هكي كنت انا زمان
لميس::اها ديوا في فصله طشه تقول روضه
مخمد::بس عقله اكبر من عمره تحسيه عاقل
لنيس::يقلد فيك ووواجد افطن راك قدوته
محمد:: ربي يقدرني ونكون قد المسؤوليه
شنو لارا نوووووم والليل لعب.
لميس:: بككككككل. مزعجه
محمد:: ليونه شن جو الحفله
لين: رقصيت
محمد::شنو
لميس::هههههه قصدها رقصت.
محمد:نعم معقوله ترقصي عيب عنديش بنات انا ارقصو
لين:: حتي سولي ودودو اقصو
محمد::وماما ارقصت
لين:لالا ماما تاكل وخلاص
لميس::باهي باه ياكلبه
محمد::ههههههه صدقت فيك رايحه بكل وكاله
لميس؛:ماشاءالله وصحتين قول
محمد::صحتين بس الجسم ياسمحه
لميس::نرضع انا نجوع
محمد:: فطنتلك امس الساعه ثلاثه في الليل
سندوتش دحي يامفتريه
لميس:: ههههه تعرف وانا نرضع هك نقعد تقول نتوحم انوض الليل نتشها وناكل
محمد:: ياستي صحه
تي طول العيل
لميس:: اها توا نرن عليه
محمد: برمت امسيبه هنا الغبي
توا ننزل نكلمه
خشيت كان مصبي ورا الرف ويبحت بالسرقه
شن ادير هنا. طولت
ديوا:: ماما وعيالها شوف تشريلهم
محمذ:كانت اميرع وراجلها وعيالها اثنين
اوووف خززي
تعالي حبيبي
تعمدت. نمشي به قدامها
اميره::علأ حبيبي خير ياماما
ديوا: خير.
مخمد: خلاص حبيبي اطلع لماما في السياره
معلش استاذ سامحني في الكلمتين اللي بنقولهن
بس بجد انتي وخده بدون قلب ومفكش خير. معقوله معاملتك لعلي. معقوله مدوريش فيه الا في المناسبات
العيل توا حابس دمعته من اللي شافه ترفعي وادلعي في خوته وهوا مش مدورتيه.
زوجها :معلش محمد بس انتم كنتم مسافرين.
والمسكينه مرايفه عليه بس انت خديته ومشيت بدون ماتاخد اذنها
محمد::هي قالتلك هك. تي انا متحركنش من البلاد. بس هذا وخده من طروح اميره الرياء والزيف في المشاعر
عشان متقولش عليها. مفهاش خير.
اميره. تكره علي.
اميره::علأ ولدي. وملكش حق تحكم عليا وتتفلسف. كله منك انت ومراتك اللي تنكرو فيه عليا
محمد:: مراتي اكثر حد يبيه يتعلم الحن والموده
بس انتي فعلا تكرهي علي. حقدك علي جده وعيلة الحاج علي حطيتيه في علي
نصيحه لوجه الله
حرام تزرعي الجفاء في قلبه. وتخسري بره
معلش سامحني. بس شفت ولدي بمنظر. يقطع القلب.
زوجها :: عذرك معاك وبجد مكنتش نخسابكم في بنغازي
وعليوا انا اللي نجي ناخده.
اميره: طول عمرك امتاع دموع وطروح.
محمد:احترمي نفسك واحتراما للراجل اللي معاك انا نمشيها.
مشيت ورديت عليها اه. اسمه علي
علأ. هذي نوع من استفزازك له لانه يكرهه وانتي عارفه كويس
طلعت وسيبتها
لنيس:: شفت علي جاي يجري فتح السياره وركب
حبيبي كنك. ديوا ماما كنك وين بابا
ديوا:مصبي مع اميره
لميس:: اميره.
محمد:: قعمزت ولعت السياره
لنيس:: عليش مصبي معاها
محمد::مش وقت دوا اسكتي
لميس: ليش مش وقتها وحضرتك لك ساعه تهدرز معاها
محمد::لميس وراس امك تسككككي.
لميس:: اسكتي. شنو. هذي
نعرف كنت تهدرز مع الحقيره هذك ونسكت
محمد: اعوذ بالله من الشيطان الرجيم عيب امه تقولي عليها هك
لميس: اوووووف. وجعاتك. فيها صاخ
محمد:: لميس صلي علي النبي وانزلي فوق نحكو
لميس::عليه الصلاة والسلام نزلت خبطت الباب
محمد:: طلعت وراها
خود اختك وامسك عدي للدكان هذا خود اللي تبيه. اللي تبيه خوده. اصرفهن كلهن باهي
ديوا:: واجد.
محمد: اشري حتي لاصحابك. اعزمهم انت علي الفطور
ديوا:: بااااه
مخمد:: اااه ركبت
لميس:: قعدت نبرم نراجي فيه
محمد: ممكن تهدي وتسمعيني.
لميس: هاديه انا يلا احكي
محمذ:: ههههه. لا مش هاديه شوفي سنونك. كيف ضاغطه عليهن
لنيس؛:هاه رخيت. احكي
محمد:: تعالي.
مسكتها وقعمزت
انا لما طول وخشيت للمحل شفته. ............
وهذا اللي صار. يعني كاذبه علي زوجها انه نحن مسافرين
لميس:: حبيته علي خده
اسف. معلش نار الغيره شعلت
محمد::ركزي في روحك مره ثانيه
لميس:.حاضر
بس بجد. حقيره يابرودها ياقلبها. وووه في ام هك. نشوف في المسلسلات. نقول لا. اوفر تمثيل بس طح سعدهن طلع واقع في امهات مصلحجيات هك
محمد: بالزبط
ميسو. العيل مخنوق مبكش. حاسه. ماسك روحه
لميس:. يبي روحه كبير ومايحبش يبكي
محمد::عطيته فلوس يمشي ياخد
توا بعد يركب هدرزي معاه وخليه يفضفض نبيه يبكي. الموقف اللي شفته فيه لازم يبكي
اهو صوته ركب
لميس:: شن شريتو
ديوا:: شكولاطات ولين بكل يابابا. تدلع. تزن
محمد: خليها تبي طريحه شكلها
ديوا:: بكل. دلوعه
لميس : هي خشو غيرو ونظفو اسنانكم وعلي فراشاتكم
><~>
محمد:: خشيت للدار نراجي فيها تحكي معاه
لميس:: رقدت
محمد::لالا ها شنو. حكالك
لميس:: خشيت جنبه في الفراش
اها واجعته روحه وزعلان. قالي هي متحبش تقول عندها عيل اسمه علي
هي ماتحبنيش وتكره بابا
وقعد يحكي كيف تعامل فيه وهكي
هديته وقتله مهما كان هذي امك. وتحبك. غير زعلانه
قتله معش ادس بكيتك ابكي وعيط عبر علي الشي اللي جاعزك. وعادي الراجل يبكي المهم مانقعدوش داسين زعلتنا
محمد:كلام حلو
باهي توا رقد ومتريح
لميس:اها حضني ورقد
محمذ: تعالي انتي اللي في حضني. ربي يكمل عليك العقل. ويخليك لنا ياالغلا كله
لميس:: حبيته علي صدره. ويخليك لنا ى
بس مره ثانيه معش تهدرز مع اميره وولا تصبي سمعت
محمد:حااااااضر.
باهي بخصوص الاخت. هذي اللي تبحت شن يصير فيها
لميس:: ههههه ناضت
محمد:: فوتيها وخليك معايا
لميس:: هممم شن تبي
محمد:: يااستعباط. شن نبي يعني. نبي السر اللي بينا
لميس:: شن هوا
محمد: برمت عليها
وفتحت بلوزتها هذا السر#######
<>~>>~
دنيا::روحت. بسرعه خشيت . حطيت تورته. علي شكل بطن حامل وبدلة مواليد. معلقه علي الثريا.
وقناة طيور الجنه.
اشرف: خشيت. كانت بطنها منفوخه.
بحتت في الثريا والتورته شنو كنك ههههه
مي. هذا السر يابابا مامي عندها بيبي
اشرف:: دنيا انتي
دنيا:: حطيت يدي في وسطي. حامل
اها اشرف انا حامل الحمدالله العلاج جاب نتيجه
اشرف:: قربت خديت بدلة البيبي. وحبيتها. مبروك ياقلبي ميروك ياعيوني.
قبل بديت نفقد في الامل. وقلت شكله. معش يمشي معايا العلاج
دنيا:.الحمدالله. بس شن رايك في الجو الهبل
اشرف::هههه بجد هبله الله يخرب الفيس اللي بيجننك
دنيا؛:هههههه هذي رحاب. قالت اخلقي جو. وخبريه بطريقه مميزه
اشرف:: اها. وطبعا سرك عند العيال
دنيا:: اها. كنت فرحانه قلتها لهم بس وعدوني ميقولوهاش. لولا اللسان الفالت هذي
اشرف:: نزلت عليهم
مبروك علينا بيجيكم خي ولا خيه
مي بنوته نلعب معاها
عليوه لالا. وليد يقعد صاحبي
اشرف:: تعالو. نديرو. قرعه نشوفو شن يطلع
لو جت علي الوجه هذا يعني بنوته
ولو هذا وليد
ااممم هوبا. وليد
عليوه:هييي
اشرف::امم. هوبا
وليد هههه
مي:.لالا. اخري
اشرف:امممممممم هوباااا.
ههههه وليد ياميوشه
تعالي هنا
دنيا::ههههه كان مشيتها عليها بنت توا تخش تكرس لين ترقد
اشرف:: ييي توا نعدي نراضيهل قصي التورته
ورقديهم. اجواء ياهبله بروحنا مش مع العوازل حبيتها
جبهتها وعديت لمي
~<~<~>
رحمه:: اااح ياعبدو لية ياعبدو لييييه
عبدو:: امسكي روحك يارحمه. مش جو فضايخ. بكككل راهو
رحمه::شن انديرلك بيدي علي اساس
عبدو: غير بطلي عياط. وانتي علي سبلة تكحي ينزل ههههههههه
رحمه:: تتمسخر وتسهوك وانا في حالتي هذي. باهي باه مش ناسيتها لك
عبذو:: ههههه متنسيهاش بس. كلامي صدق
لبست بسرعه. ونزلتها وسيبت العيال راقدين.
حطيتها في السياره. ومشيت.
رحمه؛: ررن علي امك تركب للعيال.
عبدو:: راقده مش وقتك غير الهي في روحك توا
رحمه:: قتلك رن. موده تنوض تخاف. ااااه. اممم
عبدو؛: رنيت علي. ناضت مفجوعه
حلينه::كنك بسم الله
عبدو::لا شي شايل رحمه مريضه للمستشفي. وقلت نقولك تركبي ترقدي مع العيال
حليمه؛: كنها مريضه. ولاده
رحمه:: بينززززززززل. حي علياااا
عبدو: نسيت روحي بكل. عيطت. وفرنت السياره
لالالا ماتنزليششششش. وراسك امك. اربطي كرعيييييك
حليمه: بسم الله كنك. عبدو. كنك. الو الو. الو
رحمه:: ااااااا نززززل. شن اندير كله منك. تتمسخر
عبدو::رميت التلفون وزدت سرعة السياره وقعدت نعيط
ااااا. شن درتي يامقرفه. اعععع
رحمه: امممم. ااااا. احححح. اااااااالعيل. العيل مش وقتك. ارفعه تصرف
عبدو:: ياربي متجوز قطوس انا شنو هذا
درست قدام العيادة ونزلت نجري. نعيط. بيبي. نزل.
فلبينيات بصعوبه فهمن عليا
طلعو. يجرو. وكملو قص المشيمه في سياااارتي
وانا نحرق. يشوفني حد من. معارفي وفعلا. شفت صاحب
الشاب:: اووووو عبدالرحمن. كنك. لاباس
كنهم متجمعين عند سيارتك
عبدو:: بحتت في السياره لا هذي مش سيارتي انا جاي زياره هنا لصاحب
الشاب:. هههههه اوووكي. تنادي عليك. السستر. من سيارتك. ومبروك ماجد عليك. ههههههه
عبدو:: عضيت صبعي اخخخخخخ
نعم. كنك حبكت تنادي يعني
الممرضه :: خلاص بيبي. وماما اركب فوق. انت جيب دبش بيبي
عبدر:: امشي قدامي
رحمه:: نتعصر مزالت الليه مستمره.
خدوني ببريلا. وكملو. شغلهم
عبدو:: روحت. الفجر. خششت السياره وقعدت انظف فيها
حاج:.اصبحنا واصبح الملك لله وحده لاشريك له
بسم الله شن ادير. توا بالميه
عبدو:: صباح الخير. لاشي جتني نيه انظف السياره
حاح؛: توا ياهبل.
مراد:: نازل نمشي الفجر. شفتهم
كنك
عبدو:: قطوس جايبه في سيارتي
مراد؛:ههههههههه. نقانها قطوس ماشاءالله ربي مسهلهاعليها
عبدو؛:علي حسابي هههههه
مراد:: شن جابت
عبدو:: تصدق ماسألتش بس اظن. هكي بان عليا عيل
مراد::ياسيدي يتربي في عزك
عبدو:: تسلم. استناني كملت نعدي معاك
><~>~
رحمه:: طلعت من المستشفي علي حوش هلي
عبدو:: رحمه صروري قصة. قعدتك عند هلك
رحمه::حبيبي. خليني بس كم يوم. يعني. عمري. ما جربتها
عبذو:: علي راحتك. فرحانه بحوش ماما شن بنديرلك
رحمه::نجيه ياخيه فاهم عليا ديما
عبدو:: بس هذي عمله اديريها ليا.
رحمه:: حطيت يديا علي وجي. ههههه اسسسسكت. انا ديما فضايح.
عبدو:؛وصاحبي يكبسني. وشهدر بيا شوفي المسجات التشفيط. عليا.
رحمه::اااسسسفه مش بيدي.
عبدو:: يلا حصل خير. معش تعاوديها ياقطوسه
رحمه: لا بلكي اصلا. نبي نعاود التجربه خلاص شطبناااا
خير وبركه اربعه. الحمدالله
عبدو؛: هههههه.
باهي انا مروح توا وخلي هذين معاك تحتاجي مرات نواقص.
رحمه؛: مش داعي. اللي جبته سادني
عبدو::اهو خليهن وخلاص
يلا بكرا انمر عليك
حبيبات. لجريواتي
حبيت العيال. وروحت
><~>~
رحمه: اموله غريبه فراس خلاك
امل:: حوش هلي عادي فراس بس غيره ممنوع
رحمه::وانتي يا سومه غريبه سيبتي عربك
اسماء:: حظي اليوم بناتها بايتات. قالي بروحه ناصر. مسكين اهربي خوديلك. نقاها
رحمه:نجيه ياربي علي سباه تحملي
اسماء:: تعرفي اصلا عمتي مش كيف قبل مهديه. رايحه. تحسيها تقول تودع
رحمه؛:: ربي يشفيها
امل: حومه بتديري لمات
رحمه:: اها. عمتي مصكره راسها اديرلي لمة في صاله.
وكله عليها
اسماء ::تغيرت حليمه حسيتها
رحمه:رايحه تهبل. بجد بدون مبالغه فترة حملي كله. مادرت شي ولا غيرت. بامبرز. لما تعرف ماما مش عندي. تنزل العيال. وتهتم بيهم. وتركب. تبرملي علي شقتي
نقعد نحلف وهي تحلف.
امل: ياخوفي تمسكه عليك جميل.
رحمه:: زعمك. بعذك. في الذل هي محد يغلبها
اسماء ::لالا حرام عليكن. اللي درتيه معاها مش شويه وهي تردلك فيه بعذين هي طيبه غير لسانها طويل
مهند: صوت قرمه نخش
اسما:: تعال خش. قرم معانا نسابتك هههه
مهند:: هههههه لو في غلط نقرم.
اامل: الا القرمه. فكونا راهو. نطلع
رحمه:: ههههه شيخه. نبصرو.
اسما:: هنودي. شن جوك مع ريتاج
مهند:: كويسين. لولا بس سكنانها. وغيرتها
رحمه:: ياما جايك راهي واعره. وتنباله قلتها لك من الاول
مهند::عادي تمشي. توا تتعلم
امل::مهند مش مستعجل تجوز وعابي علي ماما تعاني مراتك وتعانيك
تجوز يعني خلاص مراتك تاخد بالها منك.
مهند:عارف اطمني.
اسماء:: خلنهم صغيرين وتمشي بجوها حياتهم. نجيهم بحد يهبلو
مهنذ: نقانك حاجه كبيره ياسومه الوحيده ديما تشجع فيا
رحمه::ياعيني
امل:: توا نجي
مهند:: الله الشيخ. رومانسي ويرن
امل::بطل سخافه ياسامط
مهنذ:: عادي شوفي السكانه. اهي هذي المكالمه العاشره. مزلت مارديت
امل:: انت بارد. بس انا. مش زيك عيب نعبره.
طلعت. للصالون
فراس:: كيف حالك
امل::الحمدالله
فراس: ويوسف. شن داير.
امل:: قاعد عند ماما.
فراس:: فرصه عاد انتي. هربتي منه
امل:: حرام عليك ديما ظالمني. لا ياسيدي
هي. فرحانه بالعيال واخدتهم كلهم في دارها مفرشين معاها وتحكيلهم في قصص
فراس: لا مدام هكي اسسف
انل: شن ادير
قراس ؛: شي حليت تلفزيون ونت مليت. دمهن ثقيل.
توا قلت نكلمك نكسد معاك قبل نرقد
امل::راه نطلع حتي انا دمي ثقيل بس وتمل
فراس:هههههههه علي حسب الحديث.
امل::هدرز. وانا معاك
فراس:: اممم شن نهدرزززز. اه
مرايف عليك.
امل:: في يوم
فراس:: اها في حتي ساعه
انحبك شن اندير.
امل:حبيبي بجد الكلام ولا بس تمشي فيا
فراس::عنجد تمشي فيا. اها نبي نضحك عليك ومنيش خاطبك ههههههه
ياهبله خليك واثقه اني منعرفش نعيش. بدونك
امل::ربي يخليك ليا وانا نحبك ومنعرفش نعيش بدونك
~>~>~~
بعد مرور سنه
سلاف:: حبيبي طالما ماما بايته عندنا اليوم وعطله شن رايك نطلعو. مشرق. حتي البنات يغيرن جو
زياد: حاااضر تدللي انتي وماما والبنات
من عيوني. ياعيوني
سلاف::هههههه. كنك رايق
زياد: حرام عليك ماانا ديما رايق
سلاف::لالا. بزياده اليوم.
زياذ:: ههههه يااااربي معد عرفتك كيف الايام اللي فاتن. قلتي تغيرت. يازياد انت رايح مش كيف زمان. كلامك وغزلك فيا
توا بعد دلعناها قالت كنك. انتي خلاص. خدا فيك الطبع الليبي ولا شنو
سلاف:: لا وانت الصادق. انا خايفه منك
زياد:ييي علينا تي كنك هبله. بنت رنت تسأل علي طلب هي طلباته. وصل ولالا
سلاف:: وتقعد تتلسون معاها وتتعذر وحقك عليا وووو كلام مستفز
سلاف::لاني غلطان. البنت اعتمدت عليا عندها مناسبه وانا اللي نسيتها بككل وعطلت في طلبها
سلاف:: يبقي تعطيها هديه. ووتهدرز معاها وتقوللها تعالي نراجي فيك لا هكي اووووفر الصراحه
زياد: ياقلبي. هذا نوع من التجاره. انا غلطان ومفروض ندفعلها ضريبه ولا خصم. هكي نجذب الزبون. مش. نقعد. جاف ونفوتها. وتقعد تحكي عليا وسمعت المحل. تتأثر
سلاف:: ايوا اضحك عليا صدقتك
زياد: لا صدقي ياروحي. عاد انتي جايه من دول متحضره في التجاره مفروض فاهمه اصولها
وياستي. عشان نثبتلك حسن نيتي.
وتفردي وجك اللي له يومين مقلوب نعطي شريكي يتفاهم معاها ومع غيرها. تمام هكي
سلاف: تمام ايوووا هك. نتريح انا. عاد نغير عليك. سموح وصغير. وجذاب ولسانك حلو.
زياد: ياعيني كل هذا فيا هههههه
يا فراشتي. الناعمه. انتي مفروض تقعدي. واثقه انك انتي وبسس حبيبت قلبي. وان زيزو. يتعب معاك مهما تغيرت من تعب الحياة ولا من الروتين بس نحبك ونعشقك عشق وهذا شي حاسدينك عليه ناس واجد. مفش مرا راجلها يحبها كيفي صح
سلاف: حبيبي انت وعيوني.
زيدني كلام حلو رايفت عليه
زياذ:: انحبك. وهذي تكفي صح
.
صار عمرنا سنه ..
كانوا عمراً.. ..
حَبونا ومشينا فيهم معاً..
نجحنا وفشلنا معاً..
استقرينا وتهجرنا معاً..
تقاذفتنا عواصف الحياة يميناً ..
لتعيدنا امواج قسوتها شمالاً..
غرقنا.. فكنتي تحت الماء حياة..
نجونا.. فكنتي سُكَّرَ الحياة..
روحاً في زمن الموت..
سلاماً في زمن الحرب..
أمّاً في لحظات طفولتي..
حُبّاً في أيام وحدتي..
وطناً في تغريبتي..
ربي يخليك ليا. ياحب حياتي اللي. تبهدلت عشانه
سلاف: وانا نموت فيك. ياروحي وعمري وحياتي
ييييييي ييي. شفته. كيف يصبي. افطن لجهازك يلحق فيه
زياذ:تيفو ياشيطون بطل.
سلاف:. متعلم يصبي مع الحاجه. ههههه ويكر اللي علي الطاوله راهو
زياد:: نعم. لالا. حي عليا جهازي. تعال هنا يامجرب نطلعو نطلعو نانا
سلاف:: اه شيله لماما. اني جايه. نكمل تحديد ونجيكم
