الاسكريبت الخامس
_انا مش هعيش لك العمر كله يابني... وبالنسبة لبنت الحلال فهي موجودة وانا متاكدة انها هتعاملني بما يرضي ربنا.
رفع حاجبه الايسر قائلا : مين دي بقا ان شاء الله
رددت والدته بثقة: هاجر
وقف بصدمة: نعم! هاجر مين يا امي..لا طبعاا
امسكت يده ليجلس
_اسمع يا ابني وحكم عقلك قبل ماتقول رأيك في هاجر... هي بنتك جميلة وطيبة وو
قاطعها وقال : اسمعي يا ماما.. هاجر بنت كويسة وكل حاجة بس مش ليا.. متنفعنيش ،مش هقدر.
_يعني ايه مش هتقدر.... فيها ايه يعني علشان ترفضها بالشكل دا .
ايوه ارفضها لانها مش مناسبة ليا...
سمعت هاجر حديثهم ولكن عندما قال عمر ذلك عرفت أنه لن يفكر فيها ابداً وان مساعدته لها شفقة وليس إلا، كتمت بكائها وهربت إلي الغرفة وهي عازمة علي أمر هام.
ثم أكمل عمر : هي بنت كويسة جدا ومفيهاش حاجة تتعايب بس ممكن متحبنيش
_ياابني ملكش دعوة بيها .. كل اللي عايزاه انت تقول رأيك موافق عليها ولا لا.
مش عارف ، سبيني افكر ويمكن في الإجازة دي اقدر احدد موقفي ، ومشاعري من ناحيتها.
____________________________
صباحاً..
_الحق ياعمر.. هاجر واهلها مشوا
استيقظ بفزع من صراخ والدته، يتسائل أين ذهبوا وكيف!!
عرفتي منين ياماما انهم سابوا البيت؟
ردت الام بحزن: لاقيتها سايبة مفتاح الشقة وجواب معاه علي السفرة وبتشكرنا علي الفترة دي بس انها مش هتقدر تعيش معانا اكتر من كدا علشان متكونش حمل عليك اكتر من كدا.
رد عمر بتعجب :حمل عليا اناا !!
ازاي وانا اللي جايبهم يعيشوا معانا.
ثم تذكر شيئا وأكمل : تفتكري ياماما هاجر سمعت حاجة من كلامنا امبارح .
_العلم عن الله يابني ، بس عايزاك تنزل ومترجعش من غير هاجر وعيلتها يااعمر ، حبيت البنت دي اوي كانها بنتي بالظبط.
بقلم آية إسماعيل
حاضر ياامي حاضر ..مش هرجع البيت غير وهي معايا وساعتها هعرفها ازاي تخرج كدا من غير ماتقولي.
___________________________
كانت لحظات قاسية عليه.. كان كله تفكيره أن ترجع سالمة لاحضانه وتحت جناحه لحمايتها من بطش الزمان.
مرت ساعات طوال وهو يبحث عنها.
فقد الامل للحظات لكن تذكر دموعها.. نفض اليأس من رأسه وعزم علي إكمال البحث.
رن هاتفه برقم عم عبده البواب
فأجاب وكانت الصدمة بالنسبة له وتحول وجهه العابس إلي فرحه عارمة.
بقلم آية إسماعيل
بتتكلم بجد ياعم عبده ،انت عارف مكان هاجر!
فأجابه :ايوه ياعمر باشا.. هي كلمتني الصبح بدري علي شقة فاضية في اي مكان وهي محتاجه ضروري الشقة دي.. فكان عندي شقة اختي هي صغيرة شوية بس هي طلبت تبعها علشان اخدت شقة اكبر .
رد عمر بلهفة : وبعدين ياعم عبده.. هي فين دلوقتي؟
اكمل : كنت عايز اديها مفتاح الشقة بعد ماطلعت عليه نسخة تانيه بس معرفش رقم ليها فكنت بتصل عليك ياباشا اخد الرقم بتاعها.. لو عايز العنوان ابعتهولك.
وبالفعل لم تمر ساعة زمن وكان أمامها.
#أنت_عوضي
#آية_إسماعيل
#نجمة_الروايات
رأيكم يهمني جداا ❤
