الاسكريبت الاول
(حرام عليك.. دا أكل عشنا انا وامي ،هنصرف منين وهنعيش ازاي ياباشا؟ دا احنا بنربي يتامي وبنقضي عشانا نوم ومعندناش غير النصبة دي نسترزق منها)
كانت هذة كلمات فتاة التي لا يتجاوز عمرها ال 22 عام.. بنيتها صغيرة بنسبة لعمرها ،كل من يشاهدها يسخر من ملابسها المتسخة دائماً مع أنها ذو عيون خضراء وشعر بني تخفيه تحت قطعة قماش جلبتها لها الست الطيبة التي تساعدها في تنظيف البيت كمثل باقي ملابسها هي واخواتها.
_رد الظابط بحدة: وحد قالك تعملي النصبة بتاعتك في مكان ملك الحكومة وكمان مش مترخصة يعني مخالفة.
نزلت دمعة ولكن مسحتها سريعاً حتي تكون قوية وتدافع عن حقها وحقوق أخواتها.
(ياباشا حضرتك عندك حق.. بس احنا ولايا وامي مريضة وانا اللي بقف مكانها علشان نقدر نعيش في زمن الغلبان ملوش قيمة وسط الوحوش، انا معاك أننا غلطنين وحقك تعمل اللي حضرتك عايزه بس فين روح القانون وحقوق الإنسان ، اكيد ياباشا حضرتك مترضاش اننا نمشي في الحرام ونغضب ربنا)
نظر لتلك الفتاة التي ترتسم ملامحها القوي مع أنها في أشد المواقف صعوبة.
شعر بأنها محقة ولابد أن نرفق بحالها وحال تلك الأسرة المسكينة.
زفر بقوة وهو يأمر العساكر بعودة أشياء تلك الفتاة والمكان كما هو .
_تنحنح وقال بإحراج : دا الكارت بتاعي لو حصل اي حاجة كلميني بس وانا هتصرف.. متقلقيش محدش هيقدر يمسكم طول ماانا عايش.
أبتسمت له بسعادة بالغة، وشكرته بحرارة.
ظل ينظر لها وهي تبتسم لذلك الكارت وكأنه هو الذي سيحميها من بطش الزمان.
________________________________
رجع إلي منزله بعد وقت طويل من العمل، وكانت في إنتظاره والدته تلك السيدة البشوشة
قبل يدها بحب وهو يجلس علي الأريكة بتعب
قالت له: زمانك جعان هحضرلك الاكل بسرعة عقبال ماتغير هدومك وتحكيلي يومك كان ازاي.
قال بتلذذ : تسلم ايدك ياست الكل ، اكلك دا ضيع عليا تعب اليوم كله واللي حصل فيه.
_خير يابني حصل ايه بعد الشر
حكي لها حكاية تلك الفتاة متاثراً بظروفها وصغر سنها.
ردت عليه بحزن: ياحبيبتي يابنتي كل دا حصل للبنت الصغيرة دي.
ساعد والدته في طاولة الطعام
قائلاً: اه ياامي صعبت عليا اوي لان انا حاسس بيها يتيمة ذيي بالظبط بس الفرق إنها بتصرف علي كوم لحم في رقبتها من نصبة الشاي بتاعت السواقين في الموقف ، وانتي عارفه هي ممكن يحصلها ايه وخصوصا انها بتبقي لوقت متأخر بالليل.
ربتت علي كتفه وهتفت بحنان : ليها رب يرعاها يابني
اعمل اللي عليك وخليك معاها لو احتاجت حاجة، روح استريح ياضنايا.
قبل رأسها وقال: بكرة اجازة ياامي علشان نقعد مع بعض ياجميل.
ضحكوا سوياً ثم دلف إلي غرفته.
____________________________
(صباح الفل ياست الكل )
ضحكت الست صباح علي مرح تلك الفتاة وهتفت : بكاشة يابنت يا، انا زعلانة منك علشان مجتيش امبارح ذي ماوعدتيني.
ردت الاخري: أسفة ياامي كان غصب عني والله ، الحكومة كبست علي النصبة وشالتها لولا اترجيت حضرت الظابط الله يستره واداني الكارت بتاعه كمان.
ردت الأم بشك: واسم ايه الظابط دا ؟
اخرجت الكارت من جيب قميصها قائلة: عمر الشناوي
أبتسمت الست صباح وقالت: ربنا يوقفلك ولاد الحلال يابنتي، خلي بالك ابني نايم جوا النهاردة إجازة .. مش عايزين نعمل دوشة .
_من عنيا ياست الستات كلها.
بعد عمل دام وقت ليس بطويل.
_ياهاجر تعالي علشان نفطر مع بعض.
(حاضر ياست صباح جايه اهو)
جلسوا علي طاولة صغيرة في المطبخ.
_يووه نسيت اكلم اختي خديجة في الصعيد
معلش ياهاجر هروح أكلمها بسرعة واجي وانتي افطري ياحبيبتي.
ابتسمت لها ثم أكملت طعامها.
_(انتي بتعملي ايه هنا)
توقفت عن الطعام سريعًا وهو تنظر لمصدر الصوت الحاد
_حضرت الظابط انا انا
مسكها من ذراعها بعنف وقال: انطقي احسن مااخلص عليكي... ولا علشان اتسهلت معاكي امبارح الاقيكي نطالي في البيت وبتاكلي كأنه مولد وصاحبه غايب وو
قاطعه صوت والدته الغاضب وهتفت : بس ياعمر ، دي هاجر اللي بتساعدني في شغل البيت وذي بنتي تماماً.
_ياامي دي..
قاطعه مرة اخري : عارفه دي البنت بتاعت نصبة الشاي
يتبع....
دي مش رواية دا ذي اسكريبت ورأيكم أكمل ولا لا ❤
#أنت_عوضي
# آية_إسماعيل
# نجمة_الروايات
