بارت الثالث
من رواية حب حدود الحروب
للكاتبة : زينب التميمي
الساعة 7:30
عائلة ابو مريم خارجة من بيتها للموصل
وبنفس الوقت ناجي خرج همين للموصل بسبب الدوام
ابو مريم : يلة ولكم استعجلوا ليجونة يلة فضوهة
مريم : حاظر ( بملل )
ابو مريم : يلة كافي تتموعين استعجلي تطلعي وصعدي بالسيارة
ام مريم : ابو مريم امراية الحمام هم اخذها
ابو مريم : شسوي بالمراية قابل كليلة المرايات هناك ولكم صارت الساعة بالسبعة ونص واحنا مطلعين بعدنة قبل لا يجونة والله مايبقالنة النا أثر
مريم وامها : حاظرين حاظرين
بيت ناجي :
ام ناجي : روح ربي يحفظك من كل شر ان شاء الله ترجعي بالسلامة سالم غانم
ناجي باس رأس امه وسلم عليهم كلهم وطلع
امه رشت وراه مي ( عادات وتقاليد ترش ورة شخص المسافر ليوصل بالسلامة )
كل من عائلة ابو مريم وناجي صعدوا بالسيارة بنفس الوقت بس بأماكن مختلفة
* بيت ناجي يبعد عن بيت مريم بفرع بيت ناجي ببداية الفرع الأول وبيت مريم بنهاية الفرع الثاني *
* بعد طريق طويل من بغداد للموصل وصلوا كل من ناجي ومريم بسلامة *
بعد ما طلعوا بيت ابو مريم من البيت هجموا عليهم أشخاص للبيت
شخص ١ : سيدي بعد ما فتشنة البيت ماكينة احد شكلهم طلعوا
عواد : وين راحوا لعد ( بصياح )
شخص ٢ : سيدي ممكن تجي للغرفة
عواد : شكو
في مكان آخر :
مدير هيئة الحشد الشعبي الجديد : اهلا وسهلا يا ضابط ناجي شرفتنة
ناجي : اهلا بيك تشرفت بوجودك
المدير : انتة بالنسبة النا ضيف شرف يا ضابط ناجي اتمنى منك ترتاح هاليومين وتضبط اموك وبعدهة تبدأ العمل ونتشرف بيك ويانة
ناجي : والله احرجتني بلطفك وتسلم وماتقصر ولي الشرف اني قابلتك ( مد ايده يسلم عليه )
بيت ابو مريم الجديد :
مريم : بابا هذا بيتنا الجديد
ابو مريم : اي حبيبتي
مريم : بس شوكت اشتريته
ابو مريم : قبل شهر لان عرفت عنج ماراح يسكت اذا عرف اني عرفت
ام مريم : يا خوفي لو عرف بمكانه هذا
ابو مريم : لا تكوليهة اصلا ماراح يعرف ومنين يعرف يدري بيه ماكدر اعوف بيت اهلي واروح اعيش بالموصل
ام مريم : هم صح
في مكان آخر :
شخص ٢ : سيدي ممكن تجي للغرفة
عواد : شكو
* مكتوب على ميز المراية بقلم احمر " عواد ادري بيك انو انت عرفت اني عرفت كل شي ومستحيل اخليك تقتلني مثل ما قتلت ابونا بسبب الورث *
* عواد شال بأيده شي ثقيل ورماه بالمراية انكسرت الجامة مال المراية *
عواد : عااااااااااااااااااااااا ( بصياح )
عواد : تضحك علية فؤاد تضحك علية ( راص سنونة بعصبية )
* فؤاد هو ابو مريم *
بيت ابو ناجي :
بلقيس : ماما ارجوج كولي لابوية خل نطلع للزوراء حبابة ( بعبوس وترجي )
الام : يا زوراء انتي احنا بحال زوراء هسة
بلقيس : ارجوج حبابة
الام : لا حبابة ولا دبابة امشي ولي من وجهي
* رن التلفون *
الام : هلة يمة ناجي شلونك
ناجي : هلة يوم بخير وانتي
الام : بخير يمة بصحة والعافية الحمد الله
ناجي : الحمد الله
الام : هااا وليدي بشر ان شاء الله ضبطت أمورك اهناك
ناجي : اي الحمد الله أنطوني غرفة وحدي وعيشوني جني ملك ( يضحك )
الام : * تضحك وياه * ان شاء الله دوم الضحكة يارب الحمد الله تطمنت عليك يا وليدي يارب لين قلوب البشر الك ويبعد القلوب القاسية
ناجي : آمين يارب كثري من هالدعاوي يايمة ( يضحك )
الام : دائما ادعيلك بالخير يا ابني شعندي غيري
بلقيس : ها ها ها واني وين رحت هل انا شبح ام ماذا هل انا غير مرئية
الام : ولج يا عوبة مو دائما ادعيلج صدك ميغزر بيج
ناجي : كولي للعوبة الي بصفج خل تبطل غيرة ( يضحك )
الام : يكولج بطلي غيرة
بلقيس : ما ابطل الا اذا تبطلون تفرقون بينه ( كامت وراحت لغرفتها )
ناجي : هااا شكلها زعلت كل مرة
الام : هاي سوالف اختك ماتعرفهة
ناجي : يلة على كلن سلميلي على هالمجنونة وعلى ابوية وانا اترخص منج عندي شغل عن اذنج يمة عود بعدين اخابرج
الام : اذنك معاك يا يمة مع السلامة الله يحفظك يا رب
بنت ابو مريم الجديد :
ام مريم : فؤاد مريم يلة الاكل جاهز تعالوا تغدوا
مريم : حاضر
ابو مريم : جاي جاي
* تغدوا وكملوا *
ابو مريم : من باجر راح اودي اوراقج للمدرسة الجديدة وبعدها راح تباشرين دوام ماشي
مريم : حاضر
* بغرفة مريم الجديدة *
* مريم جاي تراسل بلقيس *
مريم : ولج بلقيس غرفتي تجنن واثاثها كله صاج
بلقيس : صاج لحم لو صاج دجاج
مريم : لا صاج فلافل اكول لا تستهبلين براسي جاي اتكلم وياج عدل
بلقيس : تدرين جوعتيني
مريم : حتى اني عود استوني تغديت
بلقيس : ( تضحك )
مريم : ( تضحك وياهة )
في مكان آخر :
حامد : ضابط ناجي عندنا واجب تفتيش
ناجي : اي هسة جاي
انتظروني مع البارت الرابع قريبا ان شاء الله
أنت تقرأ
LOVE OF WAR LIMITS " حب حدود الحروب "
Mistério / Suspenseالقصة تحكي عن : تدور الأحداث عن ( ناجي ) جندي عراقي في حشد الشعبي خلال عمله في الموصل كان يفتش في إحدى البيوت المقصوفة عن احد العناصر داعش المختبئين في البيوت المهجورة او المقصوفة وجد هناك فتاة مختبأة وهي في حالة ذعر شديد ( مريم ) فتاة موصلية كانت...
