غدر زمن وجروح الماضي

بارت الحادي عشر (جزء الثاني)

الف هنيال منطقتي
لان عدها مثل امي
اذا رايد اذم بت ناس راسا تنهي سالفتي
اذا سالوها عن وحده بسلفنه دگول هاي اختي
فطيره هواي
اذا نسالها ياهي ام البنين
دگول صاحبتي
تطالبني بوعد كل يوم
بمچان الما الك بيه راي لا تگعد
ماريدك رخي چل الغيم
گبل صب المطر يرعد
بساعات الطلايب ترضي غيضك كون
لتهدد
ابو وجه السمح جثر وياه معروف
بوجه الماربه بديوان اريدك توجع بطكتك
بميزان الذهب تنوزن سالفتك
بنات المنطقه بذمتك
ترى الزلمه البخيت يشور وينزار
اريدك تحترم بختك
اذا سالوك عن المو شريفه بيوم موش دگول هاي اختي
بس انت اعتبرها اختك
♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩♩

مرتضى... هسه لازم اوكف بفاتحتج مو هينه عليه بس لازم يعرفون عندج رجال مودعه بالله يالحنينه 💔

نيزك... يعني شنو إحجي شنو اكول اني هم ام واعرف الأم شنو

بحياة أولاده وسلمى امي وعيت ع الدنيا مو بنيه لا لا لا نهائيا

ملكه وكاعده ع العرش والي تريده يجيهه اميره أمه وابوها صح

مو همه خلوفني بس اني بنتهم وابقى بنتهم لحد اخر يوم

بعمري بعد اتصال آدم وعرفت امي سلمى توفت مادري حسيت

برودة سرت بجمسي بحيث شون كمت وشون لبست وشون

وصلت والله العضيم ماعرف فاصله من الدنيا حتى ماذكر شنو

صار كل الي اذكره رجعت لأيام طفولتي من تلعب ويايه هيه

وبابا كريم لو اتمرض وتسهر ويايه لو من لكتني باربيل لو لو لو

هوايه ذكريات بس دحس هيه ممتوفيه كولشي مادري حسيت

ع نفسي نزلت دموعي بحضن مرتضى أخويه وتابوت كدامي

اريد إحجي ماكو اريد اطلع صوتي ماكو اباوع بعيوني اريد احد

دحس شي لازمني ماكدر اكوم يعني شون وحدة مشلولة ماكدر

كولشي اسوي اخذو امي وطلعو واني مادري شنو ولا جاي

استوعب احس نفسي بكابوس بعد ماطلعو حسيت ع بنين

اجتني بس دموعي تنزل بغزارة حركت كلبي ع أمي و ع نفسي

الي ماعرف شبيه رجليه متشيلني لا صوتي يطلع ولا رجليه

اكدر اكوم بس اهز براسي لبنين يعني ماكدر اكوم وهيه

متفهمني بقيت اضرب ع راسي وع صدري بس اريد صوتي

يطلع ماكووو شنو من. احساس وانتي كدامج ياخذون أغلى

انسانه ع كلبج الي ممتوقعين تفقدية بيوم وانتي لا تكدرين

طلعين صوتج ولا تكدرين تركضين وراها شنو من يأس بقيت