غدر زمن وجروح الماضي

بارت السابع (جزء الثاني)

موش بنيه جامه وحيل ترفة
بحيث مرايتنا تتمرة اعله ضحكتها

اگصر من عمري شعرها وگذلتها ضيم
ترا المُهرة مو بطول الشعر . بهيبتها !

ملاك وية البشر يحچي شلون
گليلي نبيّة انتي يا صاحبتها؟
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ***
  
آدم.. كلتلهم ممكن شويه تنتبهون إليه حجيه آن شـآئ آللهہ
قررت ازوج

ام آدم... شنو هذا الشقه آدم مو وقته

سجاد... آدم ميشاقه ديحجي صدوك يريد يزوج

ام آدم.. تزوج شنو آدم تخبلت شناقصك وتزوج

آدم... ناقصني مره تشوف طلباتي واحتياجاتي
ناقصني مره تشاركني وحدتي لو حرام هشي

ام آدم... مره شنو ونيزك شنو لعد بييتك

آدم... نيزك ع عيني وراسي ويبقى هذا بيته وبيت أطفالها

وهيه الداخله واني طالع ماعتقد راح اضايقها

سجاد... متحجين نيزك شنو رئيج

نيزك... من كال قررت حسيت كلبي وجعني من كال ازوج

حسيت صرت بغير عالم همه يحجون واني مادري لكلام منو انتبه 😔
حسيت ع صوت سجاد يسئلني شنو رئيي مكدرت إحجي شي

كلتلهم من رخصتكم اشوف هزوره دتبجي وكمت بدون مانتضر

منهم كلمه يريد يزوج ليش آدم ليش فوك كل هذا تريد تزوج لييييش

كعدت بالكاع وره الباب ونزلت دموعي بقهر ليش هيج صح

كلتلك ماريدك رجال إليه غير أبو أطفالي بس متوقعت تسوية

وين حبك آدم وووووين حسيت ع دكه الباب بسرعه كمت

مسحت دموعي وفتحت الباب طلع آدم

آدم... هسه كولها تضوج مني وتكولون يفكر بنفسه وبس

لا مو افكر بنفسي اني مانكر غلطي ويه نونه بس اعتذرت

الف مره تأذيت أكثر منه بس مال كدام عمامي تكول ماريده

رجال اليه غير ابو أطفالي لا صعبه واكيد الشباب يعرفون

قصدي صعبه واحد يشكك برجولتك بس مع هذا تمنيت من

سئلها سجاد تكول لا تزوج تكول شي بس نفسهه هيه وعنادها

اذا غلطت مره فهيه غلطت الف مره عافتنا وراحت ع هزوره

شويه ولحكته بس اريده تحجي شي دكيت الباب قافلته

فتحت الباب وعيونه مبين باجيه سئلته بيج شي 🤨

نيزك.... لا مبيه شي محتاج شي

آدم... نيزك حزوج اني

نيزك... الف مبروك

آدم.. هه ماشي نيزك ضلي بعنادج انتي جبتيه لنفسج