دعيت وما شفت دعوه لبتها
يلاهي وروحي ما كفت لبتها
تبجيني لون ناغت لبتهة
ردتج من البالروح ضمني
يدفيج لو حس برد حضني
ما حسبيتي يخيب ضني
وصرتيلي من الموش ريال
لا سايس ولا ربع خيال
ابني الكضاهه يغسل دلال
وترد اتسولف النوبة لبتها
وارد ويرد هوه الله يضيج بيه.
________________&_&&&____________
ابو احمد.. ع الخير والبركة بس يأبه إذا عمك ابو سناء اني أبلغه لعد شون خطبت سناء
آدم.. عمي اني خطبت نيزك بنت خالتي الله يرحمه
ابو احمد.. شنوووو عجل يأبه وسناء هيه مو الك شون تزوج غيرها
آدم.. عمي الله بالخير عليك اني إجيتك يوم وكلتلك اريد سناء رحت لعمي وكلتله اريد بنتك مره الي اجتكم امي وكلتلكم أريده لاادم
ابو احمد.. لا بس عمك كال اني منطي بنتي شوكت ميرتب أموره ياخذه
آدم... عمي لا أريد بنته ولا حاجي بيه وموكفه اني
ابو احمد.. بس هيج تكسر بخت بنت عمك وهيه الك شون هسه تأخذ غيرها
آدم.. عمي اني مموكفه إليه علمود اكسر بخته بعدين عمي بنت خالتي اني رايده وماتصيرلي مره غيرها ويا عمي اجيت اكولكم انتو اهلي تحبون تكفون ويايه تنورني وع راسي وانته مقام ابويه الله يرحمه متحبون يا عمي تبقه غصه بكلبي لانو انتو اهلي وهسه عمي اترخص عندي شغل
ابو احمد... عد عيناك يأبه احنه اهلك ونوكفلك عجل شون يأبه بس يأبه ردنه بنت عمك منك وبيك دام هاوي بنت خالتك الي مشايفه ابد هاهيه يأبه تتهنه الخميس الصبح يمك احنه بس يأبه وين تصير مشيت الزلم حتى نفهم عجل نروح مثل الغربه
آدم.. الله يديمك عمي ويخليك النه آن شـآئ آللهہ بيت خالي ابو اسعد يمهم الكعده ونطلبه منه آن شـآئ آللهہ والعقد هناك بس الحفله ابيته لانو بيتنه أكبر
ابو احمد.. ع الخير والبركة يأبه سلم ع امك واختك عجل يأبه اختك ليش ماتمر تكول اشوف عمي
آدم.. والله حقك عمي بس تعرف بنو بيته وزوجه ودوامه وهم بعد الي صار ويه بيت عمي ابو سناء ماحبت تصادف ويه البنات
ابو احمد... خير آن شـآئ آللهہ يأبه
ادم..اترخص اني يأبه وأمانة الله الكل يجون تره هوه زواج مره بالعمر عاد خلي ينجعون يلا اودعناك عمي
ابو احمد... الله وياك يأبه آن شـآئ آللهہ كولهم يمك
ادم.. رحت ع بيت عمي وكلتله هوه يبلغ عمامي أفضل هوه الچبير وهم ماريد اروح اصادف سناء هناك هاي الطشه ختصرت الطريق هوه عمي يكولهم اخاف عمي ابو سناء يحجي حجايه وماتحمل اني من غير شي معصب رجعت للبيت واشوف نونه اويلي تروح تعب الدنيا كولهه كالت الله يساعدك عمو احضرلك العشه
أنت تقرأ
غدر زمن وجروح الماضي
Misterio / Suspensoلاتأسف على أمر جميل قدمته ولم يثمر ، فـ الأشخاص الذين يستحقون ذلك سيبقون ، أما الذين لا يستحقون سيرحلون♥️ قصه تدور أحداثه حول.... حب... حقد.... خطف.... اعتداء.... غربة.... الألم... حزن.... فرح.... مجهول هل تستعيد الحياة مجداا ام تبقى في سور التعاسة...
