رواية حكايتي

البارت الاول

* نضت ساعه 6 صليت صبح ومشيت نوض في عشق
اني : عشق نوضي ساعة 7 راهو
عشق : مدام قلتي ساعه 7 معناها ساعة قاعدة 4فجر 😒😒 حركات امي نعرفهن اني
اني: 😂😂 وحق الله مانكذب عليك ساعة ٦ يادوب تنوضي تصلي وتلبسي دبشك توا تاخري وامتاع حافلة يفوتك زي امس 😒 ساعة وانتي شوفي روحك في مرايه بس
عشق: باهي ياخرا خلاص نضت ديرلي فطور 😑
اني: مصح والله زومتك ساد نوضتك 😒 عندي امتحان بنراجع فيه تو نديرلك معاي قهوة 🙁
عشق : عمرك مادرتيلي حاجه عفنه 😒
غرام ناضت ع اصواتنا : ممكن تطلعن وتعاركن برا نبي نندمر 😑
اني: مش عندك محاضره ساعة 8 نوضي توا وتي دبشك وفطري
غرام: اولا خلي رايك عندك +ثانيا محاضره امتاع ساعة 8 مش حاضرتها دكتورها نفاخ ويوجع راس😒😡
اني؛ كيف رأي باهي اني عندي محاضرة ساعة 8 وامتحان ضروري نمشي وخالد عنده عمل من بيرفعك لمحاضرتك
غرام: وامشي طريقك بيضة حبي من شاد سيقانك 🙁 وكانك عليا اني توا نقول لرشا ﴿صاحبتها ﴾ ترفعني نوضي اطلعي طفي ضي ونبي نرقد والبسي لبسة الي خديتها لك اسبوع الي فات بلا حشايم 🙂
اني : باهي ارقدي نوم العوافي ❤🙋
طلعت مشيت طول لمطبخ درت قهوة ووجعتني عشق درتلها فطور خفيف 😒❤ وخديت قهوتي وطلعت نقرأ في صالة خديت هاتفي رنيت ع بنات نوضتهن 💛 وقعدت نقرا لعند ساعة 7 ونص مشيت نوضت خالد درتله فطوره وقهوته ومشيت نوتي في روحي طبعا ماكنتش ندير في مكياج واجد واقي شمس وروج ومسكرا وقلم ابيض بشرتي صافية مش مستحقة كريمات وجو ❤🌟
لبست وتميت
خالد: وين غرام امالا ماعندها
اني: قالت دكتور محاضرة اولى مش جاي واخد إجازة 👀 وقالت توا رشا تاخدها لجامعة
خالد: اني بنت الي اسمها رشا ماعنديش فيها ثقة 😑
اني: لالا بنت كويسه هيا نوض وقت عليا
خالد: هي طلعنا
مشيت لجامعه ونزلت اتصلت بنات قالن في كافتريا مشيتلهن
اني: صباح الحب
ميسم&رتاج: صباح الورد
اني: فطرتن
رتاج: اي فطرت انا لكن ميسم لا
اني: ناخدو شكلاطة ونمشو للقاعة وقت يادوب نلحقو
ميسم ورتاج: تم ياحب
خدينا ومشينا وطبعا امتحان كان عندنا في مادة عامة وايوب واصحابه معانا في مادة هذي معانا قبل مانتعرفو طبعا كلام هذا ❤🌟
ايوب عارفني اخت خالد ولان صاحب خوي وهك ماكلمنيش وقالي نبيك كان طول وقت يشوفلي بس مااعترفش وطبعا اني غبية مالحظتش انه يبيني ولا بنات لاحظن 😑❤
خشينا امتحان مادة علم النفس 👀😑 درنا وامتحان طلعت اني قبل بنات وقعمزت يلا قاعة نراجي فيهن قعدت نراجع ومركزة في شيت حسيت بحد وقف عليا نحسابه وحده من بنات شبحت ونلقاه ولد معاي في قسمي اسمه سعد مدرهلي كبدي وفاقعلي مرارتي كان يبيني وواضح عليه واني عارفه انه يبيني بس ماعنديش له خلوق 😑 دمه ثقيل بكل
سعد : صباح الخير نصيب
اني؛ صباح النور
سعد: شن امورك، حليتي في امتحان
اني : تمام، اها حليت
سعد بيديرلي جو كاظم الساهر: خيرك في شي
اني: لالا راسي يوجع فيا بس ونشوف في رتاج طلعت نشوف فيها ملاك ابيض يطير 😂😂💛 رتاج ماتحبش ولد الي يتلصق ع بنات
شبحتلها شبحة امتاع انقذيني شبحت في سعد مالقيت غير مكانه 😂😂😂😂😂😂 يابي
اني: 😂😂😂😂 ووووه ولد هذا لما يشوفك اعظامه يرقدن
رتاج: 😂😂😂 دراه بكل ماتقوليلش خيره دمه لاصق فيك كاني كيفك نخبر خالد
اني: مانبيش ندير لخالد مشاكل 😑
رتاج كانت تحب خالد خوي بس اني ماكنتش ملاحظه: وينه هوا اليوم ماريته
اني: اليوم ماعنداش حطني ومشي للمحل 💛🙋
رتاج : مسكين تحمل مسؤولية هوا صغير ان شاءالله ربي يسعده
اني: ان شاءالله يارب والله وخي يستاهل كل الخير، وينها ميسم الخرا معاش طلعت
رتاج: بالها واسع مازال يما بتراجي 😂😂😂😑
اني: اهي طلعت خزي ظلمتيها
رتاج: ووووه حمار من بيموت 😂😂😑 مش عوايدك تطلعي بكري
ميسم : حش وقرمه فيا من صبح، بنراجع شن 😒
رتاج: الي يسمعك يقول بنت تجيب فيها اول ع دفعه حتى نصيب شاطرة تطلع قبلنا
ميسم: 😑😑😑😑 به خلاص سكريها خليني نرن ع محمد ﴿خطيبها ﴾ نقوله طلعت توا تشوفني قناة الحدث ﴿اخت محمد ﴾ برا تخبره
رتاج: مش عارفه كيف صابره عليها كاني مكانك كسرتلها رقبتها 😡
اني: باهي الي ماك مكانها 😒 شن بتخرب ع روحها عشان اخته 👀
ميسم : والله، واتصلت بيه وقعدت هايمه عاد كل شوي خاشه في حاجه وكان صبينا يلا شجرة تاكل ف ورق كيف عنز 😂😂😂
مشينا خدينا الكافتيريا وحجزنا فطورنا قال نص ساعة وتعالو 😑
طلعنا وطبعا عنز اكلة العشب مازال تتكلم ب هاتف 😂😂👀
قعمزنا مقابل بوابه جامعة شوية ونشوف غرام ورشا جايات وراهن ولد واضح مش كويس وامتاع حبوب شبحت فيا بركن عينها بعدها قالت ل رشا امشي وتوا نجيك جتني
غرام بعصبية وصوت عالي قدام ناس : خيرك مقعمزة هنا تقول تشحتي
رتاج عصبت : غرام اولا ناس تقول السلام عليكم او صباح الخير ثانيا مكانات ثانيات معبيات اولاد وخلي اختك في حالها ناس تشوف فيك
غرام: مالكيش علاقه انتي 🙂 كلام بيني وبين اختي، شبحت فيا وقاتلي نوضي من هنا
اني انحرجت ونضت لحقني بنات دمعة في عيني كيف ناس كلهم قعدو يشبحولي نزلت دمعة بلا مانحس مسحتها مانحبش حد يشوف دموعي
رتاج تبي تغير جو: هي نمشو نشوف فطور بنموت من جوع عصافير بطني توفن
ااني: عفنه ديما وانتي جيعانه.، هي
مشينا وخشينا قال شوي قعدنا في كافتيريا نهدرز اني ورتاج وطبعا اكلة العشب مازال تتكلم 😂😂
حسيت بحد وراي
التفت............
يتابع ❤🌟

#انوبة 🙋🌟

رايكم في الحلقة الاولى ❤🌟 نبي رايكم بكل صراحة ❤🌟