رواية حكايتي

البارت التاسع

رقدت ونضت مع العصر نضت غسلت و توضيت وصليت العصر   ونزلت القيت امي في مطبخ هيا وعشق 
عشق :صح نوم حبي
اني :سلمك 😊
عشق : خيرك ياروحي
اني : رأسي خلاص 😞
عشق : باهي تو نديرو قهوة ونقعمزو في جنان جو سمح اليوم
اني : تم خليني  نجيب هاتفي ونجي
عشق :تم
ركبت بناخذ هاتفي نسمع في غرام تتكلم ب هاتف
وكأن في حد يهدد فيها  نسمع فيها تقول اصبري عليا شويه بس ونوفرهم لك 😕 كنت نبي نزيد بس صوت واطي وشويه نسمع فيها تقول سلام مشيت نجري لدار  خفت تعرفني سمعتها  وجي في بالي طول يوم الي كانت واقفه فيه مع بنت هذيك إمتاع الحبوب 😳 لالا مانضني مستحيل أدير هك  شكلي بننجن أكيده واخده فلوس من صاحبتها  ومشيت خديت هاتفي ونزلت للجنان
عشق : خيرك طولتي
اني :خشيت حمام (حشاكم )
عشق :خيرك وجهك اصفر
اني :ووووه من اسألتك :)  عطيني قهوة دماغي خلاص
عشق : هاك 🤓
اني : صحيتي
عشق :ايييييه ، احكيلي
اني : شن بنحكي 😙
عشق: نصيب 🤨، راهو والله معاد نخبرك شي
اني :😂😂 نبصر عليك  ، وحكيتلها قصتي مع أيوب  كلها
عشق : ياعيني 😍🙈،هوا نفسه صاحب خوي خالد الي امه مريضه
اني : ايييوه (طبعًا ني نحكي ونلتفت وراي خايفه من غرام تسمعني 😂🤓)
عشق : خلاص ياوخيتي درتيلي غوله وانتي تلفي وتحكي توا كان جت   نكح ع أساس شرقت  😂😂
اني :😂خايفة منها طريحة بكري واعرة ياخيييه 😂😂😂😂
عشق :😂😂😂يناري عليك
وقعدنا نهدرزو لعند المغرب ونسيت أيوب بكل 😂🥀 نضت صليت المغرب اني وعشق وخشينا نديرو في العشاء  تعشينا وضمينا حوش وركبنا وطبعا من لما  نضت غرام مانزلتش  ومقعمزه  في دار  ولا تعشت
اني :عشق
عشق : نعموش
اني :غرام من قبل مغرب مانزلت تحت ولا تعشت امشي شوفيها خيرها  واني ننزل نديرلها حاجه تتأكل ع سريع
عشق : باه
نزلت درتلها  حاجه تأكلها وركبت خشيت لدار القيت عشق
اني : خيرك مش مع اختك
عشق : قاتلي مانبيش عشاء  وتبي ترقد
اني : حسبتها مضايقه
عشق : نختصرلك موضوع رايحه غوله
اني :حق ، زعمك نخشلها
عشق : ح تقلب عليك سفره
اني : نخش وخلاص ندير الي عليا
عشق : بنخش معاك باش نحز 😂😂😋
اني :هي 😂😂، بسم الله
عشق : اقري الفاتحة ع روحك وشهدي 😂😂😂😂😂😂
اني : افتحي باب بس
وخشيت ألقيتها تشوف لساس  حطيتها سفره وقعمزت يالاها
اني :غرام
غرام  التفت جيهتي ؛نـ؏ـم تفضلي
اني : خيرك مضايقه احكيلنا باش اتريحي احني خواتك ومانبولك غير الخير
غرام:ماخيرني شي مضايقه اطلعي وطفي ضي نبي نرقد
اني :باهي كولي بس وبعدها نخلوك ومعاش نجي يالاك 😢💔
شبحت فيا شبحه اول مره نشوفها في عيونها شبحه فيها حب  غرام : خليها يلاي وتو بعد نجوع نأكل وشكرا 😊❣️
شبحت في عشق وعشق شبحت فيا بصدمة 😳
اني : باهي تمام تبي شي كلميني 
طفيت ضي عليها وطلعنا  خشينا للدار
عشق :مستحيل انصدق اني هذي غرام
اني : حرام عليك مضايقه واضح عليها ☹️🖤
عشق :اسمعي كان كل ما بتضايق بتقعد معاك هك  كويسة 😂😂ان شاء الله ديما مضايقة
اني : تحركي من مكانك ومعاش تقولي  ع اختك هك بدال ماتدعيلها  ربي يفرج ضيقتها  والله واضح ابصر شن صاير معاها
عشق :قلبت شيخة عدي ورأس امك كلمي أيوب امتاعك وارقدي 😂😂
اني: اسكتي ياامتاعت زيد 😂😂😂
عشق:😂😂😂  بارده
طلعت دبش إمتاع جامعه ليا ولي غرام وصليت العشاء  وفتحت نت القيت رسائل من أيوب
اني ؛ اهليين
أيوب : وينك لعند توا ،حتى رنيت عليك اتصال عادي مارديتي
اني :  نت مافتحت بكل اني ، وهاتف ع صامت
أيوب : توا معقوله ماشفتي هاتف بكل
اني : شفت مكالمتك بعد بندير العشاء
أيوب :ليش مارنيتي  ولا بعتيلي رسالة
اني : ليش منفصل هك انت 🙂
أيوب : اني انشغلت عليك لان بكري حسيتك مضايقه وماعجبني جوك بكل  نحساب ابصر شن صارلك
اني : اني كنت مصدعة  ،أنت مكبر موضوع
أيوب :  اوك اني أسفه ، والله خفت عليك بس
اني: لا عادي ولايهمك ، امك كيف حالها
أيوب : الحمدلله روحنا بكري مع عصر
اني : باهي غير ردو بالكم منها 😕
أيوب : ان شاء الله
اني : أيوب 🥺
أيوب : شن نصيبي 🙈
اني : عادي تحكيلي ع روحك وع عائلتك شوي
أيوب : أكيد عادي  شن تبي تعرفي
اني : كل شي
أيوب : وبعدها انتي تحكيلي
اني : آჂ̤ نحكيلك
أيوب : اوك ، اسمي أيوب مواليد 96 نقرأ هندسة  الخدمة عندنا محل أحذية ومحل مواد غذائية  شكلي تعرفيه 😂❣️ مانحبش كذب  ونغار ونغار ونغار ونغار وباقي عادي  عائلتي
(امي اسمها حياة وبوي محمد متوفي  من ثلاث سنين  وخوتي خوي كبير  جابر مواليد 92 عزابي وبعدها اختي نرجس مواليد 94 مخطوبة  وبعدها اني 96   وبعدها خوي ع رأسي طول منصور مواليد 97وبعدها اختي مريم مواليد 99  من عمرك تقرأ أعلام   وخوي اخير  اسمه صالح مواليد 2002

اني : ماشاء الله 🥺🥀 ربي يحفظكم  ، باهي خالد خوي كيف تعرفت عليه
أيوب : محل الي يخدم فيه خالد إمتاعنا ياودي هوا إمتاع خالد و منصور  واني وصاحبي علي محل الأحذية فهمتي
اني : آჂ̤ فهمت
أيوب :  دورك
اني  حكيتله عني  وقعدنا نهدرزو بعدها سكرت  نت  وقريت اذكاري ورقدت
............................

#يتابع

#أنوبة ❤️🥺