رواية حكايتي

البارت 20🌟

لما رد عليا سلام حسيت روحي صوت سامعته من قبل ♥🥺 رفعتي راسي وعيوني الي حمر من البكي وجت عيني في عينه ايوبي اي هوا ايوبي الي جاي يخطبني ايوب قعدت واقفه ومصدومة شعوري لحظتها فرح مع خوف توتر نضت من صدمتي ع صوت خالد الي كان يضحك انا قعدت مصدومة هما دايرين فيا مقلب بس الي مافهمته خالد يضحك يعني خالد عارف اني وانا ايوب ع علاقة 👀 مافهمتش
خالد: نصيب معانا انتي
نصيب: اي اي اني هنا
خالد: 😂😂😂 شوية ونجي
ايوب : نصيبي 😂😂 تعالي خيرك
اني مشيت حضنته 🥺: 😭😭😭😭 كنت خايفة نحسابه حقا بيعطوني لراجل 😭😭😭😭😭😭
ايوب: 😒😒 واني شن تشوفي فيا امالا
اني تباعدت عليه : 😭😭😭 نقصد حد ثاني غيرك
ايوب: ياروحي انتي 🥺♥ امسحي دموعك اني اول ماقالولي بيديرو هكي قتلهم لا عرفتك ح تزعلي
اني: اني لا تو مش فاهمه شي راني 🙁💔
ايوب: اني كلمت خالد قتله اني شفت اختك مع اختي ونويت الحلال خالد قالي تفضلو بكرا المهم ساعة هك ورن عليا خالد معصب ويعاتب كيف تطلع تكلمي في اختي وتبيها واني مانعلم اني خفت الحق قلت نصيب راحت من بين ايديا قعد يعاتب فيا بعدها قالي اني زعلان منك ومنها ومدام انت تبيها وهيا تبيك مش ح نخرب عليكم المهم مرته شكلها خبرته لكن شكلها جابتها ليه بالجو المهم قالي تبيني نرضى عليك قتله اي قالي بنديرو مقلب في نصيب عشان هيا ماقاتلي وهك ع اساس اني نكلمك عادي ومانقولك شي وع اساس جاين وحدين يخطبو فيك وكملي باقي خطتهم، خطة طبعا تشمل كل معاد بوي
اني: 😭😭😭خفت ايوبي قعدت ندعي اني مانعجبه ويقول عليا شينه 😭😭😭خفت وربي
ايوب: مافيش حد يقدر يقول عليك شينه ياروحي، اني اسف حبيبي لاني زعلتك والله ماهو مني 💔😭
اني: عارفة حبيبي
ايوب: المهم ، خلينا نهدرزو في شروط زواج 👀♥
اني: باهي قول شروطك مرات مانوافقش 😂😒
ايوب: لالا خلاص معاش صارلي عنديش شروط 😂😂
اني: اي هكي من اول😂😂، جد شن شروطك
ايوب بصوت هادي: عنديش شروط اني نبيك انتي بس ب كل مافيك ♥🥺
اني: 🥺🥺♥🙈🙈
ع خشت خالد: احم، شن اتفقتو ولا كنتم متفقين من قبل 😒😒😒
اني: تحشمت ونزلت راسي
خالد حضني: شن موافقة وخيتي
اني تحشمت فكيت روحي من خالد وخشيت نجري داخل 🥺 القيتهن في مطبخ خشيت فيهن ضرب وغرام تجري وتصور فيا كيف نضرب فيهن 😂😂😂♥
امي سمعت اصواتنا جت تجري: اسسس عرب داخل ، نصيب حولي وشاح وتعالي سلمي ع ضيوف
اني: وووك كيف بنسلم عليهم واني وجهي هك 🤦‍♀️
مرام: هيا شنطة مكياجي جبتها لك 😂😂♥
اني: ماشاء الله 😒
مرام: عبيت بيك😂😂😂♥ مكيجي بسرعة
اني: ليش درتولي هكي😂🥺🥺🥺 والله قلبي شوي ماوقف 😭😭♥
عشق حضنتني: ياروحي خالد قال نديرو هكي عشان ماخبرتييه 🥺 اسفييين ، امسحي دموعك هي ومكيجي قريب يروحو ♥🥺
مسحت دموعي درت مكياج خفيف القيت مرام جايبتلي دبش غيرت طلقت شعري وطلعت سلمت عليهم شبحولي وضحكو استغربت اني
اني: قصدكن حتى انتن تعرفن بالمقلب 🤭♥
كلهن: اييييي 😂😂😂♥
اني: 🙈🙈🙈🙈♥
ام ايوب: ع خير ان شاءالله والله بدون مجامله اول ماخبرني ايوب طرت اني وبنات من فرحة 🥺♥ نصيب كيف بناتي واغلى ♥🥺
اني: تسلميلي عميمة ♥🥺
القيت امي تشبحلي هك 🌚 عرفت معناها ننوضي تحشمي 😂😂♥
نضت وخشيت للمطبخ لحقتني مريم ♥
مريم: اسفة خشيت للمطبخ بس ماشبعتش من نصيب 😂♥
اني،: ياروحي انتي، حق وين نرجس 🥺♥
مريم: نرجس قعدت مع بنات خالي في بيتنا ♥
عشق: ليش ماجن معاكم
مريم: مايحبوش يطلعو 👀♥
عشق: اييي صح في ناس يتريحو في حوش اكثر من طلوع
مريمم: ايييي صح
وقعدنا نهدرزو بعد نص ساعة روحو هل ايوب طبعا ردو عليهم قالولهم نشوفو بوي و عمي ونردو عليكم ♥👀
لمينا حوستنا ودرنا عشاء جي خالد يتحنط ويتغلا عليا ع أساس زعلان مني تعشينا وطبعا غرام بايته معانا خالد خبر بوي قال مدام شكرته وراجل كويس وتو نخبر عمك وناخد رايه خالد خبر مرام الي صار بينه وبين وبوي رنيت ع بنات مكالمة فيديو جماعية وخبرتهن وفرحولي وقعدن يزغرتن 😂هدرزنا شوية وسكرت ♥♥♥
درنا اني وبنات سفرة قهوة ف ليل ونهدرزو احني اربعة
عشق: نصيب، تخيلي لما بوي يخبر عمي قيس يعترض ويحجرك 😐💔
اني؛ ووووك غبارة تحركي من مكانك 😭😭
عشق: يخااا خيرك يابنت مسبلة ع دموع قلت تخيلي اني بس 😒
مرام: اسمعي قيس خوي ونعرفه هوا صح يحبك ويبيك وانا قتله من قبل قتله راهو نصيب تحب حد ويحبها وبيجي يخطبها صح اضايقك بس قال ربي يسعدها ، الي بنقوله اني مستحيل يوقف في وجه سعادتك وهوا اصلا بيمشي بيستقر في طرابلس حصل عمل غادي اسبوع جايي
عشق : ميمي عيوني تزعليش مني
مرام: لا ياروحي زعلتش 🥺♥ وفجأة صبت تجري للحمام لحقناها
وقعدت واقفين نستنو ونادو فيها
اني: عيوني خيرك 🥺♥
مرام: من امس واني ع حال هذا ♥ دوخة ونرجع ﴿حشاكم﴾
اني وخواتي شبحنا في بعضنا وتكلمنا مره وحدة: حااامل ♥ 😍😍😍😍
مرام : اسسس ياحشمتي سودة
خشينا للدار
مرام: زعما حقا يابنات حامل 😍😍♥♥🥺 امين يارب ♥😍😍😍 ان شاءالله نطلع حامل حقا.
اني وبنات؛ امييين ♥
اني: عقبالك غرام وخيتي 🥺♥
غرام : ان شاءالله يارب 💔🥺
عشق ناضت وقعدت ادربك ع دولاب وترقص: بنقعد عمة حي حي 👏👏👏💃💃
اني وبنات: 😂😂😂😂 مجنونه
مراام: بكرا بنمشي ندير تحليل
اني: ان شاءالله حامل يارب
مرام: امييين ياروحي واجمعيين عقبال مانفرح بيكن ♥🥺
اني وغرام: ان شاءالله
عشق : امييين يارب 😂👏💃
مرام: 😂😂😂 خزيييي، هي تصبحن ع خير استاحشت راجلي 🥺♥
اني وبنات: تلاقي خييير، 😂♥
غرام رقدت وعشق مكسده ع نت واني رنيت ع ايوب

اني: حبيبي
ايوب: عيونه
اني: خير صوتك هك صاير شي
ايوب: شي نصيبي ♥
اني: ايوب حسيتك مش فرحان 💔😓
ايوب: نصيبي حبيبي نزعل منك 😒 شن كلام هذا
اني : به خيرك، مش اني حبيبتك
ايوب،: ناقص نوم بس ياروحي
اني: متأكد حبيبي ♥
ايوب: اي ياروحي ♥
اني: مع اني مش مطمنه ونحس في شي وانت داسه عليا بس عادي براحتك لوحبيت تحكي 🙁💔
ايوب: حبيبي مش داس عليك شي تعبان بس ونبي نرقد
اني: باه حبيبي خلاص تريح ، تصبح ع خير حبيبي ♥
ايوب: تزعليش ياروحي، وانتي من اهلي يانبضي ♥🥺
اني: مش زعلانه حبيبي
ايوب: نصيب
اني: عيونها 🥺♥
ايوب: نحبك راهو
اني: نموت فيك حبيبي
ايوب: سلام ياروحي
اني : سلام حبيبي
سكرت منه وكنت مش متريحه حاسه انه في شي وعقلي ياخد ويجيب قريت اذكاري ورقدت بعد صراع طوييل مع تفكير ♥🥺
نضت ساعة11 غسلت صليت كلمت ايوب شوية ونزلت القيتهم يفطرو فطرت وضمينا حوستنا والبيت ركبت مرام غيرت وطلعت بدير تحاليل
امي: مرام وخالد وين مشو
عشق ترقصلها في حواجبها: بدير تحليل
امي: 🥺🥺 تحليل الي ف بالي
عشق: ايييي نفسه 😂♥
امي: ان شاءالله حامل يارب العالمين ♥🙏 وعقبالك بنيتي غرومة ♥🥺
غرام تنهدت: امييين يارب 🥺💔
اني حسيت فيها شي وكلمتها بشوية: خيرك
غرام : مرات نقدرش نجيب اولاد 💔
اني: لييششش 💔
غرام: وليد عنده مشاكل وضروري علاج 😓
اني: باه ياروحي مدام علاج بسيطه سيورة يتعالج وتحملي ان شاءالله 🥺♥
غرام : خايفة مايلقوش علاج ونقعد بلا اولاد 💔😓، واني نحبه وليد والله حتى لما دار تحاليل وقالوله هك قالي لو تبي تطلقي عادي قتله اني نبيك انت مش ضروري نحمل ونجيب ♥🥺
اني: ياروحي انتي معاش تتفاولو ع روحكم هكي ان شاءالله يتعالج وتحملي وتعبيلنا حوش اولاد حلوين زيكم 🥺♥
غرام : امييين ياروحي ♥🥺💔
بعد ساعة جت مرام ولمعة في عيونها ♥🥺
اني وبنات وامي: شن صار 🥺♥
مرام قعدت تبكي: 😭😭😭😭حااامل 😭😭😭♥
♥♥🥺🥺 مبرررووووك ياروحي
عشق: خيرك تبكي😭😭😭🥺♥
مرام: دموع فرحة 😭😭😭♥ حضنها وقعدنا نهدرزو وطبعا امي عطتها عفو من مطبخ وضمان 🥺😂😂😍 درنا الغداء تغدينا ضمينا حوستنا كلمت ايوب هدرزت معاه ورقدت نضت العصر غسلت صليت ونزلت القيت غرام بتروح سلمت عليها درنا قهوة وقعدنا نهدرزو نسمع في هاتفي يرن ركبت نشوفه فيييه نلقاه رقم غريب مارديتش شوي وجتني رسالة﴿نصيب ردي عليا ﴾ رن مره ثانيه رديت

»«»«»«»«»»«»«»«»««»«»««»«»«»«»«»««»«»«»««»««»«»«»«»««»«»

#يتابع

#أنوبة ♥🥺

زعمك من المتصل......؟ من تتوقعو....؟