رواية حكايتي

البارت السابع

طلعت من قسم نشوف في رتاج مازال واقفه ع علي وواضح انه في شي  جتنا
اني :  شن قالك
رتاج : في مستشفى امه مريضة 😞
اني : ماقالكش خيرها
رتاج ؛ قال مانعرفش
ميسم  تكلم فيا : م قالكش أمه مريضه ولا فيها شي
اني : ماعملنا هدرزنا ع هلنا وهك   تو بعدين لما يفتح نسأله
رتاج : هي نمشو 🖤
ميسم واني ؛هي
مشينا قعمزنا يلا بوابة شفت غرام  واقفه ع بنت مش كويسه درت روحي ماشفتها
رتاج : نصيب شوفي أختك مع من واقفه 🙂🖤
اني : شفتها 
ميسم :انتي عارفتيها بنت هذي شنو تبيع في حبوب راهو 🙂
اني : انتن عارفات لو  نمشيلها ونقوللها  ليش واقفه ع بنت شن اديرلي
رتاج : 😂😂تقطعك وتلوحك للكلاب (حشاكم )
اني ؛ كان هك ساهلة 😂😂😂،  تشويني وتطبخني وتهرسني  وتقليني وبعدها تلوحني زي ماقلتي 😂😂😂😂
ميسم  ورتاج: وووووه 🤣🤣🤣🤣 بطني متت
واحني نضحكو اتصل خالد  قالي اني طلعت
سلمت ع بنت وطلعت شويه وجت  غرام مشينا
خالد : نصيب اسمعي قولي ل امي   متغدي برا
اني : باه تم ، وين بتغذى
غرام : شن دخلك
خالد : بنمشي ل صاحبي أمها مريضه في مستشفى
اني عرفته طول أيوب : خيرها
خالد :  ارتفعلها ضغط مسكينه قريب ماتت امس من ولدها
اني استغربت : خيره شن دار
غرام : عادي تفهميني شن دخلك
اني فاصله نبي نعرف أيوب ولا :  نهدرز مع خالد خيرك انتي
غرام بتكلم سكتها خالد : غرام اسكتي ، وشافلي ولدها يشرب  ويجي عقابات ليل يتركب في خوته وخواته ضرب ويكسر في حوش  وكل يوم دايرلها كارثه
اني. معاش قدرت نسأل خلاص خفت يشكو فيا وفي نفس وقت نبي نعرف من لان حسب معلوماتي اكبر واحد أيوب :اييي ، ربي يشفيها  ان شاء الله
خالد : ان شاء الله يارب
غرام تبي تأكد ؛ أين من أصحابك
خالد : أيوب 😳
غرام : اها  ، أصلا  هما عيله كلهم مش كويسين ومعروفين
خالد : لا من قالك ، عيله تبارك الرحمن كلهم ،غير ولد هذا زمان صاحبه توفى قدامه ومن يوم هذاك قعد هك
اني نفكر  زعمك أيوب 😢 لكن أيوب كان يكلم فيا امس ولو هواه  خالد م بيصاحبه  ☹️ ياربي كيف لنعرف من اني 💔 ان شاء الله خير وخلاص
وصلنا حوش ونزلنا  غيرت دبشي وصليت ظهر واني ضيقة وفي حاجة ثقيله ع قلبي 💔😞  نزلت نشوف في امي المهم تغذينا وضمينا ركبت فتحت نت وحكيت للبنات  هدرزه خالد    تريحت شوي من كلامهن ممكن خوه الي اكبر منه   بعتت ل أيوب رسائل عشانه أمه وهك ورقدت  نضت مع العصر  ع صوت عشق
اني : خيرك
عشق :  نبي نحكيلك حاجه ، نوضي غسلي وصلي ندير قهوة ونحكيلك 
اني  ؛ باهي  هي
نزلت عشق  شفت هاتف القيته مازال مافتح واني عقلي ياخد ويجيب 💔😞 تعودت من شيطان وغسلت وصليت دعيت لأم أيوب  بالشفاء وجعتني ونزلت  للمطبخ  القيت ماما وعشق
اني : امي شن اديري
امي : ندير في طلبية 
اني : نعاونك ف شي
امي : لا ياروحي   كملت خلاص
اني : باهي
عشق : نصيب تعالي نقعمزو في جنان جو سمح اليوم وغمزتلي
اني : هي 
وطلعنا للجنان وقعمزنا  مع سفرة العشية قهوة 🥺❤️
عشق : قتلك
اني : قولي
عشق : كلمني زيد امس 🙈
اني : اييي 😋🤍شن قالك
عشق : ياخيه متحمسه اكثر مني انتي 😂😂😂💖
اني :😅😅😅خزو عارفه ليش
عشق :ليش
اني : اول حاجه الي مطمني  انك تخبري فيا وعشان هك متريحه يعني حتى لو درتي معاه علاقه واني نعرف ح نكون متريحه لانك تخبري فيا في كل شي وثاني شي اني عارفه زيد متربي ونشهد بالله غالي  عليا ونتمناله لك حبي ❣️🥺 فهمتي
عشق :  اني نخبر فيك لان عارفتك تبي مصلحتي وعارفتك تخافي عليا 🥺❣️ زي امي ، وحاجه ثانيه هوا ماقال نبيك وهك
اني : امالا شن 😕
عشق : هدرزنا بس 🤍🤓
اني : عادي توريني
عشق : اها حاليا عادي ، بس بعد زمان لا 😂😂😂😂❤️🥺
اني :😂😂😂خزوووو هاتي
شفت هدرزتهم
عشق:شن حسيتي 🥺🤍
اني : ياخيتي جوكم سمح 😋💜 ، لكن واضح معجب بيك 
عشق :زعمًا 🥺❤️
اني : آჂ̤ لكن خلي هدرزتك معاه هك زي توا  عاقله
عشق ؛ عارفه حبي ،نجك ليا
اني : وليا ياروحي
شفت غرام جايه سكتنا طول 😂خوف ياكبادي 😂😂😂😂🥺
غرام : خيركن سكتن
عشق :  كيف سكتنا آჂ̤ بنادم طبيعي  يهدرز ويسكت وبعدها يرد يهدرز
غرام : ماشاء الله أختك  تعلمتي قلة أدب من أختك
اني شبحت فيها ب استغراب وقعدت ساكته
غرام : خيرك تشوفيلي، معاش تعلمي أختك قلة أدب خيرلك
عشق : غرام اول شي نصيب تخافي عليا اكثر منك حتى. وثاني شي نحنا نهدرزو  ع قرايه
غرام  بصوت عالي ومعصبة :عشق خشي داخل خير مانكسر عليك سفرة
شبحت فيها بمعنى خشي لان عارفه غرام ح تضربها
خشت عشق
غرام : اسمعي  تباعدي عن عشق خيرلك وانتي عارفتيني شن نقدر اندير  🙂🖤
اكتفيت بالسكوت ورفعت سفره وخشيت 💔  ركبت لدار واني مخنوقه خلاص. فتحت نت القيت أيوب فاتح نت  وشايف رسائل ومش راد عليا   عذرته قلت مرات فتح وجي يلاه حد قعدت نهدرز مع بنات ونستنا فيه يرد عليا قريب ساعة   وبعدها رد عليا
كتبتله
اني : شن حال امك توا وأنت شن حالك
أيوب :  حال امي الحمدلله  وبكرا بتتطلع من مستشفى ، أما اني حالي مش باهي
اني : خيرك شن في 💔☹️
أيوب :  مضايق وبارمه بيا دنيا وكاره عيشتي 💔☹️ واحرف من هك ان اليوم  لا كلمتك ولا شفتك 💔💔😞 هذا بروحه كوم
اني : مضايقش روحك  ،اهو الحمدلله  أمك حالها باهي. وبكرا بتتطلع 🥺💔 ليش اضايق في روحك
أيوب :  الحمدلله 🥺💔 شكرا نصيب
اني : ع شن شكرا
أيوب : ع كل شي
اني : العفو ولو 🥺🤍 ، كليت شي
أيوب : آჂ̤ بكري خوك خالد جابلي  والله ماننسى فزعته ووقفته معاي.
اني :  مش انتم اصحاب أكيد بيوقف معاك
أيوب : كان نقولك عمامي وحوالي سمعو وناجي منه حد متخيله
اني : ممكن ماسمعو
أيوب : كلمتهم امس
اني : عندهم ظروف ماتحكمش ع حد هك  ☹️
أيوب :ايييييه ياحبي ماك عارفه شي انتي ، من يوم ماتوفى بوي وهما هم يجونا وقت مصلحة بس
اني :الله يرحمه ويغفرله ويجعل مأوه الجنه
أيوب :اللهم اميين
اني كان في سؤال في عقلي نبي نعرف  هوا كبير ولا وخايفة نسأله يعرف اني عرفت :  ماعندكش هوا كبار
أيوب : عندي  جابر
اني اطمنت  انه مش هوا الي يشرب : بسلامة خوتك وأمك
أيوب : اييييه 💔😞 كيف عرفتي ع امي  ولا قاللكم خالد
اني : اني الحق فقدتك في جامعه  وماكلمتني  انشغلت عليك والقيت علي سألته رتاج
أيوب :حق انشغلتي عليا
اني تحشمت ؛  اسمع امي تنادي فيا نكلمك بعدين
أيوب عرفني تحشمت : 😂😂😂تحشمت،  حق تبيك امك ولا تحشمتي
اني :مش هك 😅، آჂ̤ حق تبيني.
أيوب : باهي #نصيبي ،نستنا فيك بعدين
اني :باهي 🙈🙈🙈❣️ سلام 
أيوب : طوليش عليا ،سلام

سكرت منه شغلت أغاني  وقعدت نرقص 😂😂😂❣️ ع خشت عشق
خشت ترقص معاي بدون حتى ماتعرف ليش نرقص 😂😂😂❤️ رقصت لين تعبنا
اني : ووووه جنابي  عطيني مياه تربحك 😂😂😂❤️
عشق : هاك ، حق خيرك ترقصي 😂❤️
اني :🤣🤣🤣🤣🤣🤣 مش مخبرتك
عشق : خزووو خبريني ، اني ديما نخبر فيك
اني :بننزل ل امي بعدين نخبرك وطلعت نجري 😂😂❣️هبال
عشق لحقتني تجري 😂🤣🤣 : تعالي توا.
امي:😂😂😂 خيركن
اني :نلعبو
امي ؛  معاش تجرن تو اطيحن  وتكسرن  وتقعدن في رقبتي 🙂(مقولة أم مشهورة )
عشق :😂😂هذا الي شاغلك😂 نقعدو في رقبتك
اني : بكل 😂😂😂عليك توزيع ، خلاص اول سوداني يجيني نوافق عليه
عشق :خلاص واني خوووه 😂😂😂
امي؛😂😂😂😂 احسسن
واحني نضحكو  جتنا غرام كابوس 🤓
غرام : ماشاء الله ملتمات ،ضحكونا  معاكم.
عشق : اني ونصيب قررنا نزوجو 😂😂😂😂
غرام : اها ، اوك
اني وعشق شبحنا في بعضنا وقعدنا نضحكو 🤣🤣🤣🤣🤣🤣🤣🤣🤣🤣
.............

#يتابع 💜😍

#أنوبة

شن رأيكم في الحلقة اليوم .؟.....