#زوجه_أبي
Part. 6
👑اعوذو بالله من الشيطان الرجيم 👑
نيره اول اما نزلت مع ماجد وقفت علي جنب ..
ماجد : وقفتي ليه
نيره : مستر ماجد حضرتك انا نزلت معاك
. احتراما ليك عشان متضيقش من كلام مستر عامر. بس انا رافضه اشتغل بره الشركه هنا .
مستر حاتم ده هو اللي مربيني في مقام ولدي وانا بحترمه جدا وبحبه .
مش هينفع اسيب الشغل معاه. اتمني ان حضرتك متزعلش
ماجد بابتسامه : لا مش هزعل. انا بس كنت عشمان انك تقبلي تشتغلي معايا.
نيره : لو سبت الشغل هما. انت اول واحد هفكر فيه
ماجد : وانا عرضي ليكي ممتد . اي وقت توفقي هكون مبسوط.
نيره : شكرا ليك
ماجد سلم عليها ومشي وهي ركبت تاكسي وراحت عند مامتها . وهي مضايقه من تصرفات عامر معاها هي عارفه انه فاكرها مش كويسه.
نيره : يتفلق هو ماله . ولو انا مش كويسه هو يكون ايه
عامر رجع البيت وهو شايط : ماما فين بابا
سلوي : في المكتب
عامر : طيب
عامر دخله وقعد قدامه . وهو بيهز في رجله
حاتم : في ايه
عامر : مراتك
حاتم : مراتي
عامر: الست نيره . انت لازم تطلقها
حاتم : وليه بقي
عامر: مش كويسه . دي مشيت مع ماجد
حاتم : مشيت معاه ليه. سالتها
عامر : واقفين يتكلمو ويضحكو في الشركه
حاتم : وفيها ايه. نيره شاطره في شغلها وماجد عايزها تشتغل معاه وهي رافضت مع انه عرض عليها يضعف المرتب بس هي مش عايزه تسبني
عامر بص لابوه وسكت. يعني واحده غيرها مفروض توافق علي الشغل مع ماجد خصوصا انه شاب ووسيم وغني مفروض تستغل الظروف ليه ماسكه في ابوه ليه
حاتم : وانت بقي زعلتها
عامر : اشمعانه انت
حاتم : مش فاهم
عامر : اشمعانه انت بتقرب منك واتجوزتك وشغاله معاك. مع ان ماجد كويس وشاب
حاتم بيفكر يقول لابنه انها لعبه وانهم مش متجوزين. بس لو عمل كده هيقول لامه واكيد هتغير تعاملها معاه تاني وترجع زي الاول بتعامله بجفاء
عامر : يا بابا رد عليا . اشمعانه انت
حاتم : وانت عايز تعرف ليه
عامر : عشان في حاجه مش مفهومه. .. هي بنت في جمالها وتعليمها وواحد تاني عايز يشغلها عنده. وترفض عشانك ايه السبب
حاتم ضحك : وانت بتقر عليا
عامر : بابا انت بتهزر بس انا عايز اعرف الحقيقه ورا الموضوع
