#زوجه_ابي
Part 27
👑 سبحان الله عدد ما كان وعدد ما يكون عدد الحركات وعدد السكون 👑
حاتم قلق من سرعه سلوي وهو قاعد بيتغدا مع جني . اتصل بعامر
حاتم : الو يا عامر. عامل ايه
عامر : الحمد لله يا بابا .انت عامل ايه
حاتم : انا الحمد لله . بقولك هي سلوي كلمتك
عامر: اه كلمتني. ليه
حاتم : وقولتلها انت فين
عامر باستغراب : اه يا بابا هي سالتني وانا قولتلها
حاتم : فالح . هي جايلك في الطريق ومعاها ميرا
عامر : قول انك بتهزر
حاتم : والله مش بهزر .
عامر : وبعدين اعمل ايه
حاتم : اهرب يا غبي . خد مراتك وروح مكان تاني
عامر : هو ده اللي هعمله. سلام. يابابا
حاتم : سلام
قفل عامر مع حاتم ابوه ..ودخل بسرعه لنيره.
عامر : حبيبي يلا قومي ساعديني نلم هدومنا
نيره : ليه في حاجه
عامر : هنروح مكان تاني نقضي فيه بقيت شهر العسل
نيره : ليه انا حبيت المكان هنا اوي . ومبسوطه
عامر : صدقيني مش هتنبسطي كتير. خليكي واثقه فيا
نيره : طيب انت مستعجل ليه
عامر : عشان نلحق . يلا بس .
نيره قامت لمت حجاتها مع عامر اللي عمال يلف حولين نفسه وهي بتضحك عليه. وهو مش راضي يحكيلها ان
سلوي جايه مع ميرا عشان متزعلش
عامر خد الشنط علي العربيه : في حاجه ناقصه
نيره : لا انا شيكت علي كل حاجه .
عامر : الحمد لله. . يلا اركبي
نيره ركبت وهو سلم المفتاح بتاع الشاليه للامن .. وساق بسرعه
نيره : في ايه يا عامر . انت بتسوق بسرعه اوي كده ليه
عامر : عشان نلحق نوصل
نيره : انت مشغل الجي بي اس
عامر : اه هنروح مرسي مطروح
نيره : حلوه اوي. في منتجع هناك اسمه جاز الماظه حلو اوي
عامر : تمام يا قلبي . هوديكي.
نيره : احنا سبنا الشاليه ليه .
عامر : تغير . وبعدين احنا هنلف في كذا مكان عشان منزهقش
نيره : ربنا يخليك ليا يا حبيبي
عامر : ويخليكي ليا يا روح قلبي.
بعد وقت وصلو مرسي مطروح وراح علي المنتجع(الريزورت) اللي قالت عليه نيره.
حجز جناح ليهم.
سلوي وصلت الساحل الشمالي وتحديدا مارينا وسالت علي الشاليه اللي قال عليه عامر . لقيته مقفول . سالت الامن. قالها انه لسه ماشي
