#زوجه_ابي
Part37
سبحان الله وبحمده .. سبحان الله العظيم
سميحه كانت عازمه عامر ونيره علي الغدا .
اتجمعو مع بعض واتغدو
نادر: كل يا عامر. شكلك خاسس
عامر ضحك : قصدك ايه ان اختك مش بتاكلني
نادر: ده انت ليك الجنه
الكل ضحك ونيره بصله بغيظ : طب لم نفسك .
نادر: اكدب علي الراجل . ما هو خلاص ادبس . نعرفه الحقيقه
عامر ضحك . نيره : انت بتضحك .
عامر : اعمل ايه . اخوكي وبيهزر معاكي
نيره: قوله الحقيقه اني اكل حلو
عامر: اكلها حلو
نادر :هههههههههه. خدت بالي.
نيره : ماشي يا عامر انت ونادر. محرومين من اكلي
سميحه بتضحك عليهم : انتم الخسرنين
نادر: الحمد لله. انا عايز صحتي. انا لسه شباب .
نيره : ماشي . ماشي .
عامر : شكلك هتتروق يا نادر
نادر وقف وشاورها : انا مبضربش غير من مراتي
نيره : ههههع . راجل. فين مراتك دي يا خروف العيد
نادر : عامر لم مراتك .. نيره بصتله بتحذير
عامر رفع ايده باستسلام : مليش دعوه .
نادر: انت خايف منها
عامر: مش مستغني عن نفسي
نيره : ليلتك مش معديه يا نادر .
سميحه : اقعد يا زفت يا نادر وانت عامل زي البوتجاز. .
نادر: انا ابن البطه السودا . كل شويه تزعقيلي
نيره: يا بني احنا لاقيناك علي باب الجامع
سميحه وعامر ضحكو . ..... ..
بعد الغدا. سميحه واقفه في المطبخ ونيره معاها
سميحه: اخبارك ايه مع عامر
نيره: الحمد لله.
سميحه : مش حاسه بحاجه كده وله كده.
نيره: حاجه ايه
سميحه: بتكلم عن الحمل . نفسي افرح بيكي
نيره: مش في دماغي يا ماما. انا عايزه اعيش حياتي مع عامر ولسه بدري علي موضوع الحمل .
سميحه : بقالك ٣ شهور متجوزه.
نيره : عادي يا ماما
سميحه : تعالي نروح للدكتوره وأطمن عليكي.
نيره : هقول لعامر الاول
سميحه : ماشي.
رجعو البيت ونيره مشغوله بكلام مامتها هي اتاخرت فعلا وله عادي. بتفكر مع نفسها
لاحسن اكون مش بخلف. وعامر يعرف ويطلقني او يتجوز عليا . بس عامر بيحبني . سلوي اكيد هتنتهز الفرصه وتلعب في دماغه عشان يتجوز عليا وترتاح مني .
