زوجه أبي(مكتمله)

جني

#زوجه_ابي

Part 34

👑اللهم صلي وسلم علي سيدنا محمد وعلي اله واصحابه وسلم

وقت اما خرج ماجد من عند عامر كانت ميرا خرجت وراه.
كانت بتتكلم في التليفون وماجد سمع صوتها . ركن علي عربيته وهو متابعها. خلصت مكالمه

ماجد : ميرا
ميرا بصتله .. ماجد : ممكن اعزمك علي قهوه

ميرا : مش بحبها
ماجد بابتسامه : بتحبي ايه

ميرا وقفت وبصتله من فوق لتحت هو كويس وجان ووسيم بس عامر. هي بتحب عامر فعلا وله ممكن تدخل في علاقه غيره

ماجد قرب منها وايده في جيبه : لدرجه دي السؤال صعب

ميرا : افتكرت حاجه

ماجد : موافقه علي عرضي. صدقيني مش هتندمي
ميرا: بس انا مش عارفاك

ماجد: نتعرف.
ميرا: وليه نتعرف.

ماجد ابتسم بجاذبيه : بصي بصراحه انا معجب بيكي.

ميرا: انت مش بتضيع وقت
ماجد : بيزنس مان بقي

ميرا ابتسمت : اها.

ماجد : بوعدك اني مش هضايقك. مجرد تعارف بسيط

ميرا سكتت بتفكر

. ماجد : ايه. كل ده عشان هنشرب حاجه . لو قلت هنتغدا كنتي عملتي ايه

ميرا: اوك . موافقه

...في الفيلا عامر مغمض عينه وراسه علي كتف نيره. اللي قاعده متابعه ضياء وجني وهو بيتكلمو بهمس وبيضحكو

ضياء بص علي نيره : في ايه. مالك
نيره بهمس :ماليش . كملو.. كملو

جني ضحكت وحطت ايدها علي بوقها وضياء بصصلها بغيظ .
ضياء. : ما تخدي الاخ اللي نايم وتطلعو اوضتكم
نيره : لا قاعده علي قلبكم

جني : خليها
ضياء. : انتي عاجبك قاعدتها
جني هزت راسها بابتسامه وهو بصلها

ضياء: انا قولتلك قبل كده انا ضحكتك حلوه
جني بفرحه : لا مش قولت

ضياء: انا حمار
نيره بهمس : ايه الجديد

جني بتضحك .. وضياء : بتقولي حاجه يا نيره

نيره بصت علي عامر : انت عايز ايه منها
ضياء : من مين

نيره رفعت حاجبها . وضياء ضحك : مش عايز حاجه

نيره بصت لجني بعنيها . جني نزلت راسها وفهمت

جني : عن اذنكم انا هطلع
ضياء : رايحه فين

جني : هنام.
ضياء: خليكي معايا شويه

جني : معلش عندي صداع
ضياء: الف سلامه عليكي

جني : الله يسلمك عن اذنكم
طلعت جني وهي حاسه بخيبه امل كانت فاكره ان ضياء ابتدي يحبها او حتي يحس بحبها. بس لا .