#زوجه_ابي
Part 17
👑 اللهم صلِّ على سيدنا محمد و علي اله واصحابه وسلم 👑
يوم جديد ابتدا عامر كان فرحان علي متوتر. اما نيره مرحتش الشركه اليوم ده كان بتنضف البيت من الصبح
نادر : انا هصورك وابعت الصور لعامر
نيره : بس يا رخم .
نادر : اه لو شافك وانتي ربطه الايشارب ورفعه رجل البنطلون ومنزله رجل ووشك متبهدل. هيهرب منك
نيره : لا بيحبني مش ممكن يهرب. قاعده في قلبه متربعه
نادر : متاكده . خلاص انا هصورك ونشوف
نيره بتجري. وهي بتصوت : يا رخم يا بارد
نادر بيجري وراها ومعاه التليفون
نيره : يا مااااامااااا.
سميحه خرجت من المطبخ كانت بتعمل غدا للضيوف اللي جاين.
سميحه : في ايه صرعتو راسي
نيره : نادر عايز يصورني ويوري الصوره لعامر
سميحه : يخيبك انت عايزه يهرب
نادر ضحك ونيره دبدبت برجلها في الارض
نيره : حتي انتي يا ماما
سميحه : هو انا قولت حاجه . انا بقول الحقيقه. شكلك صعب
نيره : ما انا بمسح الشقه عايزاني امسح ازاي
سميحه : بطلي رغي . خلصتي
نيره : كله تمام يا موحه
سميحه : روحي استحمي كده و ظبطي نفسك
نيره : ماشي.
نادر : هههههه.
سميحه : انت يا زفت انزل هات البيبسي
نادر: حاضر اماما
نزل نادر .. ونيره دخلت تاخد دش وسميحه بتكمل الاكل
اما عامر رجع البيت : بابا. بابا
حاتم كان في المكتب : تعال يا عامر
عامر دخل وباس جبينه : حبيبي عامل ايه
حاتم ابتسم : الحمد لله. يلا اطلع غير عشان نلحق
عامر : هوا . فين ماما
حاتم : فوق بتجهز
عامر: ربنا يستر.
طلع عامر وخبط علي جني .. فتحت
جني : مبروك يا عامر
عامر حضنها : الله يبارك فيكي عقبالك
جني : لسه بدري اما اخلص دراسه الاول
عامر : حبيبتي ربنا معاكي . يلا البسي.
جني : حاضر
عامر دخل اوضه وخد دش ولبس بدله. وواقف بيظبط نفسه قدام المرايا حط برفيوم.
خلص وخبط علي جني كانت لبست ونزلت معاه.
حاتم كان منتظرهم في المكتب. .
