⛵ سلسلة اركب معنا ⛵
🌅 إصلاحات قبل شهر الرحمات 🌅
🔅الحلقة الثانية 🔅
إحنا اتفقنا في السلسلة اللي قبل دي سلسلة 🌼بداية الهدايه 🌼 إنك عشان تكون عبد ذكى ده بيتطلب منك إنك تهتمـ أوى بتفاصيل العبادات و #الآخلاقيات لآن ده اللى هيميزك عن غيرك 😊
_ بقينا دلوقتى نشوف فـ الكليات كامـ بنت على كامـ ولد بيهزروا سوا #بالايد وممكن كمان تلاقيهمـ بيلعبوا #صلح 😤😟
واللى يحرق دمك بقي أن فية بنات بقت هي االي بتبدأ بالكلام والهزار مع الشباب.. 😤
_ ننتقل للمشهد التانى عـ الكورنيش البت والواد مقضينها تسبيل بغض النظر أنى معرفش بيسبلوا إزاى!!!!
ومش هاممهمـ كل الناس اللى حواليهمـ وإحنا أصلاََ ماشاء الله شعب فـ حاله ما بنصدق نلاقي حاجات زى دى ونقف نتفرج و #ننشكح أوى كده للاسف بدل ما ننصح بعض الا ما رحم ربي... 😒
_ والبنت اللي لابسة من #غير هدومـ والواد اللى مسقط بنطلونه 😠 والتانى اللى لابس بلوزة أخته والبت اللى المفروض المفروض محجبة لكن ماشاء الله #لون شعرها حلو أوى 😱
_ مظاهر كتير أوى للأسف بتزيد وبتكبر لآنهمـ فقدوا أهمـ شئ #الحيــآاء
أنت تعرف أن الحياء ده شعبة من شعب الايمان يعنى لو فقدته أنت فقدت جزء من #ايمانك ،، طيب تعرف أن الرسول عليه الصلاة والسلامـ كان أشد حياء من العذراء فى #خدرها كفاية كده ولا نقول كمان ؟!
نقول كمان .. الرسول عليه الصلاة والسلامـ قال " إن لكل شئ خلقا وخلق الايمان #الحياء "
شوف الموقف ده كده .. عن الأشج المنقري قال: قال لي رسول الله صلى الله عليه و سلمـ ) إن فيك لخصلتين يحبهما #الله قلت ما هما ؟ قال : الحلم والحياء ) قلت : أقديما كان أو حديثا ؟ قال بل قديما ( قلت الحمد لله الذي جعلني على #خلقتين يحبهما الله.)
🔅 نيجي بقي لآهمـ جزء دلوقتى الحياء #نوعين نوع فطرى أنت مجبول عليه ومجبول يعنى مخلوق بيه يا متعلمين يا بتوع المدارس 👌
ونوع تانى مكتسب وعلى فكرة النوع المكتسب ده أعلى من الفطرى ليه لآنه مكتبس من معرفة ربنا وقربك ليه ومعرفتك بعظمته وشعورك بأن ربك #مطلع عليك ويعلم بخائنة الآعين وما تخفي الصدور وده من أعلى خصال #الإيمان <3
فلو انت أو أنتى دلوقتى فقدتوا الحياء الفطرى لآى سبب من الآسباب تقدروا تنموا عندكمـ الحياء المكتسب وتستشعروا وجود ربنا فـ كل لحظة أنتوا بتعدوا بيها وتبقوا من عباد الله #الآذكياء اللى مسابوش جزء مهمـ من إيمانهمـ وهو #الحياء..
_ أخر حاجة هقولها فـ الموضوع ده هو كلامـ سيدنا النبي " إذا لم #تستحي فافعل ما شئت " أنت وضميرك بقي 🙂
➖➖➖➖➖
#اركب_معنا
#حياتي_دعوة
أنت تقرأ
⛵ سلسلة اركب معنا ⛵( إصلاحات قبل شهر الرحمات) (مكتملة)
Adventure( مكتملة ) كُن ليناً🤍 عامل الناس برفق ولين ،اسمع منهم ،ساعدهم لو قدرت،لكن ماتحكمش على حد إنه غلط،انت متعرفش هو عايش ازاى وبيعمل اى🌻 افهم اللى حواليك،احسن الظن بالناس ،والتمسلهم أعذار مش عذر واحد🤍 *إرتقي*
