⛵ سلسلة اركب معنا ⛵( إصلاحات قبل شهر الرحمات) (مكتملة)

17⛵

⛵ سلسلة اركب معنا ⛵

🌅 إصلاحات قبل شهر الرحمات 🌅

🔅الحلقة ١٧ 🔅

حاسس إن قلبي بقي قاسي أوى مش حاسس بخشوع فـ الصلاة حتى ذكر ربنا بحس كأنى بقول أى كلامـ عادى كده مش حاسس بحلاوة اللى بقوله😢
مش حاسه بلذة الطاعة ومش حاسه إن ربنا راضي عني كإنى بعمل كل حاجة #تخلصاََ مش إخلاص 😢

ركزوا معايا بقي ^_^😯
قلوبنا بتمر بفترات إقبال وإدبار .. يعنى إيه الكلامـ ده ؟!
يعنى شوية قريب أوى أوى من ربنا ومليان إيمان وخشوع وشوية بعيد أوى عنه ومش حاسين بلذة الطاعة وتحس إن قلبك ده #حجر .. ده أمر عامـ بيحصل للغالبية والموضوع طبيعي جداََ بس في حالة إن فترات الفتور والضعف والقسوة دى وقتها #قصير وبتروح بسرعه وبترجع تانى لطيبعتك وقربك من ربنا
أما بقي لو الحالة دى طولت ده معناه إن في خلل في قلبك ومحتاج لعلاج..

طيب والحل إيه ؟!😏
نشوف الآول الآسباب ونعالج على قد السبب
🔅_ يعنى مثلاََ لو أنت موجود فـ بيئة #غافلة يعنى ذكر ربنا قليل بكل الطرق ده طبعاََ بيساهم بشكل كبير في إنك تطَّبع بقساوة البيئة اللى أنت فيها ساعتها لازمـ أنت توفر لنفسك البيئة الطيبة اللى تساعدك طيب مقدرتش تلاقي ؟ يبقي خد نفسك منهم وخليك مع ربنا وخلي بيئتك هى أنت ووجودك مع البيئة الغافلة دى سطحى جداََ ولو مجبر تكون وسطهم دايماََ عوض ده بالإكثار من الذكر وقراءة القرآن و #الدعاء

🔅_ ممكن يكون السبب #ذنب أنت واقع فيه مش قادر تتخلص منه احساسك بتأنيب الضمير بقي مخليك مش عارف تقرب من ربنا العلاج إنك تجاهد نفسك من قلبك أوى عشان تسيب الذنب ده حتى لو بتتوب منه كل يومـ وترجعله تانى مش مهمـ المهم تفضل دايماََ في حالة #مجاهدة للنفس وصدقنى هتيجي فـ مرة وهتبطله خااالص طالما نيتك خالصة ربنا هيعينك

🔅_ والغالبية بيكون السبب روتين بنخش في #ملل حتى من الطاعات الصلاة هى هى زى كل يوم والذكر هو هو مفيش جديد طيب نعمل إيه ؟ جدد كل يوم في السور اللى بتقرأ بيها واحفظ كل يوم لو حتى #آيتين جداد دخلهم في قرايتك هتلاقي نفسك بتقرأ بتركيز لآنهم أيات جديدة على لسانك دور على أذكار جديدة كان بيقولها سيدنما النبي واعرف #فضل كل ذكر فيهم عشان تحس بأهمية اللى أنت بتقوله

😯رغيت كتير مش كده 😱 بس خلاص أخر حتة في الرغي ^_^😊
🔅ربنا سبحانه وتعالى بيقول " إن الله لا يغير ما بقوم حتى يغيروا ما بأنفسهم "
يعنى ربنا مش هياخد بأيديك وأنت #مريح فيها ونفسك تقرب من ربنا بس مبتاخدش أى خطوات تقربك منه لو أنت ماشي سليم وبتجاهد نفسك هتلاقي ربنا بيشملك برعايته ليك <3

👈سيدنا النبي بيقول عليه الصلاة والسلامـ " إياكم و #المعاصي، واعلموا أن العبد #يحرم الرزق بالذنب يصيبه وقد كان هُيئ له"

يعنى يا معلمـ على قد ما هتغير علاقتك مع ربنا للأسوأ على قد ما حياتك هتتغير للأسوأ مبقولش مبتغلطش لآننا بشر لازم هنغلط بس على قد ما غلطنا لازمـ نتوب على قد ما بعدنا عنه لازمـ منه نرجع #نقرب تانى لاننا منقدرش نعيش
🔅🔅🔅🔅🔅
#اركب_معنا